UBUTUMWA BWA MUTAGATIFU YOZEFU, Tariki 29/06/2023
Bana banjye nkunda, nimugire kubaho kandi mugire gukomera, mbifurije amahoro akomoka ku Mana umuremyi wa byose kandi nimwakire umugisha ubakomeza kuri uyu munsi kandi ubaherekeze mu ntambwe z’ibirenge byanyu kugira ngo murusheho gukataza kandi murusheho kwambara imbaraga zikomoka ku Mana umuremyi wa byose zikomeze kubashyigikira mu rugendo rwanyu kandi zikomeze kubamurikira uko bwije n’uko bukeye kugira ngo mukomeze guhagarara gitwari kandi mukomeze guhagarara kigabo. Nimukomere rero mukomeze urugendo kuko ndi kumwe namwe nk’umurinzi wanyu kandi nk’umureberezi wanyu ubareberera amanywa n’ijoro kandi nkarushaho kubatera inkunga kubashyigikira no kugendana namwe mu buryo budasanzwe kandi gukomeza kubatera inkunga kandi gukomeza kubareberera uko bwije n’uko bukeye nkabacungira umutekano nk’abana banjye nkunda kandi banyizihira. Nimukomere rero ntore zanjye kandi nimukomere ntore z’umusumba byose kuko murinzwe n’Ijuru ryose kandi mukaba mushyigikiwe. Ndi Mutagatifu Yozefu uhorana namwe kandi nkabatera inkunga uko bwije n’uko bukeye kandi nkarushaho kubakatarisha mu ntambwe z’ibirenge byanyu ari ko ndushaho kubateza intambwe mberekeza imbere mbarundarunda kugira ngo ndusheho kubinjiza mu rukundo rw’umusumba byose namwe murusheho guturamo kandi murusheho gutekanirayo kuko ari ho haboneka amahoro ndetse n’ibyishimo. Nimukomeze rero muvome ibyiza by’Ijuru kandi mukomeze musogongere ku byiza by’Ijuru munywe kandi mucurure ntimukarekere aho kuko ibyiza byabagenewe ari byinshi kandi bibateguriwe ari byinshi bikomeje kuza ari uruhuri; nimutegereze kandi mutege ibiganza kugira ngo bikomeze bibazire kandi bikomeze bibamanukire kugira ngo namwe murusheho kubibuganizwamo bikomeze kubagirira umumaro kandi bikomeze kububaka uko bwije n’uko bukeye. Nimutekane rero mu mitima yanyu kandi mwakire ibyiza by’Ijuru kugira ngo bikomeze kubagirira umumaro kandi bikomeze kubatera inkunga kandi bikomeze kububaka mu rugendo rwanyu namwe murusheho kubaka abandi kandi mukomeze kuba urugero rwiza mu bandi kandi mukomeze kwera imbuto nziza mu bandi kuko icyo tubifuzaho ari icyiza kandi icyo tubifuriza akaba ari umugisha amahoro ndetse n’umutekano gukomera no gukomerera mu by’Uhoraho kandi gukomeza urugendo igihe cyose.
Turabubaka rero igihe cyose namwe nimujye mwemera mwubakike kuko tubarundarunda murajye mwirinda kwinyanyagiza kandi muhore iteka mwubatse kuri Uhoraho ahandi hose mwajya ni umusenyi gusa; nimukomeze rero mutekanire mu rukundo rw’Uhoraho kandi mukomeze muhadabagirire mukomeze muhavome ibyiza byinshi kandi mukomeze muhavome amahoro ndetse n’urukundo kandi mukomeze kwinjira mu gushaka kwa DATA gukomeze kubayobore kandi kubagenge igihe cyose mwemere ko DATA abagenga kandi mwemere ko abayobora igihe cyose.
Nanjye naje kwifatanya namwe muri ubu buryo kugira ngo nkomeze mbatere inkunga kandi nkomeze mbabere maso kugira ngo ndusheho kubahindira imitego y’umwanzi kandi ndusheho kubahigikira iby’umwanzi mbyegeza hirya kugira ngo murusheho gutambuka kuko umwanzi yarekereje kugira ngo arebe yuko yabaconcomera kugira ngo arebe yuko yabiba none rero bana banjye nimumenye ubwenge kandi mube intwari ku murimo kandi mube intanganzwa ku murimo muhore iteka mwemaraye, ntimukagorame kuko tubagorora kugira ngo mugendere mu nzira nziza zigororotse; muririnde rero kugendera mu nzira zigoramye nimuhore iteka mugendera mu nzira twabateguriye kandi duhora tubaharurira; nimwirinde guca hirya no hino maze mugendere mu nzira tubaharurira kandi inzira tuba twabateguriye kuko tuba twashyizemo urumuri ngo ari yo mugenderamo. Mwihaye rero guca hirya no hino hari umwijima Sekibi aba yateze yahita abafatirayo kuko mutakongera kureba, nimukomeze rero mumurikirwe n’urumuri rw’Ijuru kandi ruhore iteka rubabereye itara maze muhore musukuye mu mitima yanyu kandi muhore mukereye kumva amatangazo y’iby’Ijuru kandi muyazirikane muyashyire mu bikorwa murusheho kwinjira mu gushaka kwa DATA ari na ko mwikindikizaho ubutungane kandi murushaho gukurikiza amategeko n’amabwiriza bituruka ku Mana umuremyi wa byose kandi murangwe n’ingeso nziza ibyiza by’Ijuru tubagezaho umunsi ku wundi murusheho kubyubakiraho kandi murusheho kubigenderaho kuko igihe ari iki ngiki cyo kugira ngo Mwene Muntu aho ava akagera yisubireho kandi ahinduke agendere mu murongo nyawo kandi yemere kuyoborwa n’ugushaka kwa DATA kandi yemere kugendera mu nzira za Nyagasani.
