UBUTUMWA BWA BIKIRA MARIYA, TARIKI 26 KANAMA 2023
Mbifurije umunsi mwiza bana banjye nshyigikiye kandi mbifurije gukomerera mu rukundo rwa DATA kugira ngo nkomeze kubasakazaho imbaraga n’ububasha bityo tugendane mu bikorwa dukomeje gukorera Isi yose kandi dukomeje kugaragaza mu Isi kugira ngo ububasha bw’Uhoraho Imana bukomeze kwigaragaza kandi imbaraga ze zidakumirwa zirusheho kugaragara mu Isi kandi zikomeze kumvikana, nimwakire kugubwa neza muri uyu mwanya kuko turi kumwe kugira ngo dukomeze guharura amayira y’ibikorwa bya DATA kugira ngo bikomeze kugaragara mu Isi yose bityo ububasha akomeje kugabira Isi kandi imbaraga zituruka mu rukundo rwe nyampuhwe kugira ngo zikomeze kuvugurura byose kandi zikomeze kuringaniza byose no gushyira buri kimwe cyose ku murongo, nimwakire imbaraga kugira ngo dukomeze kugendana bityo urukundo rwanyu kandi imbaraga zanyu twabuganije muri mwe zirusheho kongerwamo ububasha bwacu bityo mukore imirimo ikomeye mu Isi yose kandi mugaragaze ukuri kwa DATA kugomba gutsinda kandi kugomba kumvikana mu Isi yose.
Murashyigikiwe rero muri uyu mwanya kandi nje kubakomeza kugira ngo nkomeze kubambika imbaraga kandi nkomeze kubuganiza ibikorwa bikomeye bya DATA muri mwe bityo mukomeze kwakira urukundo mukomeze kwakira ububasha bwa DATA budatsindwa bukomeze gutunganya byose muri mwe bityo buri wese akomeze gutega yombi kugira ngo yakire ibikorwa by’ububasha bw’Imana muri iki gihe. Nkomeje rero gufungurira buri wese kandi nkomeje gutazanurira amayira buri wese kugira ngo imirimo twifuza gukorana namwe kandi ibikorwa mwateguriwe kugira ngo birusheho kugerwaho mu muvuduko ukomeye kandi mu mbaraga zidasubizwa inyuma kuko hari byinshi dukomeje gukorera rwagati muri mwe kandi hari byinshi tuje kuzuza ndetse no kubaka kandi twubatse muri uyu mwanya kugira ngo ububasha bwacu budahangarwa bukomeze kubagumaho kandi bukomeze kubarinda bityo umwanzi abahungire kure kandi ibikorwa bye byose bitatanywe no gushyira hamwe kwanyu kandi no kuzuriza hamwe isengesho ryanyu kugira ngo rikomeze kubohora byinshi mu Isi kandi rikomeze gushyira byose ku mugaragaro. Ndabakomeje rero kuko ndi kumwe namwe kandi ndabashyigikiye ndi umubyeyi w’impuhwe n’urukundo kugira ngo nkomeze kubaha imbaraga z’ugushaka kwa DATA zikomeze kumvikana mu buzima bwanyu bityo igihe cyose muyoborwe nako kandi igihe cyose mukorere muri ko.
Nshyigikiye rero buri wese kuko igikorwa dukoranye ari igikorwa kireba Isi yose kandi ari ibikorwa bije mu Isi muri uyu mwanya kugira ngo ububasha bwacu kandi ukuri kwa DATA guhoraho kugira ngo gukomeze kumvikana kandi gukomeze kugamburuza imigambi yose y’umwanzi. Dutatanyije rero imbaraga zose z’umwanzi kandi dutatanyije ibitero bye byose kuko hari icyo dukumiriye kandi hari cyo twubatse kuko dushyizeho uburinzi bukomeye ku bikorwa byacu kugira ngo hakomeze kubaho uburinzi bukomeye kandi uburinzi budashyikirwa bityo umwanzi nabareba kandi umwanzi nashaka kwegera aho muri bityo ububasha bwose mwagabiwe kandi ububasha mukomeje guhabwa kugira ngo bumuhinde kandi bumwigizeyo, nimukomeze rero kwiyumvamo izo mbaraga kandi mukomeze kwakira ububasha kugira ngo imirimo yacu ikomeze gukorerwa muri mwe kandi urukundo rwacu rukomeze kumvikana mu buzima bwanyu kuko ari rwo rugomba gukora imirimo kandi ari rwo rugomba guhanantura ibikorwa byose by’umwanzi kandi kwararika imbaraga zose z’umwanzi, nimukomeze rero kwiyumvamo imbaraga n’ububasha byacu kugira ngo bibashyigikire kandi bibakomeze kuko mukwiriye guhangana n’umwanzi kandi mukwiriye kumutsinda maze imbaraga twabahaye zikabafasha kugera ku mutsindo nyakuri dukomeje gushyiramo Mwene