UBUTUMWA BWA MALAYIKA RAFAYELI, TARIKI YA 28 GICURASI 2024
Mbifurije igitondo cyiza ntore z’Imana kandi biremwa by’Umusumbabyose, mbifurije gukomera no gukomeza kwakira ibyiza by’agatangaza Uhoraho Imana akomeje kubasendereza kandi akomeje kubagabira kuko iteka ryose akomeza kubasigasirira ubuzima kandi akabahunda ibyiza by’agatangaza; ndabaramukije mu bubasha butagatifu bw’Uhoraho Imana kandi mbakomereje intambwe kugira ngo muhore koko mwumva ibyiza by’ububasha bwe kandi koko muhore muteze amatwi Ijambo rye ritagatifu umunsi ku wundi, kugira ngo ribatagatifuze kandi ribakomeze, ndabashyigikiye kandi mbarangaje imbere, nimwakire gukomera kandi mwakire kugubwa neza kugira ngo umunsi ku wundi murusheho kuzirikana ibyiza by’Ingoma ya DATA kandi murusheho kuzirikana ibyiza by’inzira y’umukiro mutagatifu Uhoraho Imana yabuganije muri mwe kugira ngo koko mukomeze kumutega amatwi kandi mukomeze kumwakira muri byose kugira ngo abe byose mu buzima bwanyu kandi akomeze kubarangaza imbere ku murimo yabatoreye, kugira ngo iteka ryose koko muhore munyotewe n’ibyiza byose akomeza kubagabira umunsi ku wundi.
Ndabashyigikiye kandi nkomeje kubasendereza umukiro mutagatifu nshuti zanjye kandi biremwa Uhoraho Imana yakunze akomeje gusesekazaho ibyiza by’ububasha bwe, kugira ngo mukomeze kuzirikana inzira y’umukiro mutagatifu kandi mukomeze kwakira ibyiza byose dukomeza kubagabira, nkomeje kubatagatifuza ndetse no kubaha kurangazwa imbere n’imbaraga z’urukundo mu bubasha bw’Uhoraho, kugira ngo ibikorwa byose bya DATA bikomeze gusendera muri mwe kandi bikomeze kugaragarira mu buzima bwanyu, bityo murusheho guhazwa ibyiza byose kandi mukomerezwe intambwe kandi koko murusheho gutagatifuzwa musenderezwa umukiro mutagatifu.
Mbarangaje imbere kuri uyu munsi mu buryo budasanzwe kandi mbakomereje intambwe, kugira ngo DATA akomeze aganze mu buzima bwanyu kandi akomeze abasendereze umukiro, bityo iteka ryose koko muhore muzirikana ibyiza by’agatangaza kandi muhore mwumva icyo Uhoraho Imana abashakaho kandi abifuzaho kugira ngo iteka ryose koko muhore muharanira ikiri icyiza kandi muhanire ubutungane bukomeye, mukomeze kumurikirwa kandi mukomeze gusenderezwa ububasha bukomeye; ndi kumwe namwe ku buryo bukomeye ndi Malayika Rafayeli, nkomeza kubahunda ibyiza by’imbaraga z’Ijuru kandi nkomeza kubasendereza ububasha butagatifu kugira ngo burusheho kubaha gutega amatwi kandi burusheho kubaha kuyoboka Uhoraho Imana n’umutima usukuye kandi n’umutima ukeye kugira ngo ibikorwa bye kuganza muri mwe kandi Ijambo rye ritagatifu rikomeze kubasendera kandi rikomeze kubatagatifuza ribageza ku nzira y’umukiro, kandi ribageza mu byiza byose mwifuza kandi koko mukomeza kugabirwa muri mu rugendo.
Nkomeje kubakomereza intambwe ndetse no kubashishikariza kugira ngo mwakire ibyiza by’Ingoma ya DATA, kandi mukomeze kunogerwa n’umukiro mutagatifu Ijuru rikomeza gusesekaza mu buzima bwanyu kugira ngo uko mukomeze gutera intambwe mukataje ari ko murushaho kumva ibyiza by’Ingoma ya DATA kandi ari ko murushaho kunyurwa n’umukiro ukomeye Uhoraho Imana akomeza gusesekaza muri mwe kandi akomeza kubagabira igihe cyose; nkomeje rero kubakomeza ndetse kubashyigikira muri uru rugendo, kugira ngo imitima yanyu ihugukire ikiri icyiza kandi umunsi ku wundi itagatifuzwe kandi isukurwe kugira ngo yakire urukundo rw’Uhoraho Imana bityo mukomezwe n’Ijambo rye, kandi mukomezwe n’ububasha bwe butagatifu.
