UBUTUMWA BWA MALAYIKA RAFAYELI, TARIKI 06 MUTARAMA 2024
Ndabakomeje mu rukundo rw’Imana nshuti bavandimwe banjye dutaramanye muri aka kanya kugira ngo mbasendereze ibyiza by’agatangaza naje mbazaniye kuko naje kubakomeza no kubashyigikira mu rukundo rw’Imana kandi naje kubahaza ibyiza by’agatangaza kugira ngo mukomeze munogerwe no kubana n’Uhoraho kandi mukomeze mwishimire inzira nk’iyi ngiyi Uhoraho Imana yabahaye kugendamo kandi yabahaye kugenda mu cyerekezo cyiza mugana aheza kandi musanganira ibyiza kuko tubasanganiza urukundo n’urugwiro kandi tugakomeza kubatamiriza ububasha bw’Ijuru kugira ngo mukomeze kubaho kandi mukomeze kugira ubuzima muri Yezu Kristu watsinze kandi wanesheje muri byose, akaba ari we rero ubakomeza uko bwije n’uko bukeye kandi akabashyigikira muri byose, tukaba rero dukomezanyije namwe urugendo mu kubatsindira kandi mu kubaneshereza muri buri kimwe cyose kuko iteka ryose tubashyigikira tukabashoboza kandi tukababashisha, urukundo rw’Imana rukaba rukomeje kubashyigikira no kubabashisha no kubakomeza kuri buri wese.
Nimugire amahoro ntore z’Uhoraho nkunda kandi nshyigikira uko bwije n’uko bukeye nkaza kubuzuza imbaraga n’urumuri kuko ndi umumalayika ubana namwe mu buryo bw’agatangaza kandi nkabatsindira iteka ryose ngakomeza kubasendereza urumuri rw’Uhoraho kandi nkakomezanya namwe urugendo kugira ngo nkomeze mbatsindire kandi mbaneshereze kuri buri kimwe cyose, hari imirimo ikomeye dukomezanyije namwe kugenda dukora mu Isi kandi hari ibitangaza dukomeje kugenda tugaragariza Kiremwa Muntu utuye Isi kandi hari benshi dukomeje kugenda dutabara kandi dutahura bari barajyanywe bunyago n’umwanzi; hari ibitangaza rero dukomeje gukorana namwe kandi hari imirimo ikomeye dukomezanyije kugenda twerekana kandi dushyigikira mu bikorwa by’Imana mu Isi kandi tugenda twururutsa ububasha bw’Imana kugira ngo dukomeze kuganjisha imbaraga z’Imana ari zo zisakara hose kugira ngo ububasha bwa Nyakibi tubutsembe kandi tubutsiratsize, urukundo rw’Imana rwigaragarize muri bose.
Ndabakomeje rero kandi ndabashyigikiye cyane biremwa by’Imana kandi ntore z’uhoraho mwakunzwe kandi mwakungahajwe kuri buri kimwe cyose kuko inzira mwatorewe kandi muhamagarirwamo uko bwije n’uko bukeye ni inzira nziza cyane kuko Uhoraho Imana yabagizeho umugambi mwiza kandi akabagiraho isezerano ryiza ntore z’Uhoraho muri abahire mu bahire kandi muri abatoranyijwe mu bandi kugira ngo mugabirwe kandi musenderezwe ibyiza by’agatangaza, mube mu rumuri rw’Ijuru kandi muhorane imbaraga mu by’Ijuru kandi muhore iteka mutsinda mutsindira mu rukundo rw’Imana, kunesha ni ukw’Imana muri mwebwe kuko imbaraga mukoresha atari izanyu bwite ahubwo muzihabwa n’Uhoraho Imana kandi mukazambikwa uko bwije n’uko bukeye nza kuzibasendereza no kuzibaha uko bwije n’uko bukeye kugira ngo murusheho gutsinda no kunesha kuko Uhoraho Imana yabyemeye kugira ngo mutsindire muri we kandi muneshereze muri we kuko mutakiri abanyu ngo mwigenge ahubwo muriho ku bw’Imana kandi mubeshejweho n’ububasha n’urukundo by’Uhoraho mu buryo bw’agatangaza budasubirwaho n’ubwo bwose Sekibi ahora iteka abakubitira agatoki ku kandi kugira ngo arebe ko yabasubiza inyuma muri iki gikorwa kuko uko bwije n’uko bukeye murushaho kumujajanga no kumushegesha bityo rero igihe yuburiye umutwe akibwira yuko aje kubavuyanga ariko agasanga abamalayika turateranye kandi turakoranye cyane twaje kubatsindira no kubaneshereza kugira ngo imbaraga z’Uhoraho kandi urukundo rw’Imana rukomeze kubuzura kandi rukomeze kubasendera kuri buri wese.
