UBUTUMWA BWA MUTAGATIFU YOZEFU, TARIKI YA 28 KAMENA 2024
Mbifurije kugubwa neza ntore z’Umusumbabyose kandi bana banjye nkunda, mbakomeza iteka kandi ndabashyigikira, nifatikanyije namwe bana banjye nkunda kandi bana banjye nkomeje kugendana namwe mbaha umugisha wa DATA kandi mbasenderezamo urukundo rw’Imana; nimukomeze gukomera kandi mukomeze kwakira urukundo ruhoraho rwa DATA, mukomeze kwakira ububasha bwa DATA Ushoborabyose bubashoboze bubakomeze kandi bubashyigikire kuko nifatikanyije namwe mu rugendo, nkomeje intambwe za buri wese muri mwe kandi mbahaye umugisha wa DATA, urukundo rw’Imana nirubagwirizwe kandi amahoro y’Imana akomeze abane namwe turi kumwe, ndabakomeje mwese kandi ndabashyigikiye, mbarangaje imbere mu rugendo, kuko mbahaye urukundo n’ibyishimo bihoraho byo muri Uhoraho Imana kugira ngo mukomeze gukatariza icyiza kandi mukomeze kwakira imbaraga zacu zibakomeze kandi zibashyigikire kuko turi kumwe, mbarangaje imbere mu rugendo kandi nkaba mparanira iteka ko mwakira ibyiza byose kandi mubaho mu rukundo rw’Imana rukomeye; ndabakomeje kandi ndabashyigikiye umunsi nk’uyu nguyu, ibihe nk’ibi ngibi ni ibihe byo kubakomeza kandi ni ibihe byo gukomeza kubashyigikira kuko twifatikanyije namwe mu buryo budasubirwaho, kugira ngo tubahereze imbaraga z’Imana zikomeze zibe muri mwe kandi urukundo rw’Imana rukomeze kuvugurura byose, rukomeze guhindura ibintu byose bundi bushya, urukundo rw’Imana rukomeze kuganza muri mwe, bityo rukomeze gukorera muri mwe kandi urukundo rw’Imana rukomeze kubafasha muri byinshi; nanjye mbahaye umugisha kandi mbasenderejemo urukundo rw’Ushoborabyose, kugira ngo mubeho kandi mugwirizwe umugisha wa DATA, iteka n’ibihe byose mpora nifatikanyije namwe mbakomezamo imbaraga kandi mbashyigikiramo ubutwari.
Nimukomeze murindwe kandi mukomeze mushyigikirwe, kuko nifatikanyije namwe mparanira iteka ko mubaho mu gushaka kw’Imana kandi mukomeza gusenderezwa ibyiza byayo by’agatangaza, kugira ngo uko murushaho gukura mutera intambwe mu kwemera urukundo rw’Imana rurusheho kugenda ruganza muri mwe, kandi amahoro y’Imana akomeze gusagamba kuri buri wese; mbihereye umugisha kandi mbakomeje ubutitsa nimukomeze mwambare imbaraga kandi mukomeze mugire urukundo kuko nifatikanyije namwe, kugira ngo mbagabire byose kandi mbasenderezemo urukundo rwa DATA.
Nimubeho kandi mubeshweho n’urukundo rw’Imana, imbaraga z’Umusumbabyose zishyigikire buri wese kuko nkomeje kubakomeza no kubashyigikira, ndababumbatiye mwese kandi nshyigikiye buri wese kuko mu mbaraga zanyu mbongerera umwete n’ishyaka umunsi ku wundi bana banjye, kugira ngo ndusheho kubabera maso kandi ndusheho kubabera ku rugamba n’ubwo umubisha yitambika umunsi ku wundi, ntiduhwema kandi ntiducogora kumurwanya kugira ngo tubarwanirire ubutitsa bityo mutahukane umutsindo; nimukomeze kuba intore z’Umuremyi kandi mukomeze kuba ibiremwa Uhoraho Imana yihitiyemo, mu gukomeza kubaka byinshi kandi mu gukomeza kubakika muri mwebwe ubwanyu, kugira ngo dukomeze kugendana namwe tubasenderezamo urukundo rw’Usumbabyose, kugira ngo mukomeze kurwana urugamba inkundura mutahukane umutsindo; dutahukana umutsindo aho twateye hose, kuko dutera umubisha tukamusenyera kandi tugasiga tumujajanze koko, tukagaragaza umutsindo w’Imana ubudakuka kandi tukagaragaza umutsindo w’Imana idahangarwa, idakurwa ku ijambo kuko iyo yavuze iba yavuze kandi igaragaza ububasha bwayo n’urukundo rwayo ruhanitse kugira ngo byose bikomeze kugaragara, kandi urukundo rw’Imana rukomeze gusenderezwa muri byose.
Mbahaye umugisha kandi mbambitse imbaraga nimukomere, mugubwe neza, mube amahoro mukataze mu gukora neza, mukataze mu gukora icyiza nanjye turi kumwe, ndabaherekeje kandi mbarangaje imbere mu rugendo, nimukomeze kuba intwari kandi mukomeze kubengerana kandi mukomeze kuzura urumuri n’urukundo by’Imana nanjye turi kumwe mu rugendo, kuko mbahaye umugisha kandi nkaba mbasenderejemo ibyo byiza by’urukundo rw’Imana, nimukomeze rero kubibamo kandi mukomeze kubyakira nanjye turi kumwe mu rugendo kandi nifatikanyije namwe muri byose, kugira ngo nkomeze kubashyigikira kandi nkomeze kubabera maso biremwa by’Imana kandi bana banjye nkunda, nkomeje kandi nzakomeza gukomeza no gushyigikira kugira ngo mu minsi y’ubuzima bwanyu bwose murusheho kubaho mu gushaka kw’Imana kandi murusheho kwakira urukundo rw’Imana rubabemo iminsi yose.
Nimukomere ndabakomeje kandi mwakire imbaraga za DATA zibabemo, urukundo rw’Imana rurusheho kuganza muri mwe, nanjye nifatikanyije namwe ibihe nk’ibi ngibi kugira ngo mbakomeze ubutitsa kandi mbasenderezemo urukundo rwa DATA; nimubeho mbahaye kubaho ndabakomeje kandi ndabashyigikiye, kuko igihe nk’iki ngiki ni igihe cyo gukomera kandi ni igihe cyo gukomeza urugendo, nifatikanyije namwe mbahaye umugisha, amahoro n’ibyishimo muri DATA, nimubeho kandi mugwirizwe umugisha w’Imana.
MBIFURIJE IGITONDO CYIZA GIHIRE KANDI MBIFURIJE AMAHORO Y’IMANA, NAKOMEZE ABE MURI MWE KANDI URUKUNDO RW’IMANA RUKOMEZE KUGANZA, NIFATIKANYIJE NAMWE, MBASENDEREJEMO IBYIZA BY’AGATANGAZA KURI BURI WESE, NIMUBEHO KANDI MUKOMEZE GUHORANA UMURAVA, IMBARAGA N’UBUZIMA MURI YEZU KRISTU, TURI KUMWE NDABAKUNDA BIREMWA BYA DATA KANDI BANA BANJYE NKUNDA, TURI KUMWE MU RUGENDO NIMUKOMERE, NDI MUTAGATIFU YOZEFU MPORANA NAMWE KANDI NIFATIKANYIJE NAMWE MURI BYOSE, NDABAKUNDA UMUNSI MWIZA, NDABAKUNDA BIREMWA BYA DATA, AMAHORO AMAHORO.