UBUTUMWA BWA BIKIRA MARIYA, TARIKI YA 03 WERURWE 2025
Mbasesekajeho ububasha bwanjye bana banjye, ndabahobereye rukundo rwanjye n’urwa DATA, nimwakire indamukanyo yanjye kuri uyu munsi kuko mbahobereye mu rukundo rwanjye kandi nkaba mbabumbiye hamwe mu mutima wanjye, nimwakire iruhuko kandi nimwakire ibyishimo kuko mubikesha DATA wabampaye, kandi nanjye nkaba nganje nk’umubyeyi wanyu uri rwagati yanyu kugira ngo koko nkomeze kubuhira amazi afutse kuko byose nkomeje kubibasendereza kandi nkaba nkomeje kubibasesekazaho nk’umubyeyi ubakunda, namwe rero nimukomeze kunkundira muri byose kandi mukomere mu rugendo, kuko naje kubambutsa kandi nkaba naraje kubambika ibyiza by’agatangaza kugira ngo koko mukomeze gushyigikirwa n’ububasha bwacu kandi mukomeze gushyigikirwa n’Ijambo rya Jambo; iteka ryose rero nirikomeze kubabera inshyimbo kandi rikomeze kubabera inkingi ibakingira muri byose, nanjye ndahari kugira ngo nkomeze kubabera umutoza w’ukuri kandi ndahari kugira ngo nkomeze kubambika imbaraga ndetse n’ububasha binkomokaho, bityo bihore bibashyigikira kandi bihore bisendereye mu buzima bwanyu bwa buri munsi; erega ndahari ndaganje nk’umubyeyi ubakunda kandi mbakiriye mu rukundo rwanjye kandi mbakiriye mu mutima wanjye utagira inenge kuri iyi saha nishimanye namwe kandi ntaramanye namwe mu buryo nk’ubu ngubu kandi mu bikorwa bidasanzwe kuko naje kugendana na buri wese mu nteguro idasanzwe y’ibikorwa bya DATA cyane cyane kuri uyu munsi, bityo rero nkaba naje nje kubaha imbaraga kandi nkaba naje nje kubaha umugisha wanjye wa kibyeyi, ubashyigikira kandi ubakomeza mu minsi mibi; ngaho rero nimwakire buri kimwe cyose kuko nakibazaniye kandi nkaba naje kugisendereza muri roho ya buri wese.
Nimwakire iruhuko mu mutima wanjye kuko naje kuvomerera ababi n’abeza kandi nkaba naje kubavomerera urukundo mu buryo budasubirwaho, namwe rero nimukere gutega ibiganza kandi murusheho gufungura imitima kugira ngo koko ibyiza by’agatangaza nkomeje gusendereza abari hirya no hino ku Isi bikomeze kubagirira umumaro kandi bikomeze kububaka bundi bushya, kuko naje kubaka kandi nkaba naje gusenyera umwanzi mu buryo bukomeye; nifatikanyije namwe rero muri byose kandi ndi kumwe namwe mu bikorwa by’urugamba cyane cyane kuri uyu munsi, kuko ndi umubyeyi ubaha gutsinda kandi nkaba nkomeje gutsindira muri mwe; iteka ryose rero nza kuganza ikibi kandi nkaza kwigaragaza nk’umubyeyi w’impuhwe nyinshi uganje mu bana be kugira ngo nkomeze kurengera ubuzima bw’Ikiremwa Muntu bwose aho buva bukagera, kandi nkomeze kwigarurira imbaga itabarika y’abari mu Isi cyane cyane abo bose bajyanywe bunyago n’umwanzi.
Ndahari rero mu bikorwa bidasanzwe kandi ndahari kugira ngo nkomeze kwigaragariza Isi ndetse n’abayituye mu bikorwa bidasanzwe kandi mu mirimo idasanzwe nkomeje gukorana namwe uko bwije n’uko bukeye, nimukomeze kuba maso kuko naje kubambika imbaraga kandi nkaba naje kubavomerera mu buryo bukomeye kugira ngo koko murusheho gushishira mu rukundo rwanjye; Imbaraga zanjye rero nizibasesekareho kandi urukundo rwanjye nirukomeze kubashyigikira, bityo rubatere kubaduka mu bitotsi by’umwanzi, bityo muhore muhihibikanwa n’urukundo mufitiye DATA, oya inyota ndetse n’ishyaka mudufitiye ntirikabe imfabusa kuri buri wese, ahubwo nimukomere kandi murusheho gukataza mu rugendo rwanyu rwa buri munsi, kuko naje kubashyigikira kandi nkaba naje kubambika imbaraga z’ububasha bwanjye kugira ngo zihore zigurumanisha ikibatsi cy’urukundo mu mitima yanyu.
