UBUTUMWA BWA MUTAGATIFU JEANNE D’ARC, TARIKI 10 UGUSHYINGO 2023
Mbasakajemo amahoro n’umugisha ntore z’Imana, nshuti bavandimwe nkunda kandi nshyigikiye, mbifurije umugoroba mwiza kandi mbifurije ibihe byiza kuri mwese, nimugubwe neza mu rukundo rw’Imana, mutuze kandi mutekanire muri rwo kuko tubabumbatiye mu buryo bukomeye kandi tukaba twifatikanyije namwe mu mbaraga zikomeye kugira ngo dukomeze dusenye imbaraga zose z’umwanzi kandi dukomeze dutsembe ibitero byose by’umwanzi mu buryo bufatika kandi bugaragara kuko ari igihe cyo kugaragaza ibikorwa byacu kandi akaba ari igihe cyo kugaragaza imbaraga zacu zidakumirwa mu buryo bw’agatangaza.
Nshyigikiye intambwe zanyu kandi nshyigikiye ibikorwa by’Uhoraho muri mwe mu buryo bukomeye, kugira ngo imirimo y’Uhoraho ikomeze ikwirakwire mu Isi yose kandi ibitangaza bikomeze byigaragarize bose, kuko ari igihe cyo gutazanura kandi ari igihe cyo kwigizayo imbaraga zose z’umwanzi, kugira ngo ububasha bwacu bukomeze bwigaragaze mu biremwa byose mu mbaraga zikomeye za DATA; murahirwa kandi mwarahiriwe, nimwishime kandi munezerwe mu rukundo rw’Uhoraho Imana Umuremyi wa byose, kuko tubabumbiye hamwe mu mutima muziranenge wa DATA, kugira ngo mukomeze kurwana urugamba mutikanga kandi mudakangarana, muzirikana ko Uhoraho ari kumwe namwe kandi aganje mu buzima bwanyu, Ubutatu Butagatifu bukaba bwarururutse ngo bubane namwe kandi bwifatikanye namwe mu buryo bukomeye, mu kurwana inkundura duhashya umwanzi kandi dutsemba umwanzi mu buryo bukomeye.
Ndi kumwe namwe mu buryo bukomeye kandi nifatikanyije namwe mu buryo bw’agatangaza kuko nkomeje imirimo ya DATA muri mwe mu buryo bw’urugamba, mu kurwanya intambara turwanirira benshi, kugira ngo tubahurize hamwe mu rukundo rwa DATA, bityo Mwene Muntu yongere yisangemo ubumuntu kandi Mwene Muntu yongere yinjizwe mu buziranenge bwa DATA mu buryo bukomeye.
Nimwambare muberwe kuko mwambitswe n’Uhoraho mu buryo bw’agatangaza, ibihe nk’ibi ngibi kugira ngo murwane intambara ikomeye, kugira ngo Mwene Muntu yongere asenderezwe urukundo, ukwemera n’ ukwizera mu buzima bwe bwa buri munsi, kuko ari urugamba rukomeye kandi akaba ari intambara ikomeye idasanzwe turi kurwanira ikiremwa muntu mu buryo bw’ agatangaza, kugira ngo Mwene Muntu yongere ature mu rumuri kandi yongere ature mu mahoro asendereye ya DATA.
Murarinzwe kandi murashyigikiwe muri byose, nimuharanire ukuri n’ubutabera by’ijambo rya DATA, kugira ngo bikomeze byamamare mu Isi hose kandi bikomeze bisakare muri bose mu buryo bukomeye kandi mu mbaraga zikomeye, tubinyujije mu bwitange bwanyu kandi tubinyujije mu mbaraga zanyu mukomeje kugaragaza umunsi ku wundi, kuko mwambitswe n’Uhoraho kandi mwatowe n’Uhoraho kugira ngo murwane inkundura murwanirira ikiremwa Muntu, kuko hari benshi batazi kwirwanirira kandi akaba ari benshi badaha roho zabo agaciro, ahubwo bagahihibikanwa n’iby’Isi kandi bagaharanira kubahisha iby’Isi, aho kugira ngo bubahishe Uhoraho Imana Umuremyi wa byose mu buzima bwabo no mu mibereho yabo ya buri munsi, bagahora bajandajanda mu kibi kandi bagahora bahigahiga ikibi mu buzima bwabo.
Ni igihe cyo gucagagura amatiku yose akomoka ku mwanzi uri mu kiremwa muntu, cyane cyane imitima ya Mwene Muntu, benshi bikujije ku bubasha bw’ Imana kandi benshi bikujije ku ijambo ry’Imana, bakumva ko bashyikiriye imaragahinda bagakabiriza ububasha bahawe, igihe nk’iki kugira ngo dushyire ku mugaragaro byose ahabona, abakomeje kubundarara ku kibi kandi abakomeje kugendera ku kibi kugira ngo dutangaze ukuri kuzuye k’ urukundo rwa DATA, kuko ari igihe cyo gutabarura impabe kandi akaba ari igihe cyo gucagagura iminyururu yose y’umwanzi yaboshye Mwene Muntu, kugira ngo Mwene Muntu yongere ature mu rukundo rw’Uhoraho Imana mu buryo bukomeye.
