UBUTUMWA BWA MUTAGATIFU YOZEFU, TARIKI YA 29 NZERI 2024
Ndabahobereye mu rukundo rwanjye n’urwa DATA Ntore dukunda kandi Ntore dutaramanye kuri uyu munsi, ndabashyigikiye kandi mbambitse urukundo rwanjye kugira ngo ruhore iteka rwigaragariza mu buzima bwanyu bwa buri munsi, turi kumwe rero mu bikorwa bidasanzwe kuri uyu munsi kandi turi kumwe mu njyana y’urugamba mu buryo budasubirwaho, mbambitse urukundo rwanjye kandi mbambitse ubudahangarwa bwanjye kugira ngo mukomeze guhangamura ikibi cy’umwanzi kandi ibitero bye bibisha mukomeze kubihigikisha ububasha bwanjye n’ubwa DATA; ngaho rero nimukomere kuko naje kubakomeza kandi nkaba naje kubasigasira muri iyi minsi ikomeye kandi muri iyi minsi y’agatangaza dukomeje gukoranamo namwe byinshi kandi dukomeje kwizihizanya ibikorwa by’urugamba mu buryo bukomeye; erega ndabashyigikiye kandi ndabakomeje kandi ndabayoboye mu bikorwa bidasanzwe by’Uhoraho Imana, kuko naje kugendana namwe kandi nkaba naraje gufata buri wese ikiganza, mbasendereza ububasha bwanjye kandi nkomeza kubarindisha imbaraga zanjye, kugira ngo iteka ryose zihore zibarengera kandi zihore zibashyigikiye mu bikorwa byanyu bya buri munsi, bityo rero mfunguye byinshi byiza kandi mfunguye byinshi byiza kandi bikomeye kuri uyu munsi mu buzima bwa buri wese, kugira ngo birusheho kumwubaka kandi birusheho kumusigasira mu buzima bwe bwa buri munsi, bityo imirimo yanjye n’iya DATA nikomeze kwigaragariza mu buzima bwanyu bwa buri munsi, mu guhindura kandi mu kurushaho guhindukiza Mwene Muntu tumushyira mu rukundo rw’Imana uko bikwiriye.
Ni igihe rero gikomeye dukomeje gukubita dukura mu mayira kandi dukomeje kuribata ikibi ndetse n’igisa nacyo, mu bubasha bwacu bukomeye kandi mu mbaraga zacu zitavogerwa kuko dukomeje gutandukanya ikibi ndetse na Mwene Muntu, kandi tukaba dukomeje gushyigikira urukundo rwacu rukomeye muri Mwene Muntu; akaba ari yo mpamvu rero tutifuza icyavangira urukundo rwa DATA kandi icyatuma Mwene Muntu cyose ajya kure y’urukundo rw’Uhoraho Imana tukaba dukomeje kugihindisha ububasha bwacu bukomeye, kandi imbaraga zacu zitavogerwa tukaba dukomeje kuzigaragariza mu Isi ndetse no mu bayituye, kugira ngo koko harusheho kunozwa umugambi ukomeye wa DATA afite ku Kiremwa Muntu cyose aho kiva kikagera kuko yiteguye kugikomeza kandi akaba yiteguye kucyubaka ndetse no kugihindura bushya mu buryo bwe budasanzwe kandi mu mbaraga ze zitavogerwa ahora asendereza Isi kandi ahora asendereza Ikiremwa Muntu, akaba ari yo mpamvu adahuga mu bikorwa bye bya buri munsi, ahubwo ahora ashakira Mwene Muntu icyiza kimufasha gutsinda umwanzi kandi kimufasha gukomera ndetse no gukomera mu rugendo rwe rwa buri munsi, bityo agahora yakira imbaraga ndetse n’ububasha agabirwa uko bwije n’uko bukeye.
Ni muri urwo rwego rero dukomeje gushyigikirana benshi mu Isi kandi dukomeje gutezanya intambwe, kuko hari benshi umwanzi akomeje gutsikiza mu rugendo rwabo rwa buri munsi, ariko kandi natwe kuri uyu munsi udasanzwe tukaba duhagurukiye kumurwanya kandi tukaba duhagurukiye kumutsinda ndetse no kumutsiratsiriza mu bubasha bwacu bukomeye kandi mu bubasha bwacu butavogerwa, kuko tuje gusenya kandi tukaba tuje kuribata ikibi cye cyose aho kiva kikagera; nimwambare kandi nimukomeze kuberwa kuko twaje kubambika Biremwa by’Uhoraho Imana, kandi Ntore za DATA dutaramanye, mbashyigikirishije ububasha bwanjye kandi mbakomereje intambwe muri byose, nimukomeze kujya mbere mu rukundo rwanjye n’urwa DATA, nanjye ndabahobereye mu muhoberano wanjye mutagatifu, kandi ndabakomeje ngira nti “nimugire amahoro, umutekano wa DATA ukomeze gusakara kandi ukomeze gusenderera imitima yanyu, kuko kuri uyu munsi ari umunsi ukomeye kandi akaba ari umunsi w’ibirori n’ibyishimo twaje kwifatikanyamo na Kiremwa Muntu kandi twaje kwifatikanyaho na Mwene Muntu wese ukomeje kwakira igeno tumugenera kandi ukomeje kwakira icyiza tumuzanira uko bwije n’uko bukeye, bityo kikamugirira akamaro kandi kikagirira akamaro roho ye mu buryo bukomeye”; natwe rero twaje kwigaragariza muri we kandi twaje kwifatikanya namwe muri byose kugira ngo turusheho kubashyigikira kandi turusheho koko kubageza ku mutsindo ukomeye wa DATA; nimukomere rero kandi mukomeze umurava mu gukora icyiza, nanjye ndabashyigikiye kandi mbambitse imbaraga z’ububasha bwanjye, nimukomeze guhinduka bashya mu rukundo rw’Uhoraho Imana kuko ari cyo cyanzanye muri mwe, mu kubahindura ndetse no kurushaho kubahindukiriza mu rukundo rw’Uhoraho Imana, kugira ngo iteka ryose muhore mukereye kwakira imbaraga ndetse n’ububasha bidukomokaho kandi muhore mukereye kwakira umukiro n’agakiza bikomoka muri DATA.
NGAHO RERO NIMUBEREHO KURIBATA UMWANZI KANDI MUBEREHO GUTSINDA IKIBI NDETSE N’IGISA NACYO AHO KIVA KIKAGERA NANJYE NDABASHYIGIKIYE MU BIKORWA BY’URUGAMBA KANDI NDABAKOMEJE, MBASHYIGIKIYE MURI BYOSE KANDI MBAKOMEREJE INTAMBWE, NIMUKOMEZE KUJYA MBERE KANDI NIMUKOMEZE KWIZIHIRIRWA MU BIKORWA BY’UHORAHO IMANA, NANJYE TURI KUMWE KANDI NDABASHYIGIKIYE MURI BYOSE, NDI MUTAGATIFU YOZEFU; AMAHORO AMAHORO, IBIHE BYIZA TURI KUMWE NDABAKUNDA, NDABASHYIGIKIYE NTORE Z’UHORAHO IMANA, AMAHORO AMAHORO.