UBUTUMWA BWA MUTAGATIFU YOZEFU, TARIKI YA 19 MUTARAMA 2024
Ndabaramukije mu rukundo rw’ Uhoraho Imana biremwa bya DATA kandi ntumwa za Yezu Kristu dukunda kandi dushyigikira umunsi ku wundi; mbifurije umunsi mwiza kandi igitondo cyiza kuri buri wese, nimugire kugubwa neza kandi mukomeze gusenderezwa imbaraga zibakomeza kandi zibatagatifuza kuko mbarangaje imbere kandi mbakomeza umunsi ku wundi, mbasukura mu isuku ntagatifu kandi mu rukundo rutagatifu rwa DATA kandi nkomeza kubamurikira mu ntambwe zanyu za buri munsi kugira ngo iteka ryose amatara yanyu ahore amurika kandi ahore acaniye mu byiza by’ Uhoraho yabagabiye kandi yabahaye; ndi kumwe namwe muri iki gitondo kandi nkomeje kubarangaza imbere ndetse no kubakorera isuku ya roho kugira ngo iteka ryose muhore musukuye imbere ya DATA kandi muhore koko mubengerana ubwiza bwe bukomeye, ndi Mutagatifu Yozefu, mbagaragariza ibyiza bye kandi mbamurikira mu ntambwe zanyu za buri munsi kugira ngo mukomeze munezerezwe n’ urukundo rwe kandi mukomeze munezerezwe n’ ibyiza bikomeye Uhoraho Imana yabagabiye kandi akomeza kubasendereza buri munsi.
Nimwakire imbaraga zibatagatifuza kandi mwakire imbaraga zibakomeza mu rugendo rwanyu rwa buri munsi, kugira ngo mukomeze guharanira ubutungane bwa roho, kandi koko mukomeze kubera maso roho zanyu ndetse n’ iz’ abandi bose kugira ngo bose bakomeze kwakira ibyiza by’ Ijuru kandi bakomeze kunezezwa n’ umubano mutagatifu mufitanye n’ Ijuru muri iki gihe, kuko ryamanutse rikaza muri mwe kandi rikaza kubatonesha, rikabagabira byose kandi rikabasendereza imbaraga zidasanzwe muri iki gihe kugira ngo iteka ryose muhore mwizihiwe, kandi muhore munyuzwe n’ imbaraga ze akomeza kugenda abuganiza mu biganza byanyu buri munsi.
Narabasukuye ndabatagatifuza kandi mbagabira byose mu rugendo rwanyu iteka ryose, niyo mpamvu namwe mbasabira kugira ngo muhore mwizihiwe kandi koko muhore munyuzwe n’ urukundo rwa DATA bityo iteka ryose ibyishimo bibarange kandi amahoro n’ umutuzo bikomeze kuranga ubuzima bwanyu bwa buri munsi kuko DATA yabakunze kandi akabacunguza umwana we, iteka ryose koko mugahora mwizihiwe kandi mugacungurwa n’ urukundo rwe rukomeye; nimwishime munezerwe, kandi munezerezwe n’ ububasha bwe butagatifu yaganjishije muri mwe kandi munezerezwe n’ uko koko muri abana bamwizihiye kandi bamunyuze, cyane cyane iyo mushishikarira gukora icyo abashakaho ndetse n’ icyo abifuzaho umunsi ku wundi; nimurangwe rero n’ ubutungane kandi murangwe n’ ineza mu bikorwa byanyu bya buri munsi kugira ngo urukundo rwe rukomeze kubigaragarizamo kandi mukomeze gusagamba kandi mukomeze kwishimira imirimo mutagatifu akomeje kugenda akorera mu buzima bwanyu bwa buri munsi.
Narabakunze kandi iteka ryose nza muri mwe, nza kubayobora ndetse no kubatagatifuza, nza kubahunda ibyiza ndetse no kubereka ikiri icyiza cyose kigomba kubaha gutungana kandi kikabaha gusukuka ndetse no kwezwa kugira ngo iteka ryose muhore muri intungane imbere ya DATA kandi muhore musukuye mu bikorwa byanyu bya buri munsi kugira ngo urugamba murwana rwa buri munsi kandi ibyo mukora byose umunsi ku wundi bibe ari ibitunganye kandi bibe ari ibisukuye bityo birangwemo ukuri kwa DATA kandi birangwemo imirimo ye ikomeye kandi we ko agomba kugaragaza ko urukundo rwe ruganje muri mwe kandi ko imbaraga ze ntagatifu zibuganije mu biganza byanyu kandi ko ibyo mukora byose mugomba kuba muyobowe n’ Ijuru muri iki gihe.
