UBUTUMWA BWA MALAYIKA RAFAYELI, TARIKI YA 21 UKWAKIRA 2024
Mbasesekajeho urukundo rwanjye Ntore za DATA dutaramanye, ndabakomeje kandi ndabashyigikiye, mu bikorwa by’urugamba turi kumwe ndi Malayika Rafayeli ubakunda cyane, nimugire amahoro mbakiranye umusabano muhire mu mutima wanjye kandi mbasakajeho urukundo rwanjye mu buryo budasubirwaho, kugira ngo ruhore iteka rwisanzuriye mu mibiri yanyu; nimugubwe neza rero turi kumwe ndabakunda kandi ndabashyigikiye, mbifurije ishya n’ihirwe mu buzima bwanyu bwa buri munsi, kuko turi kumwe mu njyana y’Ibikorwa by’Uhoraho Imana kandi tukaba turi kumwe mu njyana y’ibikorwa bidasanzwe, Uhoraho Imana rero nakomeze kubabera Imana kandi akomeze kuganza mu buzima bwanyu bwa buri munsi, ahore ategekesheje ububasha bwe ibikorwa bye byanyu bya buri munsi kandi ahore abigenga mu buryo budasubirwaho, natwe nk’abamakayika twifatikanyije namwe mu bikorwa bidasanzwe cyane cyane muri ibi bihe dukomeje kurwanyanya umwanzi mu buryo budasanzwe kandi dukomeje guhigika ndetse no guhirika ibikorwa bye bibi kandi bibisha aho biva bikagera; ndi kumwe namwe rero mu buryo budasanzwe kandi turi kumwe mu buryo budasubirwaho cyane cyane kuri uyu munsi naje kugendana namwe mu bikorwa bidasanzwe, kugira ngo dukomeze kugeza benshi ku mutsindo wa DATA kandi dukomeze kugeza ibikorwa byacu ahakomeye kandi ahatunganye, aho DATA akomeje gutegura kandi akomeje gutegurira benshi mu Isi.
Dukomeje rero kubashyigikira mu bikorwa byanyu bya buri munsi kandi dukomeje kwifatikanya muri byose, nimukomere kuko naje kubakomeza kandi nkaba naje kubavugururamo imbaraga zikomeye, nkaba naje kubambika imbaraga z’ububasha bukomeye bwa DATA kugira ngo zihore zigaragariza iteka mu buzima bwanyu bwa buri munsi; erega ndahari ndaganje nk’intwari yatsinze kandi uhora mbatsindira ku rugamba, ku rugamba rwanyu rero ndahari kandi ku rugamba rwanyu ndahari nk’umurwanyi kugira ngo nkomeze kurwanirira roho ya buri wese kandi nkomeze kurwanirira roho nyamwinshi z’abatuye iyi Si, kuko naje guhwitura kandi nkaba naraje guhashya ikibi muri Mwene Muntu; ni yo mpamvu rero dukomeje guterana intambwe uko bwije n’uko bukeye, mbashyigikira kandi mbakomeza, mbakomereza intambwe muri byose, kugira ngo namwe mukomeze kujya mbere mu rukundo rw’Uhoraho Imana.
Nimwakire umugisha wanjye kugira ngo ubakomeze kandi ubavugurure, ubashyigikire muri byose kuko naje kubambika kandi nkaba naje kwambura benshi ubushwambagara bw’umwanzi yagiye abambika, namwe rero nimukomere ku rugamba kuko nabazaniye amahoro kandi nkaba nabazaniye umugisha w’igisagirane kugira ngo ukomeze kwigaragariza mu buzima bwanyu bwa buri munsi; nimugire ibihe byiza rero turi kumwe turataramanye, nifatikanyije namwe muri byose kandi turi kumwe mu bikorwa bidasanzwe kuri uyu munsi uko naje kurwanana namwe urugamba kandi nkaba naje gufatikanya namwe muri byose mu buryo budasubirwaho, kugira ngo dukomeze kugeza benshi ku mutsindo ukomeye wa DATA; ndi kumwe namwe kandi nifatikanyije namwe muri byose, nimukomere kuko mbakomeje kandi nkaba nkomeje kubambika imbaraga z’urukundo rwanjye, kugira ngo iteka ryose zihore ziganza ikibi muri Mwene Muntu kandi zihore zigaragariza mu buzima bwanyu bwa buri munsi.
