UBUTUMWA BWA MALAYIKA RAFAYELI, TARIKI YA 11 WERURWE 2025
Mbifurije igitondo cyiza Ntore z’Imana dukunda, ndabaramukije mu rukundo rwanjye n’urwa DATA, ndi Malayika Rafayeli ubakunda cyane kandi uhorana namwe muri byose; nimukomere rero kandi mukomeze urugendo kuko ndi kumwe namwe kandi nkaba mbashyigikiye mu mbaraga zanjye zikomeye, ububasha bwanjye rero nibukomeze kubasenderera kandi nibukomeze kubasakaraho aho muri hose, kuko naje kugendana namwe kandi nkaba naje kunga ubumwe na buri wese mu kurushaho kumwambika imbaraga ndetse n’ububasha bukomoka muri DATA, kugira ngo koko ndusheho gushyigikira urukundo rwacu mu Isi ndetse no muri Mwene Muntu; by’umwihariko rero naje kugendana namwe mu bikorwa bidasanzwe kuri uyu munsi, kuko naje kubongeramo imbaraga, kandi nkaba naje kubasenderezamo ububasha bukomeye nkomora muri DATA; iteka ryose rero mporana namwe kandi nishimira kugendana namwe mu bikorwa bigiye bitandukanye, kugira ngo koko turusheho kurangizanya byose kandi turusheho gushyirana byinshi ku murongo, kuko dukomezanyije urugendo kandi tukaba dukomeje kugendana muri byose, kugira ngo koko turusheho gushyigikira benshi bari hirya no hino ku Isi.
Nkomeje rero kubabera ikiramiro muri byose kandi nkomeje kubana namwe, cyane cyane muri ibi bihe bidasanzwe kugira ngo koko nkomeze kubacungira umutekano mu buryo bukwiriye kandi nkomeze kubarindisha ububasha bwanjye ari nako nkomeza kubambika imbaraga z’urukundo rwanjye kugira ngo koko murusheho gushishikarira umurimo wanjye n’uwa DATA; ngaho nimukomere rero kuko naje kubakomeza kandi nkaba naje kurushaho kububakira amateka mashya y’ubuzima bwanyu bwa buri munsi kandi nkaba naje kubavugururamo imbaraga zikomeye kugira ngo koko murusheho gukatariza mu rukundo rwanjye n’urwa DATA.
Nifatikanyije namwe muri byose, nimukomere Ntore za DATA kuko mbakomeje kandi nkaba mbashyigikiye mu rukundo rw’Uhoraho Imana, amahoro yanjye nabasenderere kandi ibyishimo nibisakare mu mibiri yanyu kandi bisendere kuri buri wese, kuko mbasendereje ibyiza nkomora muri DATA kandi nkaba mbasendereje ibyiza byo mu Ijuru, abamalayika ndetse n’abatagatifu twaje gutaramana namwe kandi twaje kugendana namwe mu kurushaho kubasabanyisha n’Ijuru ryose kandi mu kurushaho kubasanyisha n’ibikorwa bya DATA, cyane cyane muri ibi bihe kugira ngo koko bikomeze kugira ireme mu buzima bwanyu kandi bikomeze kwigaragariza hirya no hino, haba ku babizi ndetse n’abatabizi kuko dukomeje gutanga urukundo rwacu mu buryo bukomeye, kandi tukaba dukomeje kwigaragariza muri Mwene Muntu mu buryo buhambaye, mu guhindura byose kandi mu kumuhindukiza kugira ngo koko abereho mu gukora ugushaka kwa DATA uko bikwiriye; ni yo mpamvu rero dukomeje kugendana cyane cyane mu bikorwa nk’ibi ngibi kandi ni yo mpamvu nkomeje kwibanira namwe iteka ryose kugira ngo koko turusheho gushyirana byinshi ku murongo kandi turusheho gukorana byinshi, kuri uyu munsi rero udasanzwe nkaba naje kurushaho kubashishikariza buri kimwe cyose kandi nkaba naje kurushaho kubaha urumuri rwanjye kandi kubaha amaso mashya kugira ngo koko mubashe kubona kandi mubashe gukenga ikibi cy’umwanzi bityo mugihungire kure; ngaho rero namwe nimwambare imbaraga kugira ngo mujye ku rugamba kandi murusheho gushishikara muri buri kimwe cyose, kuko imbaraga zanjye nzibasendereje kandi urukundo rwanjye nkaba nduhaye buri wese kugira ngo rumushyigikire kandi rumukomeze.
Nifatikanyije namwe rero muri byose, nimukomere ndabakomeje kandi ndabashyigikiye Ntore dukunda, mbambitse imbaraga nimukomeze guhangara ibikorwa by’umwanzi aho biva bikagera kuko ari nta na kimwe cyatwitambika imbere turi kumwe kandi akaba ari nta na kimwe cyavogagira umugambi wa DATA kandi turi mu ruhande rwanyu; dukomeje rero kubarinda kandi dukomeje kubashyigira, namwe nimukomeze kwisanga kandi mukomeze kwisanzurira mu rukundo rwacu, twateze ibiganza kugira ngo buri wese ahabwe ibyiza by’agatangaza kandi yisanzurire mu rukundo rwacu, bityo rero mbahobereye mu muhoberano wanjye mutagatifu, ngira nti “Amahoro yanjye n’aya DATA, naganze muri mwe kandi naganze mu mitima yanyu bityo iteka muhore mwishimiye kugendana natwe”; turi kumwe rero nimukomere kandi mukomeze urugendo, ndabakunda cyane Ntore z’Imana nshyigikiye kandi bana banjye nshuti zanjye nkunda cyane nimugire amahoro, mbifurije igitondo cyiza kandi igitondo cy’umugisha kuri buri wese.
AMAHORO AMAHORO TURATARAMANYE NDI MALAYIKA RAFAYELI UBAKUNDA KANDI UBASHYIGIKIYE MU BIKORWA NK’IBI NGIBI, AMAHORO AMAHORO.