Nimugire gutega amatwi kandi mugire kwakira byose mu byiza bye bikomeye kuko naje kugendana namwe kandi nkaba nje kongera kubakomeza, ndetse no kubavugururira urugendo rwanyu ndetse no kubongerera imbaraga ndetse no kubateza intambwe ku buryo bw’ umwihariko, kugira ngo koko mukomeze mube mu gushaka kwa DATA uko abishaka ndetse n’ uko abyifuza kandi mukomeze koko mugaragire intebe y’ ijambo rye ritagatifu ku buryo bw’ umugaragaro kandi ku buryo bwuzuye, nta kibatega kandi nta kibashisha, nta kibatandukanya n’ ibyiza bye, ahubwo iteka mugahora mwizihiwe kandi munyuzwe n’ imbaraga abasendereza kandi abagabira buri munsi; nimufatanye rero koko kungura ibiremwa byose ibyiza, kandi koko mukomeze mube abambasaderi b’ Ijuru ryose baganje mu Isi kandi mukomeze koko kuba abahuza batagatifu b’ Isi ndetse n’ Ijuru mu buryo bukomeye kandi mu buryo budasanzwe, kuko ibikorwa bitagatifu DATA akomeje kugenda akorera muri mwe kandi ku bw’ imirimo ikomeye DATA yabateguriye kandi yabageneye; niyo mpamvu iteka ryose abambika imbaraga kandi tugakomeza gutegura buri kimwe cyose mu buzima bwanyu, kugira ngo hatagira ikibasoba kandi hatagira ikibangamira ugushaka kwa DATA muri mwebwe, ahubwo igihe cyose muhore mwizihirwe kandi inyota yanyu ihore yiyongera kandi ihore koko yakira ibyiza bikomeye Uhoraho Imana abagabira kandi akomeza kubasendereza.
Ndabashyigikiye kandi ndabayoboye kuko mbarangaje imbere ku rugamba, mbahaza ibyiza kandi mbarwanirira iteka ryose kugira ngo mwizihirwe kandi munyurwe n’ urukundo rwe iteka kuko mutari mwenyine kandi tuza kubatera inkunga kandi tukabashyigikira; tubagaragiye n’ imbaga itabarika y’ abatagatifu babatoza icyiza kandi bakabereka urukundo rutagatifu rwa DATA, kandi mbere na mbere tukabatoza kumva ndetse no kumvira kuko aricyo kigomba gushimisha Uhoraho muri iki gihe kandi iteka ryose imirimo yanyu mukora yose ikanyurwa no kugirango mwishimirwe n’ ibikorwa byanyu bya buri munsi kandi imirimo yanyu koko ibashe kuba ariyo imuhesha agaciro muri iki gihe.
Nimukomere ku rugamba, kandi koko mukomeze guhuguka ndetse no gusobanukirwa mu bikorwa byanyu bya buri munsi kugira ngo iteka ryose hatagira ikibasoba kandi hatagira ikibabera urujijo kandi narabatagatifuje kandi nkabagabira byose; nta na kimwe ntakoze muri mwe kandi nta na kimwe ntasobanuye mu buzima bwanyu, niyo impamvu iteka mbashishikariza guhora muri maso kandi koko mugahora murwana urugamba, muzirikana ko icyo murwanirira ari ukuri kandi ari ukuri kwa DATA kugomba kwigaragaza mu Isi ndetse no kubohora ibiremwa byose mu kubisukura ndetse no kubitagatifuza kugira ngo benshi biyandavuje kandi koko benshi batandukiriye ku rukundo rw’ Uhoraho Imana bagaruke mu nzira kandi basubizwe ubuzima bwuzuye kandi busendereye.