Nimukomeze rero muhazwe n’ibyiza by’Ijuru kandi mukomeze musenderezwe ibyiza by’agatangaza muhabwa kandi mwambikwa uko bwije n’uko bukeye nanjye nkaba nkomeje kubagenderera kandi mu kubasanganiza urukundo n’urugwiro kugira ngo mbasendereze amahoro kandi mbambike urumuri n’umugisha iteka ryose muharanire ikinyura Imana kandi muhore iteka ryose mutsindira mu mutima wa Yezu Kristu watsinze bityo iteka ryose mukomeze ab’amavi adandandabirana kandi ab’impumyi mubahumure kandi iteka ryose mukomeze gukomeza benshi kandi mukomeje gushyigikira ibikorwa bya benshi bashyigikiye iby’ingoma y’Imana kuko twaje kubaka no kurundarunda benshi kandi gukomeza gushyigikira abubaha Imana kandi abayishakashaka kuko twaje gushyigikira kandi twaje kurundarunda kuko tutanyanyagiza ahubwo turundarunda iteka ryose tugakomeza rero gushyigikira ibikorwa by’Imana muri iki gihe rero dukomeje kubishimangira no kubishyigikira mu buryo budasubirwaho kuko twaje mu bubasha bwacu bwose kandi tukaba twarazanye inkota kirimbuzi turi kugenda turimbura ikibi icyo ari cyo cyose kandi turi kurandura tugihereye mu mizi kugira ngo dukungute tujugunye kuko turi kugenda turimarima ikibi kugira ngo turusheho kucyumisha kandi turusheho kugitsemba no kugitsiratsiza mu Isi y’abazima bityo abatuye Isi kandi Kiremwa Muntu uri mu Isi arusheho kumenya no kubona no gusobanukirwa urukundo rw’Imana mu buryo bw’agatangaza budasubirwaho.
Nimwakire rero gukomera kuri buri wese, mwakire imbaraga, ubuzima muri Kristu Nyagasani kandi mwakire umugisha uhora iteka ubasendereye kandi ubaherekeje mu bikorwa byanyu no mu rugendo rwanyu rwa buri munsi kuko nanjye nkomeje kwifatikanya namwe mu kubakomeza kandi mu kubashyigikira, mu gukomeza kubereka inzira nziza y’ubutungane, inzira nziza igana Nyagasani Yezu Kristu kandi mu gusanganira Uhoraho nta kwiziga kandi nta kwizigama kuko urukundo rw’Imana rwururukiye kubashoboza no kubabashisha kuri buri wese; nimwambarire gutsinda kandi mwambarire kunesha, mube maso kandi mube intwari koko nk’intore z’Ijuru kandi mutozwa byose n’Ijuru mwigishwa kandi mukambikwa ububasha budahangarwa kandi buhambaye bw’Ijuru uko bwije n’uko bukeye kugira ngo murusheho gutsinda no kunesha iminsi yose.
Ndi ubakunda kandi nkabavuburira kandi nkabagoborera ibyiza by’agatangaza nkabashoboza kandi nkabatazanurira amayira nkarushaho kubambika kandi nkarushaho kubasendereza urumuri n’urukundo by’Uhoraho mu buryo budasubirwaho; nimukomeze mutsinde kandi mutsindire mu mutima wa Nyagasani Yezu Kristu watsinze we ubabashisha kandi akabashoboza kuri buri wese; nimukomeze muganze kandi mukomeze mutsinde iminsi yose nanjye nifatikanyije namwe kugira ngo mbururukirizemo urumuri kandi mbuzuzemo ububasha kuri buri wese kuko iki ari igihe cyo kugira ngo nkomeze kubasendereza kandi mbamenyeshe abatarabamenya kandi benshi babibeshyaho kandi benshi babitiranya n’ibindi bintu babashe kubamenya kandi babashe gusobanukirwa abo muri bo kuko muri intumwa z’Uhoraho kandi mukaba muri ibiremwa by’Uhoraho byatoranyijwe mu buryo bw’agatangaza kugira ngo mumurikire ibiremwa bituye Isi bityo abatarahumuka babashe guhumuka kandi abatarahuguka mu bwenge babashe guhuguka mu bwenge, abataragarukira urukundo rw’Imana babashe kurugarukira kuko igihe ari iki ngiki kuko ari mwebwe twagize intangarugero kandi tukaba twarabagize urumuri rw’amahanga yose kandi tukaba twarabagize irorero ry’ibyiza by’ingoma y’Ijuru; niyo mpamvu duhora iteka tubuzuza urukundo n’ububasha n’urumuri mu buryo budasubirwaho kugira ngo uzajya ababona wese kandi uzajya abumva wese ajye abasha kumenya icyo muri cyo kandi amenye ubatuyemo uwo ari we ko ari Uhoraho Imana, umugaba wa byose kandi umugenga wa byose waremye ibiboneka ndetse n’ibitaboneka kandi buri kimwe cyose akagishyira mu mwanya wacyo; namwe rero yabashyize mu mwanya mukwiriyemo kandi mubereyemo kuko yitegereje akabona bikwiye kandi bimutunganiye buri wese muri mwebwe akamuhamagara mu izina rye nta n’umwe yibeshyeho, akamuhamagara kugira ngo muze mukore muri uyu muzabibu kandi muri uyu mushinga udahomba kugira ngo mukomeze gucuruza talenta zanyu kandi mukomeze koko kubyaza urwunguko talenta zanyu bityo zikomeze kugirira Isi ndetse n’abayituye akamaro.