Nimwambare imbaraga zikomeye kuko nkomeje kubasindagiza umunsi ku wundi kugira ngo mbarinde kunanirwa kandi mbarinde kurambirwa, ahubwo iteka mwigumire mu rukundo rw’ Imana munezerewe kandi mwishimye, kuko ari igihe cyo gushimira Uhoraho imirimo akomeje gukorera mu buzima bwanyu no mu mibereho yanyu ya buri munsi, kuko hari byinshi akomeje kugaragaza mu ntambwe zanyu za buri munsi, kandi hakaba hari ibikorwa bikomeje kugaragarira benshi n’ubwo benshi babyirengagiza nkana ariko igihe kikaba gihari icyo kugira ngo buri wese ahinduke kandi ahindukire agarukire ijambo rya DATA, kandi agaruke mu rukundo rwa DATA mu buryo bukomeye.
Nimuhumure ndabahumurije kandi ndabakomeje ntihakagire ikibaca intege mu rugendo, ntihakagire ikibatera gutsitara no gutsikira, nimurangamire Uhoraho Umuremyi wa byose kuko uganje mu buzima bwanyu no mu mibereho yanyu ya buri munsi, kandi akaba akomeje kubatsembera imbaraga zose z’umwanzi kugira ngo mukomeze mubeho mu mutsindo wa DATA, kandi mubeho mu byishimo by’Ijuru mu buryo bukomeye; igihe ni iki ngiki kandi kiregereje kugira ngo tugaragaze ibikorwa byacu muri mwe, kuko tuje kugendana namwe mu buryo bugaragara kandi bufatika kugira ngo dukomeze kuribata ikibi cyose cy’umwanzi kandi dukomeze gutsindagira ububasha bwa DATA muri bose mu buryo bukomeye kandi bugaragara, bufatika, kuko tuje gutangaza urumuri rwuzuye kandi rushyitse muri buri wese, abinangiye kandi abikomeyeho akaba ari igihe kigeze kugira ngo tubahambureho ibyababoshye n’ibyabahambiriye byose, bityo buri wese yisange aho aticyekaga kandi atatekerezaga mu bubasha bwa DATA.
Ndabashyigikiye muri byose kandi ndabakomeje muri byose kugira ngo mukomeze kubaho mu butungane bwuzuye kandi murusheho kubaho mu buziranenge bwa DATA, mu kwemera n’ukwizera bikomeye, kugira ngo mukomeze gukora imirimo ikomeye kandi mukomeze gukora ibikorwa bikomeye kuko dukomeje kuberereza kandi dukomeje kubazamura mu butungane bwa DATA kugira ngo muhore muguwe neza kandi muhore munezerewe muri DATA muri byose kuko ntacyo mwimwe, twabahaye byose kandi tubegurira byose, inzira zose turatazurana kugira ngo mutambuke mwemye, nta kibatinza kandi nta kibakerereza muri byose.
Ni igihe rero cyo guhanga amaso Uhoraho Imana Umuremyi wa byose, kandi ni igihe cyo gukataza mu rugendo kuri buri wese, ibirangaza ni byinshi kandi ibicantege ni byinshi, kuko umuyaga ari mwinshi ushobora kubahungabanya kandi ushobora kubaca intege, ariko icyo musabwa ni uguhagarara mu myanya wanyu mugahanga Uhoraho amaso, mukemera kunyura inzira tubanyujije kandi mukemera gutora icyo tubatoje mu buzima bwanyu bwa buri munsi kugira ngo murusheho gutungana kandi murusheho gukora imirimo n’ibitangaza mu Isi yose.
Nimurangwe n’ituze n’ubwiyoroshye kuko ari igihe cyo gusenga no gutuza, atari igihe cyo gusakuza nk’abana b’Isi, ni igihe cyo guturiza mu rukundo rw’ Imana, mukarindira byose mutarambiwe kuko tugiye kuzuza isezerano kandi twiteguye kuzuza byose mu buryo bukomeye, kandi tukaba tuje mu mbaraga zikomeye n’ububasha bukomeye kugira ngo tugaragarize umwanzi ko Uhoraho yatsinze kandi yatsindiye abamwemera bose mu buryo bukomeye bw’agatangaza.
Mbifurije umugoroba mwiza, ibihe byiza kuri mwese, nimukomeze mugubwe neza mu rukundo rw’Uhoraho Imana, ndabashyigikiye kandi ndabakomeje mu mbaraga n’ububasha bya DATA, kuko nkomezanyije namwe urugendo mu buryo bukomeye mu buryo bw’urugamba, mu kurwana intambara y’ukwemera mu kiremwa muntu mu buryo bw’agatangaza, kuko nagendanye namwe kuva kera na kare kandi nkaba nkomezanyije namwe urugendo, nkaba ntabasiga kandi intambwe zanjye zikaba zitabusanya n’izanyu, iteka mpora mu buzima bwanyu kandi nkayobora imibereho yanyu ya buri munsi, kugira ngo mukomeze gutunganira Imana kandi mukomeze kunyura Imana muri byose.
Nimwakire urukundo rwanjye kandi mwakire imbaraga zanjye, kuko nzibasendereje mu buryo bw’agatangaza kandi nkaba nzibamanuriyemo mu buryo bukomeye kugira ngo mushire amavunane kandi mushire umunaniro mwakire ibyishimo muri DATA, bityo muhore mutohagiye kandi muhore mwishimye.
AMAHORO AMAHORO, IBIHE BYIZA, NDABAKUNDA KANDI NDABASHYIGIKIYE NTORE Z’IMANA NSHUTI BAVANDIMWE, NDI MUTAGATIFU JEANNE D’ARC, AMAHORO, AMAHORO!