Nimugire gukomera kandi mugire guhagarara gitwari, mugire koko kuba ingabo zigomba gukomera ku rugamba kandi zigahagarara koko zemye, kuko mugaragiwe n’ Umwami ubasumba kandi koko mugaragiwe n’ Ijuru ryose rigomba kubarwanirira kandi rikabatsindira bityo rigahosha ibibi byose by’ umwanzi kandi rigahosha ivuzivuzi ry’ umwanzi hirya no hino; nimukomere ku rugamba kandi koko mukomeze gushikama mwakira ibyiza bya DATA, bityo bikomeze kubatagatifuza, mwizihirwe n’ uko Uhoraho abarinze kandi abashyigikiye; ni igihe cyo gucecekesha rero ibikorwa byose by’ umwanzi kandi ni igihe cyo gucecekesha amagambo hirya no hino kugira ngo iteka ryose mukomeze kumvikanamo urukundo rwa DATA kandi mwumvikanemo urumuri rwe rukomeye rugomba kubatagatifuza kandi rukabahaza ibyiza, iteka ryose mugashyigikirwa kandi mukayoborwa mu rugendo rwanyu, tukabarinda kandi tukabatoza icyiza; niyo mpamvu iteka ryose mpora nganje muri mwe, kandi ngahora nyoboye buri wese mu mbaraga zanjye zikomeye kandi mu bubasha bwanjye butagatifu, nkabereka icyiza kandi koko nkabereka ubutungane, nkabereka ku iriba ry’ amazi afutse kugira ngo mwese muhore muvomererwa kandi muhore muhundwa ibyiza bikomeye kandi by’ agatangaza, bikomeza kubageza ku butungane bwa DATA kandi bikomeza kubageza ku butoni Uhoraho Imana yabahaye kandi yabagabiye.
Nimukomere Ntore za DATA kandi biremwa by’ Uhoraho, murusheho kwakira imbaraga kuri uyu munsi kandi murusheho kunezezwa n’ ibikorwa bye bikomeye kandi murusheho kugenda muri maso kandi murusheho koko kwakira imbaraga zibaha kuba maso kandi zibaha gutega amatwi ijambo rye ritagatifu umunsi ku wundi, mukizihirwa kandi mukanyurwa n’ uko imbaraga ze zaje kuganza muri mwe kandi ko intebe ye y’ ijambo rye ritagatifu yamanukiye mu buzima bwanyu kandi ikaza gutura rwagati muri mwe, mukaba rero mugaragiye ibyiza bye bikomeye kandi mukaba mugaragiye urukundo rwe rutagatifu ku buryo bw’ umwihariko; mwarakunzwe Ntore za DATA kandi Biremwa by’ Uhoraho, nimukomeze namwe koko mwizigamire ibyiza bikomeye kandi mukomeze mukore umurimo DATA agomba kubahembera kandi buri muntu wese azahemberwa ku buryo bw’ umwihariko kugira ngo ibikorwa byanyu koko bikomeze kuba indashyikirwa mu Isi yose, kuko DATA yifuza kubagaragarizamo ibikorwa bye bitagatifu kandi akomeza kugenda abasendereza ibyiza kandi agakomeza kugenda abahaza umukiro mutagatifu, mukanezezwa n’ uko akomeje kubarangaza imbere kandi akomeje kubahaza umunezero udashira iteka ryose, mugakomeza gutega ibiganza kandi mugakomeza kwizihizwa no kumuba iruhande ndetse no guhora muteze amatwi ijambo rye ritagatifu.
Nimushimishwe no kumva ibikorwa bye bitagatifu muri mwe kandi mushimishwe no kumva ijambo rye mu buzima bwanyu iteka, kuko ariwe Mugenga wa byose kandi akaba umuyobozi wanyu igihe cyose, kandi akaba arimo kubagabira ubuzima buzima kandi busagambye iteka; muzirikane ko umurimo muriho ariwo yabahamagariye kandi ariwo yabatorereye, kugira ngo iteka koko mukomeze murwane urugamba kandi mukomeze mwakire ibyo bikorwa byiza kandi bitagatifu bikomeza kubaha gusagamba kandi bigakomeza kubaha gutona, bityo mukanezezwa n’ umugisha ukomeye Uhoraho Imana akomeje kugenda ashyira mu biganza byanyu buri munsi.
Mbifurije umunsi mwiza kuri buri wese kandi igitondo cyiza, ndabashyigikiye kandi ndabakomeje kuko ndi muri mwe rwagati kandi nkaba mbateze amatwi cyane kugira ngo mpe buri wese icyo akeneye kuri uyu munsi kandi koko nkomeze kumubera umuhuza mutagatifu hagati ye n’ Ijuru mu buryo bukomeye kugira ngo namwe ndusheho kubambutsa inyanja kandi nkomeze kubakumirira ibitero byose by’ umwanzi hirya no hino.