Muntu kandi dukomeje kwinjizamo Mwene Muntu, mwarawufunguriwe rero kandi mwarawugabiwe kugira ngo muwutangarize Isi yose mwunze ubumwe nk’umuryango umwe kandi umuryango w’abana b’Imana ugomba kugaragaza urukundo mu Isi kandi ugomba gusakaza amahoro n’ibyishimo. Nimukomeze rero gusigasira ibyo byiza twabahaye kandi ibyo byiza bitaremereye twabubakiye kugira ngo buri wese akomeze kuba umurinzi wabyo kandi buri wese akomeze kubigira ibye bityo abisigasire kandi abishakashake igihe cyose kugira ngo igihe cyose muhorane ibyo byishimo kandi igihe cyose muhorane amahoro n’urukundo. Ndabashyigikiye bana banjye kandi ndabakomeje mu rukundo rwanjye kugira ngo nkomeze kubaba bugufi kandi nkomeze kugendana namwe mu mirimo ikomeye kandi mu bikorwa byacu bidatsindwa bityo ubudahangarwa bwa DATA bukomeje kururukira mu Isi kandi bukomeje gusakazwa kugira ngo bubarengere kandi bubakomeze. Twaguye rero amarembo akomeye kandi dukomeje kuyagura buri munsi kurushaho kugira ngo ibikorwa by’abamalayika n’abatagatifu bikomeze kuza mu Isi kuko mbiyoboye kandi ndi kumwe nabo ko dukomeje kugaba imbaraga zacu mu Isi kandi dukomeje gutazanura amayira mu buryo bukomeye kugira ngo imbaraga z’ikibatsi gitagatifu zikomeze gutwika byose bityo urukundo rwigaragarize Mwene Muntu kandi urukundo rutwikire Mwene Muntu. Nimukomeze rero gushakashaka ibyiza by’urukundo kandi mukomeze kuruharanira igihe cyose muhore murusonzeye kandi igihe cyose muhore murugwije mu buzima bwanyu kuko ari bwo muzabona amahoro kandi ari bwo muzabona ituze n’ibyishimo bihoraho mu mibereho yanyu ya buri munsi, bana banjye ndabakunda kandi ndabashyigikiye mu rukundo rw’umutima wanjye utagira inenge kuko nta na hamwe mbaheza hose nahabafunguriye kandi ibyo nifuza gukorera Isi yose nkaba narabibatangarije mbere y’igihe nkagenda mbibutsa n’ibyo navuze kugira ngo mubishyire ku mitima yanyu kandi bibabere akabando kabasindagiza kandi kabakomeza mu rugendo rwanyu rwa buri munsi.
Nimukomeze rero kuba ba Mudatenguha mu bikorwa tugomba gukorana kandi mukomeze kuba ba Mutarambirwa igihe cyose kugira ngo dukomeze kugendana kandi mukomeze gukatariza icyiza kuko dukomeje kwihanangiriza umwanzi kandi dukomeje gutahura imitego ye yose kugira ngo ishyirwe ahagaragara kandi ikurwe mu mayira bityo abemera bose kandi abihambiriye kuri Kristu Nyagasani we rukundo rusa kugira ngo bagere ku mutsindo nyakuri kandi bagere ku gasongero k’ibikorwa by’Ubutatu Butagatifu bigomba gutsinda kandi bigomba kugaragara mu Isi yose. Murashyigikiwe rero kandi murakomejwe kuko dukomeje kububakamo imbaraga kandi imbaraga tumanurira muri mwe ndetse n’ububasha dusakaza muri mwe akaba ari bwo bukwira Isi yose kuko mwagizwe imiyoboro y’izo mbaraga kandi buri wese akaba afite ububasha agomba gutanga mu Isi kugira ngo ibikorwa byacu bikomeze kwihutishwa kandi bikomeze kugerwaho. Nimukomeze rero kwakira mu rukundo kandi mukomeze kwakira mu ituze ubwicishe bugufi n’ubwiyoroshye kugira ngo imirimo yacu ikomeze kwihuta kandi ikomeze gukura mu Isi yose. Ndabakomeje rero muri uyu mwanya kandi nkomeje kubaha imbaraga mbashimira ukwitanga kwanyu kandi ugukomeza kumva ijwi ryacu ribahamagara kandi tubashaka amanywa n’ijoro kugira ngo dukorane namwe imirimo ikomeye kandi tugaragaze ibikorwa byacu bidatsindwa kandi ibikorwa byacu bitavogerwa. Mukikijwe rero n’ingabo z’abamalayika mu buryo bwo kubarinda kandi mu buryo bwo gukomeza kubavugururamo ukuri kandi gukomeza kubavugururamo ibyishimo n’amahoro kugira ngo bihore iteka mu buzima bwanyu bityo mugendere mu mbaraga zacu kandi mugendere mu kuri kwacu kudatsindwa. Nimubeho rero mu rukundo rwa DATA