UBUTUMWA BWA MALAYIKA RAFAYELI, TARIKI YA 07 NYAKANGA 2024
Mbifurije igicamunsi cyiza ntore za DATA dutaramanye, nimugire gukomera kandi nimurusheho kwambara imbaraga kugira ngo tugendane ku rugamba kuri uyu munsi, kuko mbasendereje imbaraga z’ububasha bwanjye kugira ngo iteka ryose muhore muri intwari ku rugamba kandi muhore mutwaraniye muri Uhoraho Imana, nanjye ndaganje ndi muri mwe kuko nkomeje kubahaza amahoro ndetse n’umugisha wanjye kandi nkaba nkomeje kubasakazaho urukundo rwanjye rukomeye, kugira ngo iteka ryose ruhore rwigaragariza muri mwe kandi ruhore rwumvikanira mu buzima bwanyu bwa buri munsi; nimukomere rero kuko mbakomeje kandi nkaba mbashyigikiye mu buryo bw’ukwemera ndetse n’ukwizera; nimukomere ku rugamba kandi mu rugendo turi kumwe ntimugahungabane kandi ntimugakangarane, kuko mbahagarariye nk’intwari ku rugamba kandi nkaba kubarwanyiriza ikibi cyose aho kiva kikagera; ndi Malayika Rafayeli ubarinze kandi ubahagarariye muri byose, nkahora iteka mbacungira umutekano kandi nkahora mbungabunga ubuzima bwa roho ndetse n’ubw’umubiri mu buryo bukomeye kandi mu buryo buhambaye; nifatikanyije namwe rero mu bikorwa by’urugamba kandi nifatikanyije namwe mu bikorwa byo gukomeza kurwanya umwanzi twivuye inyuma.
Nimukomere kuko mbakomeje kandi nkaba mbashyigikiye mu rukundo rw’Uhoraho Imana, nimusesekazweho umugisha w’Uhoraho Imana kugira ngo iteka ryose uhore ubashyigikiye kandi uhore ubakomeje muri uyu murimo, muri uru rugendo twaje kurushaho kugendanamo namwe kandi twaje kurushaho kubasabanyisha n’Ijuru ryose, kugira ngo muhore muhabwa ibyiza by’agatangaza bikomoka muri DATA kandi muhore musesekazwaho imigisha y’amoko yose itagabanyije, twaje kubaka ubumwe muri mwe kandi twaje kuvugurura byose nta na kimwe twirengagije, kandi nta kimwe dusize inyuma kuko twaje kubaka amateka akomeye muri mwe kandi tukaba twaraje kubasendereza imbaraga z’ububasha bwacu mu buryo bukomeye kugira ngo zikomeze kugenda zubaka byinshi mu Isi kandi zikomeze kugenda zisanasana benshi mu Isi, bityo rero akaba ari ibikorwa bikomeye kandi bihambaye dukomeje gukorana uko bwije n’uko bukeye.
Dukomeje kubana ku rugamba turwanirira roho nyamwinshi kandi turwanirira ababizi ndetse n’abatabizi, kuko turi ku rugamba rwa roho nyamwinshi bityo tukaba dukomeje gusakaza urumuri rw’Uhoraho Imana mu bari mu Isi kandi mu bari hirya no hino, kuko nta kiremwa na kimwe tutageraho kandi akaba ari nta kiremwa na kimwe twirengagiza, imbaraga zacu rero zishoboye byose kandi ububasha bwacu bushoboye byose, kuko dukomeje kuvuguruza ikibi uri Mwene Muntu kandi tukaba dukomeje kugihinda, kugicyaha twivuye inyuma. nimwakire imbaraga zanjye kugira ngo zikomeze kubashyigikira muri uru rugendo kandi zikomeze kubafasha gutsinda ikibi cyose aho kiva kikagera bityo murusheho kwirundurira mu rukundo rw’Uhoraho Imana kandi murusheho kumwiyegurira nta nkomyi, nanjye ndabarinze ndabashyigikiye kandi mbacungiye umutekano muri byose; nimukomere kuko mbakomeje mu njyana y’urugamba rukomeye kandi mu njyana y’urugamba rudasanzwe, kuko nkomeje gucungira buri wese umutekano kandi nkaba nkomeje kuba bugufi ya buri wese.
Nifatikanyije namwe muri byose, ndabarinze, ndabashyigikiye, mbambitse imbaraga z’urukundo rwanjye, kugira ngo iteka ryose ruhore rusesekara mu buzima bwanyu bwa buri munsi; mbabumbatiye hamwe rero mu rukundo rwanjye, ngaho nimukomere kandi mukomeze injyana y’icyiza, mu buzima bwanyu bwa buri munsi, ntimugacogore kandi ntimugasubire inyuma mu rugendo rwanyu kandi ku rugamba rwanyu ndahari, kugira ngo nkomeze kubarengera kandi nkomeze kubasendereza umugisha wanjye utagabanyije, bityo ibikorwa by’Uhoraho Imana bikomeze kwigaragariza muri mwe, kandi bikomeze kuvogagira ikibi ndetse n’igisa nacyo cyose aho kiva kikagera, nifatikanyije namwe rero mu bikorwa by’urugamba kuri uyu munsi kandi mbarangaje imbere nk’intwari yatsinze, ndi Malayika Rafayeli mu bikorwa byanjye bidasanzwe kandi mu mbaraga zanjye zidasanzwe nkomeje kugaragariza hirya no hino ku Isi; ngaho rero nimukomeze gufata iya mbere mu gutsinda ndetse no gutsiratsiza ibikorwa by’umwanzi aho biva bikagera, nanjye ndahari kugira ngo nkomeze kubarwanaho kandi nkomeze kubarwanirira muri buri kimwe cyose, mbafashe ikiganza kandi ndabarandase ndabashyigikiye nimukomere kuko mbakomeje kandi nkaba nkaba nkomeje kubabumbira hamwe mu rukundo rwanjye n’urwa DATA.
IBIHE BYIZA TURI KUMWE NDABAKUNDA KANDI NDABAZIRIKANA NDI MALAYIKA RAFAYELI, IBIHE BYIZA NTORE ZA DATA KANDI MBIFURIJE KUGUBWA NEZA MU RUKUNDO RW’UHORAHO IMANA, NIMUGIRE ICYUMWERU CYIZA TURI KUMWE NDABAKUNDA, AMAHORO AMAHORO.