Nkomeje rero kubana namwe kandi nkomeje kugendana namwe mu buryo budasanzwe, kuri uyu munsi rero udasanzwe nkaba nkomeje gusendereza Isi yose urumuri ruhire rwa DATA, hirya no hino nkaba nkomeje kuhasendereza imbaraga z’ububasha bwanjye kugira ngo zikomeze kumvikanira mu buzima bwa buri wese; nkomeje rero gushyigikira benshi mu rukundo rwanjye n’urwa DATA, kandi nkomeje gukomereza intambwe abagana DATA kandi abakomeza gukatariza inzira igana Imana, abo bose nkomeje kubashyigikira kandi nkomeje kubambika imbaraga zanjye mu buryo budasubirwaho kugira ngo barusheho gukomera kandi barusheho gukataza.
Nimugume mu rukundo rwanjye n’urwa DATA rero ndabayoboye kandi mbafashe ukuboko, mbafashe ikiganza ntabwo muzatsikira kuko mbarangaje imbere muri byose, bityo mu rugendo rwanyu nkaba mbabereye umurinzi ndetse n’umurengezi w’ubuzima bwanyu bwa buri munsi, ari nako ibikorwa byanjye nkomeza kubigaragariza muri mwe kandi ari nako nkomeza kubigaragariza hirya no hino ku Isi; mbafashe ikiganza rero kandi ndabashyigikiye, nimukomere kuko mbakomeje kandi nkaba mbashyigikiye mu rukundo rwacu mu buryo budasubirwaho; nimugire ibihe byiza turi kumwe ndabakunda turataramanye kandi nifatikanyije namwe muri byose ndi Malayika Rafayeli ubakunda cyane; ibihe byiza Ntore za DATA, ndabakunda kandi ndabashyigikiye, ndabazirikana mu buzima bwanyu bwa buri munsi; erega n’ubwo muhura n’ibigoye kandi ibikakaye mu rugendo rwanyu, ariko ndahari kugira ngo mbaronse ibyiza by’Ijuru kandi ndahari kugira ngo nkomeze kubarinda ndetse no gukomeza kubacungira umutekano, bityo rero iteka ryose nimuhore mwiyumvamo ibyishimo ndetse n’iruhuko mu mitima yanyu, kuko mbasendereje ibyiza byinshi nkomora muri DATA kandi nkaba mbasendereje umugisha wanjye wa kibyeyi kugira ngo uhore ubasabanisha n’Ijuru ryose.
Turi kumwe rero bana banjye kandi Ntore z’Umusumbabyose nshyigikiye kandi nkomeje mu rugendo rwanyu rwa buri munsi, nimukomeze kujya mbere murakunzwe kandi murashyigikiwe, kuko Ijuru ryose tuganje turi muri mwe kandi Ijuru ryose tukaba twarurukiye kugendana namwe muri byose, kugira ngo dukomeze kubashyigikira kandi dukomeze kubateza intambwe muri buri kimwe cyose; nimukomere rero ndabakomeje kuri uyu munsi udasanzwe w’Ibikorwa by’Uhoraho Imana, nimukomeze kwakira imbaraga, ububasha bukomeye bukomeze kubavugurura, kandi bukomeze kubakomeza mu rugendo rwanyu rwa buri munsi, nanjye ndahari kugira ngo nkomeze kubarinda kandi nkomeze kubarengera, kuko ndi rwagati yanyu kugira ngo nkomeze kubasabanisha na DATA muri byose.
AMAHORO AMAHORO, IBIHE BYIZA TURI KUMWE NDABAKUNDA, TURATARAMANYE NDI MALAYIKA RAFAYELI, AMAHORO AMAHORO.