Nimugire ukwemera guhamye gukomeye kandi koko kurushaho kubaha gutsinda ikibi cyose cyane cyane amoshya yose y’umwanzi kugira ngo murusheho kwakira ibikorwa bitagatifu by’Uhoraho Imana mu buzima bwanyu, kandi mwiringire Ijambo rye ritagatifu koko umunsi ku wundi akomeza kugenda agaragaza ikuzo rye muri mwe kandi akagaragaza imbaraga z’agatangaza akomeza gusesekaza mu buzima bwanyu, bityo mugahora iteka ryose mufite inyota kandi mukanyoterwa n’ububasha bwe bukomeye, kuko akomeje gusendereza byose muri mwe kandi akabahunda imbaraga ze zikomeye igihe cyose; nimukomere ku rugamba kandi koko mukomeze kurata no gukuza Uhoraho Imana mu buzima bwanyu bwa buri munsi, bityo muhore iteka koko munyotewe n’ibikorwa bye bitagatifu kandi mukomeze kurangazwa imbere n’imbaraga ze zibashoboza kandi zirusheho kubatagatifuza kugira ngo zibagabire umukiro kandi zibagabire ibyiza by’ububasha budasanzwe; nkomeje intambwe zanyu kandi nkomeje ubuzima bwanyu kugira ngo murusheho kurangamira Uhoraho Imana kandi mukomeze mwakire ibyiza byose akomeza kubuganiza muri mwe kuko afite byose mu kiganza kandi akaba akomeje kubasesekazaho ibyiza by’umukiro mutagatifu mu bubasha bwe bukomeye, bityo byose bikarushaho kuzurizwa muri mwe kandi bikarushaho kuganza mu buzima bwanyu.
Nimukomere ku murimo yabatoreye kandi yabahamagariye kugira ngo mutsinde ikibi cyose kandi iteka mwiyumvemo imbaraga ububasha ndetse n’ubushobozi mu bikorwa bye bitagatifu bya buri munsi, bityo iteka ryose koko muhore muzirikana ko uwabakunze kandi akabahamagarira umurimo we, ashoboye kubakomeza kandi agomba kurushaho kubatera inkunga ndetse no kubongerera imbaraga, cyane cyane mu gihe munaniwe bityo akaba kenshi mu buzima bwanyu kandi akababera itara ribamurikira, akabasusurutsa kandi koko akabongerera ubutwari kugira ngo mukomeze mwizirike ku ibyiza by’Ingoma ye uyu munsi; iteka ryose ni yo mpamvu nanjye mpora ngaje muri mwe mbakomeza kandi mbasusurutsa, ngo mbafashishe imbaraga z’Ijuru kandi mbasendereze ububasha butagatifu bw’Uhoraho Imana buhora buganje muri mwe, kandi Ijambo rye iteka ribafashe gutsinda byose kandi koko ribafashe gukomera ndetse no guhora iteka muteze amatwi, mukazirikana ibyiza by’agatangaza dukomeza gusabagiza mu buzima bwanyu kandi mugahabwa ibyiza bikomeye.
Nkomeje rero kubakomeza ndetse no kubashyigikira kuko nkomeje kubahugura muri byose, kugira ngo urukundo rwa DATA ruganze muri mwe kandi ibyishimo n’amahoro bikomeze gutazamira mu buzima bwanyu bwa buri munsi, ari ko murushaho gutega amatwi munezerejwe n’Ijambo ritagatifu ry’Uhoraho Imana, muzirikane ko umunsi ku wundi muri ku rugamba kandi koko iteka ryose ko mugomba kumva imbaraga za DATA mu buzima bwanyu, kandi mukazirikana ko akomeje kubarangaza imbere mu kubarwanirira ndetse no kubatsindira; yabahase ibyiza byose kandi yabasendereje imbaraga z’umukiro kuko igihe murimo ari igihe gikomeye kandi ari igihe kidasanzwe, cyane cyane igihe Mwene Muntu yumva yuko koko agomba kugendera mu bwiyumve kandi agomba guhigurwa k’ urukundo rw’Uhoraho Imana muri iki gihe, nyamara kandi ni igihe gikomeye kandi ni igihe kigoye, kuri buri wese koko ushoboye kugira ngo ataguze asanganira ibyiza by’Ingoma ya DATA kandi asanganire urukundo rw’Uhoraho Imana.
