UBUTUMWA BWA MUTAGATIFU YOZEFU, TARIKI YA 24 NZERI 2024
Mbifurije igitondo cyiza Ntore za DATA kandi Biremwa by’Uhoraho Imana, ndabakomeje kandi ndabashyigikiye mu bikorwa by’urugamba kuri uyu munsi, kuko mbambitse imbara kandi nkaba mbasendereje ububasha bwanjye, kugira ngo buhore iteka bwigaragariza muri mwe; ndahari ndaganje kandi ndi kumwe na Jambo we wabampaye kuko akomeje kugaragariza ububasha bwe muri mwe, bityo imirimo yacu ikomeye kandi ibikorwa byacu bihambaye bikaba bikomeje kwigaragariza iteka mu buzima bwanyu bwa buri munsi; mbambitse imbaraga n’urukundo rwanjye rero kandi mbasendereje ikibatsi cyanjye gitagatifu, kugira ngo gihore iteka kibatagatifuza kandi gihore iteka kibakomeza kandi gihore iteka kibambika imbaraga mu rukundo ndetse no mu bubasha bwacu; nifatikanyije namwe rero kuri uyu munsi kandi nifatikanyije namwe mu bikorwa by’urugamba dukomeje gukorana uko bwije n’uko bukeye, kugira ngo turusheho gutsinda kandi turusheho gucyaha umwanzi twivuye inyuma.
Nifatikanyije namwe muri byose kandi ndabashyigikiye mu njyana y’ibikorwa bya DATA muri mwe, turi kumwe mu buryo budasanzwe kandi tukaba turi kumwe mu mirimo ikomeye y’Uhoraho Imana; nifatikanyije namwe rero muri byose, nimukomere kuko mbakomeje kandi nkaba mbashyigikiye mu rukundo rwanjye n’urwa DATA, imbaraga zanjye rero nizikomeze kubasenderera kandi ububasha bwanjye bukomeze kwigaragariza mu mibiri yanyu kuko twaje guhindura byose kandi tukaba twaje guhindura bose mu rukundo rwacu rukomeye njye na DATA, imirimo yacu kandi ibikorwa byacu nibikomeze kubahindura bashya kandi nibikomeze kubatagatifuza uko bwije n’uko bukeye, kuko imbaraga zacu zikomeje gusenderera mu buzima bwanyu bwa buri munsi kandi ububasha bwacu bukaba bukomeje kwigaragariza mu buzima bw’Ikiremwa Muntu.
Dukomeje rero gushyigikira benshi mu rukundo rwacu ruhoraho kandi dukomeje gushyigikira benshi mu mbaraga zacu zidatsindwa kandi mu mbaraga zacu zidasanzwe, kuko urumuri rw’Uhoraho Imana rukomeje kumanukira mu mitima ya benshi, rutsemba kandi ruhigika ikibi cyose cy’umwanzi, bityo urumuri rwacu rukaba rukomeje gutuzwa aheza hatunganye kandi aheza hasukuye kuko tudaturana n’ikibi kandi tukaba tutabangikanywa n’icyitwa umwanda cyose; ni yo mpamvu dukomeje gutsemba kandi ni yo mpamvu dukomeje guhirika ikibi cy’umwanzi aho kiva kikagera, kugira ngo dutengamaze amayira y’Uhoraho muri Mwene Muntu, kuko araje vuba bidatinze, kandi aje kugaragaza imbaraga ze ndetse n’ububasha bwe mu buryo butavogerwa; ngaho rero abakomeje urugendo nimukomere kandi nimukomeze, kandi abakomeje kwikomanga bazinukwa kandi barushaho kwanga ikibi urunuka, nimukomeze umurego kandi nimukomeze umurava kuko nanjye kuri uyu munsi naje kubaburira kandi nkaba naje kubambura umwambaro-gisazirwa kandi umwambaro w’ubushwambagara wose nkaba naje gutesha agaciro kandi naba naje kuvuguruza ikibi cy’umwanzi muri Mwene Muntu.
Nifatikanyije namwe rero mu bikorwa bidasanzwe kuri uyu munsi kuko ndi muri mwe namwe mukaba muri njye, mu mbaraga zanjye zidatsindwa rero kandi mu bubasha bwanjye butavogerwa, nkomeje buri wese ukomeje kunsanga kandi nkomeje buri wese ukomeje kugendera mu rukundo rwanjye n’urwa DATA, kuko nsesekaje imbaraga ndetse n’ububasha ku bari hirya no hino, kugira ngo bashyigikirwe n’urukundo rwacu kandi bakomeze kuyoborwa n’urumuri rw’Uhoraho Imana, bityo mu buzima bwabo bwa buri munsi bahore bakira umukiro ndetse n’agakiza bikomoka muri DATA, bityo iteka ryose ibyo tubagabira bihore bibashyigikiye kandi bihore bibakomeje mu rugendo; nambitse imbaraga buri wese kandi nsendereje imbaraga ndetse n’ububasha buri Kiremwa cyose kiri hirya no hino, cyane cyane kuri abo bose bakomeje kwitegura guhindukirira Uhoraho Imana mu buzima bwabo bwa buri munsi; erega nkomeje kugendana namwe mu bikorwa byanyu bya buri munsi, kuko amasengesho yanyu nkomeje kuyabyaza inyungu ndetse n’umusaruro; ntimugacike intege rero kandi ntimugasubire inyuma mu kwemera ndetse no mu kwizera, kuko mpari kugira ngo nkomeze kubakomeza kandi nkomeze kubashishikaza muri buri kimwe cyose; ngaho nimwakire imbaraga zanjye zibafasha gutsinda kandi nimwakire ububasha bwanjye bubakomeza kandi bubavugurura mu buryo bw’ukwemera ndetse n’ukwizera, kandi nimwakire imbaraga zanjye zibafasha gukomeza kuba mu gushaka kwa DATA uko bikwiriye.
NDABASHYIGIKIYE RERO KANDI NDABAKOMEJE MU BIKORWA BY’URUGAMBA KURI UYU MUNSI, TURI KUMWE MU BIKORWA BIDASANZWE NDI MUTAGATIFU YOZEFU UBAKUNDA CYANE; AMAHORO AMAHORO, IBIHE BYIZA TURI KUMWE NDABAKUNDA, NDABASHYIGIKIYE KANDI NDABAKOMEJE MU BIKORWA BIDASANZWE BY’UHORAHO IMANA KURI UYU MUNSI, AMAHORO AMAHORO.