kuko akomeje kwegerana namwe mu buryo busabana na we kandi mu buryo bwo kugira ngo murusheho kumva ko imbaraga ze ziri mu buzima bwanyu kandi ibikorwa bye byabegerejewe kandi bikomeje kubasanganira. Nimukomeze rero kubyakirana ibyishimo kandi mubibanemo ukwemera kuko igihe mwinjiyemo kandi igihe mugiye kujyamo ari igihe cyo kubeshwaho n’ukwemera gukomeye kandi kubeshwaho n’imbaraga zose twabubatsemo kandi twabagaragarije kugira ngo murusheho gukataza kandi murusheho gukomera mutanyeganyeze kandi mutadandabiranye nimuhumure rero ndi kumwe ndabashyigikiye kuko ndi igihozo kandi nkaba ikiramiro mu buzima bwanyu kugira ngo igihe cyose mbahunde imbaraga kandi igihe cyose mbahunde ububasha bityo dukorane imirimo ikomeye kandi dusakaze ukuri kwacu kudatsindwa mu buzima bwanyu kandi ku Isi yose. Ndabakomeje rero kugira ngo dukomeze kugendana ku rugamba kuko uyu munsi ari umunsi w’urugamba kandi ukaba n’umunsi w’ibikorwa byacu byihariye kandi ibikorwa byacu bigomba kumvikana kugira ngo imirimo turi gukora kandi ibikorwa turi gukora mu mbaraga z’abamalayika n’abatagatifu namwe mukomeze kwihuza nabyo kandi mukomeze kwinjizwa muri bo kuko bakomeje kubasanganira kugira ngo mwakire imirasire y’urumuri kandi mwakire imbaraga babazaniye kugira ngo ziture muri mwe bityo muzihindukirane muzijyana mu Isi yose kandi muhindura byose mu Isi mubigiriye urukundo kandi mubikoreye mu byishimo n’amahoro.
Murashyigikiwe rero kuko ndi kumwe namwe kandi nkomeje kubaraga amahoro urukundo n’ibyishimo kugira ngo bikomeze gutura muri mwe kuko ari yo ntwaro ya mbere kandi ari yo ntwaro mugomba kugenderaho muri iki gihe kugira ngo mukomeze gukorera byose mu rukundo kandi mukomeze gukorera byose mu byishimo kugira ngo ububasha bwacu bukomeze kwihuza namwe kandi bukomeze kuba ububasha bwacu busa busa. Mbifurije rero kugubwa neza bana banjye kandi ndabakomeje mu byishimo n’amahoro dukomeze kugendana dukomeze gukorana imirimo ikomeye kuko nkomeje kubagota kandi nkomeje kubambika imbaraga bityo urukundo rwanjye kugira ngo ruture muri mwe kandi imbaraga zanjye zidatsindwa zikomeze kubashyigikira kandi zikomeze kubaramira. Amahoro kuri buri wese ndabakunda kandi ndabashyigikiye kugira ngo Kristu Nyagasani we uganje rwagati muri mwe kandi ibikorwa byacu byose byururukiye muri mwe muri uyu mwanya muri Alitari y’ubuziranenge bwa DATA kugira ngo mukomeze kubyakira kandi bikomeze kubabeshaho no kubakomeza bityo mukomeze kujya ku rugamba kandi mukomeze kwiyumvamo imbaraga zarwo. Murakomejwe rero kandi murashyigikiwe kuko twabamanuriye ububasha kuri buri wese kandi twamanuriye imbaraga kuri buri wese kugira ngo akomere kandi yumve ububasha bwacu bumugose kandi ububasha bwacu bukomeje kubarinda mu buryo bukomeye kandi mu buryo butavogerwa. Nimukomeze rero gukinga mukomeze kandi mukomeze kudufungurira igihe tubakomangiye kugira ngo dukorane byinshi kandi tugaragaze imirimo yacu y’urukundo rwagati muri mwe kandi tuyigaragariza Isi yose.
Amahoro, amahoro, ibihe byiza kugubwa neza, ndabakunda bana banjye kandi ndabashyigikiye kuko mbashyize mu mbaraga z’Ubutatu Uutagatifu kugira ngo mukomeze kwiyumvamo ubuzima kandi mukomeze kwiyumvamo imbaraga zikomeza gutsinda umwanzi kandi zikomeza kwigizayo ibikorwa bye byose. Amahoro, amahoro, ibihe byiza kugubwa neza, nimukomere kandi nimukomeze kwambara urukundo dukomeje kubagabira bityo ubutabera bwa DATA kandi ukuri kwe kudatsindwa gukomeze kubashyigikira kandi gukomeze kubaramira igihe cyose.
AMAHORO, AMAHORO, IBIHE BYIZA KUGUBWA NEZA, NDABAKUNDA KANDI NDABASHYIGIKIYE NDI MARIYA NYINA W’IMANA, UMWAMIKAZI W’IJURU N’ISI, AMAHORO, AMAHORO!