Nimube maso nshuti zanjye kandi ntore za DATA, kuko Uhoraho Imana aganje muri mwe kandi akaba akomeje kuba byose muri mwe, nimukomere ku rugamba kuko iteka ryose mpora mbagaragiye kandi nkahora mbarinze, nkabongerera imbaraga kandi nkabatera ubutwari, kugira ngo muzirikane urukundo rwa DATA muri mwe kandi muzirikane ibikorwa bye bitagatifu akomeza gusesekaza muri mwe, bityo Ijambo rye rikomeze kubageraho ribatagatifuze kandi ribahindure bityo ribongerere imbaraga n’ubutwari, umunsi ku wundi koko muzirikane ko abatowe ari indahemuka kandi ko atagomba guhemuka ku ijambo yavuganye namwe, iteka ryose mukumva ko agomba guhora abashyigikiye kandi koko agaragiye ubuzima bwanyu bwa buri munsi.
Nimurundurire byose mu biganza bye bitagatifu kandi koko mwirekure wese kugira ngo mwakire ibyiza by’urukundo rwe kandi mwakire ibyiza by’ububasha bwe bukomeye, kuko akomeje gusesekaza byose muri mwe kandi akaba akomeje gukomeza intambwe zanyu, kugira ngo mukomeze gushishikarira gukora umurimo we mutagatifu kandi mukomeze gushishikarira kumuhesha ikuzo ndetse no kumwamamaza umunsi ku wundi, bityo byose birusheho kuzurizwa muri mwe rwagati kandi mukomeze kumutega amatwi ubudatezuka, kugira ngo ayobore intambwe zanyu kandi ayobore ubuzima bwanyu bwa buri munsi; ndi kumwe namwe rero mu kubashyigikira ndetse no kubatagatifuza kugira ngo muhore mumwumva kandi koko muhore munyotewe no kwakira ibyiza by’agatangaza akomeza kubasendereza buri munsi.
Mbifurije umunsi mwiza kandi mbifurije igitondo cyiza kuri buri wese ndabashyigikiye kandi ndabakomeje mu byishimo n’amahoro, nimukomeze kurangamira uwabakunze kandi akemera kubitangira, akabacungura kugira ngo abasendereze ibyiza by’agatangaza, urukundo rwe niruganze muri mwe, iteka ryose muhore muzirikana koko ahora abashyigikiye kandi akabakomeza, nimugire amahoro mu mitima yanyu kandi mwakire Ijambo rye rya buri munsi rikomeza kubakomeza kandi rikabashyigikira rikabahugura bityo rikabatagatifuza, iteka ryose koko mugaharanira igitunganye kandi mugaharanira koko kuba indahemuka muri byose, ku bw’isezerano mwamugiriye kandi ku bw’isezerano yagiranye namwe mu rukundo, byose byose akabibuzuriza kandi koko akabigaragariza muri mwe igihe cyose; ndi kumwe namwe rero nimukomere kuko twiteguye kubakorera byose ndetse no kubuzuriza mu bubasha bukomeye, kugira ngo Uhoraho Imana akomeze gusohoza umurimo we mutagatifu yatangije muri mwe kandi iteka n’iteka muhore muharanira igitunganye kandi muhore muharanira inzira y’ukuri gutagatifu, munezerejwe n’ibyiza bikomeye dukomeza kubuganiza muri mwe kandi munezerejwe n’ububasha bukomeye bw’Uhoraho Imana akomeza gusesekaza mu buzima bwanyu bwa buri munsi.
MBIFURIJE IGITONDO CYIZA KURI BURI WESE KANDI UMUNSI MWIZA, NDI KUMWE KANDI NKOMEJE KUBARANGAZA IMBERE, NDABAKOMEJE KANDI MBASENDEREJE IMBARAGA Z’AGATANGAZA MURI IKI GITONDO KUKO ITEKA RYOSE MPORA TURI KUMWE KANDI KOKO NKAHORA MBASIGASIRA KANDI NKABARINDA; NIMUGIRE UMUGISHA MU BUZIMA BWANYU BWA BURI MUNSI KANDI MUGANZE MU RUKUNDO N’AMAHORO N’UMUGISHA BY’UHORAHO IMANA UMUNSI KU WUNDI, IBIHE BYIZA KANDI IGITONDO CYIZA KURI BURI WESE, NDI MALAYIKA RAFAYELI, AMAHORO AMAHORO NTORE Z’IMANA.