Mufite ingabire zidasanzwe kandi mufite ibyiza muhunitse ubukungu bwanyu budashira kandi ubukungu bwanyu mukomeje kuba mufite kandi mukomeje gusenderezwa kandi mukomeje no kwihunikira ni ubukungu butagereranywa kandi butagabanyika, butagabanyije kuko ibyo byose mubifashwamo n’Uhoraho kandi mukabirindirwamo n’Uhoraho mukabishyigikirirwamo n’Uhoraho, ntore z’Uhoraho bana banjye nkunda, nimukomeze urugendo kuko nifatikanyije namwe muri ibyo byose kubibagezaho kandi kubibasendereza no kubibasakazaho kugira ngo urukundo n’ububasha by’Uhoraho bikomeze kwiyuzuza muri mwebwe kandi mukomeze kuzirikana ijambo nyaryo Uhoraho Imana abagezaho uko bwije n’uko bukeye, nanjye simpwema kuza kubatoza kandi kuza kubasendereza ibyo byiza by’agatangaza kugira ngo murusheho kunogerwa no gusobanukirwa n’iby’Ijuru mu buryo budasubirwaho.
Bana banjye nkunda ndabashyigikiye cyane kandi abamalayika kuri uyu munsi twaje kubuzuza imbaraga, twaje kubazamura mu ntera kugira ngo turusheho kubasendereza imbaraga kandi turusheho kubashyira mu rumuri rw’Imana; nimukomeze murebe kandi mukomeze musobanukirwe kuri buri kimwe cyose, mutege ibiganza mwakire ibyiza by’agatangaza bihora iteka byururukira kuza kubakomeza no kubashyigikira, mutege ibiganza mwakire ibyiza mugabirwa kandi mugenerwa uko bwije n’uko bukeye, nanjye ndi kumwe namwe kugira ngo nkomeze mbakomeze kandi mbashyigikire mu buryo budasubirwaho kandi mbakomeze ibi bidasubirwaho.
Nimugire imbaraga kandi mugire ubutwari ndabakunda kandi ndabashyigikiye cyane nshuti zanjye ntore z’Uhoraho, bavandimwe banjye mpora iteka ryose nkora uko nshoboye kugira ngo mbashyire mu rumuri kandi mbashyigikire mu rukundo rw’Imana, rero iteka ryose mpora ndi urumuri muri mwebwe nkabatsindira kandi nkakomeza gukorana namwe imirimo ikomeye mu Isi ndetse n’ibitangaza bihambaye kuko hari benshi tumaze kurohora kandi hari benshi tumaze gukiza, hari ibikorwa byinshi tumaze kubaka by’Uhoraho mu Isi kandi tukaba dukomeje urugendo, ntitwigeze dusubika kuva twatangira kandi ntituzigera dusubika iki gikorwa kitageze ku ndunduro yacyo nk’uko DATA yagiteguye nk’uko yakigennye, uyu mugambi DATA Uhoraho Imana yabashyizemo kandi yabatangije ntuzigera uburizwamo n’umwana w’umuntu cyangwa imigambi y’umwanzi kuko twururukiye kuza kumukoma mu nkokora kandi kugira ngo dukomeze kugamburuza inama z’umwanzi, bityo ibyo yibwira kandi ibyo yigira umunsi ku wundi, inama ze za buri munsi kandi za buri kanya z’uburyarya kandi z’ubujajwa dukomeze kuziburizamo kandi dukomeze kuziyongobeza tuzitsemba tuzitsiratsiza kugira ngo ububasha bw’Imana bwigaragaze uko buri kandi urukundo rw’Imana rusendere abemera Imana kandi abayizigira, abayemera kandi abayikuza uko bwije n’uko bukeye naje kubakomeza no kubashyigikira muri byose.
NIMUKOMEZE MUBEHO RERO KANDI MUKOMEZE MUBERWE NDABAKUNDA NDABASHYIGIKIYE CYANE NTORE Z’UHORAHO NDI MALAYIKA RAFAYELI, AMAHORO AMAHORO, IGICAMUNSI CYIZA KURI BURI WESE NDABAKUNDA KANDI NDABASHYIGIKIYE CYANE, AMAHORO NTORE Z’IMANA TURI KUMWE NDABAKUNDA, IBIHE BYIZA, UMUNSI MWIZA TURI KUMWE!