Ndabarinze mu burinzi bwanjye butagatifu kandi mu ijambo ryanjye rikomeye ndabashyigikiye kandi ndabakomeje, nimugire kubaho kandi mukomeze kwihugika mu bwihugiko bwa DATA kuko yabaramburiye ihema rikomeye kandi koko akaba yarabaramburiye igishura cye gitagatifu, kugira ngo koko kigire kubamara imbeho kandi kigire kubamara inyota kuri buri wese koko yisanzuremo kandi asagambe mu byiza bikomeye by’ Uhoraho Imana akomeza kugenda ageza kuri buri wese muri iki gihe.
Nimukomere ku murimo we mutagatifu kuko twaje kubakomeza ndetse no kubayobora, kubatagatifuza ndetse no kubarangaza imbere kugira ngo iteka ryose muhore mufite inyota y’ ibyiza bye bikomeye, kandi muhore mufite inyota y’ urukundo rwe rukomeza kugenda rusagamba mu buzima bwanyu igihe cyose; mbifurije igitondo cyiza kandi umunsi mwiza kuri buri wese, nimukomeze mwakire ibyo byiza kandi koko mukomeze mugire inyota y’ urukundo rukomeye kandi rukomeza kubatagatifuza rukabahaza umunezero iteka ryose kandi mugahora koko mufite igishyika cy’ urukundo rukomeye.
Nimugire ibyishimo byuzuye kandi bihamye bityo iteka ryose mwishimire umurimo wa DATA kandi mwishimire ibikorwa bye bitagatifu; nta cyagombye kubatera kwiheba kandi nta cyagombye kubatera kwibaza, kuko iteka ryose mugomba guhorana ibyishimo kandi mugahorana umunezero; nimwishimire amizero mufite muri Yezu Kristu kandi mwishimire ibyiza bye bikomeye yababuganije kandi yabahaye, bityo iteka ryose muhore mwishimye kandi mutere abandi ibyishimo kandi mutere abandi umunezero; nimube abasakazarumuri batagatifu ba DATA kandi mube abasakazamahoro mu Isi, kugira ngo iteka ryose aho mugeze hose muhabuganize ibyishimo n’amahoro kandi koko muhasendereze ibyiza byose Uhoraho Imana yabahaye kandi yabagabiye; naje muri mwe kugira ngo mbatere ibyishimo kandi mbatere kunezerwa.
Nimugire kumwenyura mu rukundo rwe rutagatifu kandi koko mugire kumwenyura mu byiza bye bitagatifu kuko iteka ryose abarwanira intambara kandi akabatsindira, bityo akabaha kunezerwa kandi akabaha gukomera mu byiza bye bikomeye. Mbifurije igitondo cyiza kuri buri wese, nimukomere kandi mugubwe neza kuri buri wese, ndi kumwe namwe kandi mbarangaje imbere kuri uyu munsi; nimwakire gukomera kandi mwakire gusagamba, bityo mukomeze gutega amatwi urukundo rwe rutagatifu, rukomeze kubarangaza imbere kandi rukomeze kubaha gutona, kugira ngo iteka muhore mwizihirwe kandi munyuzwe n’ urukundo akomeza kugenda abuganiza mu buzima bwanyu.
Umunsi mwiza kuri buri wese kandi igitondo cyiza, ndi kumwe namwe, mbarangaje imbere kandi mbayoboye ku rugamba mu buryo bukomeye, niyo mpamvu mugomba kwishimira ko ndi muri mwe kandi ko nkomeje kubarangaza imbere, ndetse n’ Ijuru ryose rikaba rikomeje kubatagatifuza ndetse no kubahaza ibyiza bikomeye.
AMAHORO AMAHORO, UMUNSI MWIZA KURI BURI WESE KANDI IGITONDO CYIZA, NIMUGIRE UMUGISHA KANDI MUGIRE GUHIRWA MURI BYOSE MU MIRIMO YANYU YA BURI MUNSI KUKO NDI KUMWE NAMWE MU KUBATAGATIFUZA NDETSE NO KUBAHAZA UMUKIRO MUTAGATIFU; AMAHORO, AMAHORO, IGITONDO CYIZA KURI BURI WESE, NDI MUTAGATIFU YOZEFU, AMAHORO, AMAHORO!