Ishyaka n’ubutwari byanyu rero ntibigacogore kandi ntibigahungabanywe n’umwanzi kuko nkomeje kubashyigikira mu rugendo rwanyu kandi nkaba nkomeje kubarinda, kubacungira umutekano uko bikwiriye kugira ngo koko ibyiza by’agatangaza tubuganiriza muri buri wese muri mwe bikomeze kurindwa kandi bikomeze gushyigikirwa n’ububasha bwacu; turahari rero mu buryo bwo kububaka bundi bushya kandi turahari rero mu buryo bwo kubarinda, kubacungira umutekano ndetse no kubakomeza; intambwe yanyu rero nikomeze kujya mbere kandi intambwe yanyu nikomeze gusigasira benshi mu Isi, kuko ibikorwa byanyu dukomeje kubyubakisha Isi mu buryo budasubirwaho, kandi natwe tukaba twiteguye kubarwanirira muri byose, kandi tukaba turi kumwe namwe muri byose koko kugira ngo dukomeze kubibyaza inyungu ndetse n’umusaruro, kandi dukomeze kubifashisha benshi mu Isi; erega turi rwagati yanyu kandi turi kumwe namwe mu buryo budasubirwaho kugira ngo koko turusheho gutsinda umwanzi ibitego kandi turusheho kumurwanya burundu, namwe rero nimukomeze guhagarara neza ku mazamu yanyu kugira ngo mwakire imbaraga tubagabira kandi mwakire ububasha DATA ababuganirizamo uko bikwiriye kugira ngo koko mukomeze guhagarara ku mazamu uko bikwiriye; ndi kumwe namwe ndahari ndaganje nk’umubyeyi ubakunda, nifatikanyije namwe muri byose nk’umubyeyi ubahora hafi igihe cyose; nimwakire gukomera kandi nimwakire imbaraga zanjye kugira ngo zibashyigikire kandi zibakomeze muri byose, nanjye ndahari ndaganje kugira ngo koko mbasendereze kandi mbuzuzemo imbaraga zibafasha kujya ku rugamba.
Amahoro yanjye y’igisagirane rero nakomeze gusakara kandi nakomeze gusenderera mu mutima wa buri wese, kuko nyahaye buri wese muri mwe kandi nkaba naje kuyaha Isi ndetse n’abayituye, kugira ngo koko ikibatsi cy’urukundo cyanjye gikomeze kugurumana mu mitima yanyu kandi gikomeze kugurumana mu mitima y’abatuye iyi Si kuko naje kwambika urukundo mu buryo bukomeye kandi nkaba naraje kuvuguruza iby’umwanzi yubatse mu mitima ya benshi, kugira ngo koko urukundo rwacu nk’ab’Ijuru abe ari rwo rukomeza gusigasirwa muri Mwene Muntu kandi abe ari rwo rukomeza gushyigikira Mwene Muntu mu buryo bukomeye.
Turi kumwe rero ndahari ndaganje nk’umubyeyi ubakunda, nimukomere kuko mbakomeje kandi nkaba mbashyigikiye mu rukundo rwanjye n’urwa DATA, nimugire amahoro kandi umugisha wanjye nubasakareho mwese kandi nubasenderere bityo ubakomeze kandi ubashyigikire muri byose, ndahari rero muri byose bana banjye nimukomere kandi nimwakire ihumure ryanjye, kuko naje kubahumuriza kandi nkaba naje kubasesuraho igishura cyanjye kugira ngo koko buri wese akomeze kwiyumvamo iruhuko ndetse n’ibyishimo binkomokaho.
Nimugire amahoro ndabakunda, mbambitse imbaraga bana banjye kandi mbahaye urukundo rwanjye, imbaraga zanjye nizibasenderere kandi urukundo rwanjye rutahe ku mitima yanyu kuko ndambuye ikiganza cyanjye mbagabira ibyiza by’agatangaza nkomora muri DATA, kandi nkaba naje kubagabira ibyiza by’agatangaza nkomora muri Jambo umwana wanjye; ngaho rero nibisesekare kuri buri wese kandi nimurusheho kubyisanzuriramo, kuko umwanya nk’uyu nguyu ari igihe cyo kwisanzurira mu bubasha bwanjye n’ubwa DATA, ngaho nimukomeze gutetera mu rukundo rwanjye kandi nimukomeze gutetera mu rukundo rwanjye n’urwa DATA.
IBIHE BYOSE RERO TURI KUMWE TURATARAMANYE KANDI IBIHE BYOSE NKOMEJE KWISHIMANA NAMWE KANDI NKOMEJE KUGENDANA NAMWE MU BIKORWA BIDASANZWE, NDI MARIYA NYINA W’IMANA UMWAMIKAZI W’IJURU N’ISI, AMAHORO AMAHORO.