Igihe ni iki rero kugira ngo Mwene Muntu yitegure kandi yisukure yisubireho kandi yongere kugendera mu murongo kuko igihe kizakurikiraho ntabwo bizaba bimeze bityo. Iki gihe rero ni igihe turi guteguza buri kiremwa cyose kandi twakomeje no guteguza buri kiremwa cyose kugira ngo Mwene Muntu agaruke mu nzira inzira zikigendwa kuko inzira zigiye gufungwa; Mwene Muntu rero nagaruke kugira ngo abashe kwinjira kandi kwinjizwa mu muryango w’urukundo rw’Uhoraho kandi abashe kwinjira mu rumuri kandi kugira ngo abashe kumurikirwa kandi arusheho gutezwa intambwe uko bwije n’uko bukeye kuko igihe ari iki cyo kugira ngo Mwene Muntu yisukure kandi yisubireho areke imigenzo mibi kandi areke imigenzereze mibi aho iva ikagera bityo yemere kuyoborwa n’imigenzo myiza aho iva ikagera; muzi ikibi kandi muzi n’icyiza nimugendere ku cyiza tubabwira kandi mugendere ku cyo tubatoza uko bwije n’uko bukeye.
Amategeko mwarayahawe DATA yarayabahaye kandi murayumva uko bwije n’uko bukeye mukayasoma kandi mukayazirikana nimujye muyashyira mu bikorwa kandi murusheho kuyoborwa na roho mutagatifu abagenge kandi abakoreremo igihe cyose kuko mwaramuhawe kandi mwamubuganijwe muri mwebwe, muririnde kumuninira kandi muririnde kumwigizayo kuko aza iteka ryose kugira ngo abagenge kandi abayobore abereke inzira nyayo mwakagombye gukatarizamo. Nimukomeze rero mugende mu nzira y’urumuri kandi mukomeze mushyigikirwe n’ububasha bw’Uhoraho bukomeze bubagote kandi bubazenguruke igihe cyose bityo imbaraga za Nyakibi zibure aho zimenera zaza muri mwebwe. Nimukomeze mufunge imiryango yose Sekibi yakwinjiriramo aza muri mwebwe bityo murusheho guhanga amaso yanyu Ijuru maze intwaro yanyu muyigire isengesho igihe cyose mwumve yuko mubumbatiwe n’ububasha bw’Uhoraho natwe dukomeje kubarinda no kubagota no kubazenguruka no kubacungira umutekano kandi dukomeza kubahindira umwanzi dukomeza kubarebera hirya no hino kugira ngo turusheho kwigizayo umwanzi.
Iteka ryose rero turangwa no kurundarunda abacu kugira ngo umwanzi Sekibi atabigarurira igihe umwanzi Sekibi ashaka kubasaturamo kabiri turangwa no kuza kugira ngo tubarundarunde kandi dukomeze twubake icyiza muri mwebwe; muririnde kwikururira ikibi bana banjye, muririnde gukurura umwanzi kandi muririnde kumuha urwaho mutege amatwi ibyo tubabwira kandi mutege amatwi Ijuru igihe cyose. Ndabakomeje nimukomere nimuhumure ndabahumurije ntimukababare kandi ntimukigunge ntimukihebe nk’abatagira ab’Ijuru ahubwo nimushimishwe n’uko muvugishwa n’ab’Ijuru kandi mushimishwe n’inyigisho tubaha kuko tuza kubaburira no kubigisha no kubakomeza kugira ngo muhore iteka mukomereye mu rukundo rw’Uhoraho rubakomeze kandi rubagenge igihe cyose. Nimukomere rero ndabakomeje kandi nimuhumure ndabahumurije ntimukihebe bana banjye ntimukihebe ntore z’Umusumba byose ntimukaganye kandi ntimukiganyire; icyo mubona kibagoye kandi icyo mubona kibabangamiye kandi icyo mwumva mutishoboreye nimukomeze kugihereza Nyagasani kuko nawe yiteguye kwakira ibyo mumuhereza byose kugira ngo amanure ibisubizo byanyu.
Mbifurije umunsi mwiza wo gukomera no gukomeza urugendo gukomeza kurwana urugamba kuri buri wese guhagarara ku izamu rye no kuba maso, mbifurije gukomeza urugendo kandi nbifurije ibihe byiza, ndi Mutagatifu Yozefu, mbahaye amahoro kandi mbahaye umugisha, nimugire kugubwa neza ndabakunda, umunsi mwiza wo kurwana urugamba kandi umunsi mwiza wo gukomera no gukomeza urugendo ndabakunda.
AMAHORO, AMAHORO, NTORE Z’UMUSUMBA BYOSE, NDI MUTAGATIFU YOZEFU. AMAHORO, AMAHORO, BANA BANJYE!