UBUTUMWA BWA MUTAGATIFU YOZEFU, TARIKI YA 06 GASHYANTARE 2025
Amahoro y’Imana abane namwe Ntore dukunda, ndabaramukije igitondo nk’iki ngiki ndi Mutagatifu Yozefu ubakunda cyane, nimugire ibihe byiza kugubwa neza kuri buri wese, turi kumwe mu rukundo rw’Uhoraho Imana, mbambitse imbaraga zanjye kandi mbahaye urukundo rwanjye mu buryo budasubirwaho, nimwishime munezerwe kuko turi kumwe mu mutsindo udasanzwe wa DATA kandi tukaba turi kumwe mu bikorwa bidasanzwe, cyane cyane kuri uyu munsi; naje rero kubana namwe kandi naje kugendana namwe mu buryo budasanzwe, nimukomere ku rugamba ndabakomeje kandi ndabashyigikiye muri byose; nimwambare intwaro z’urumuri kandi muzikindikize aho muri hose, bityo murase umwanzi kandi mumutsinde kandi mumutsiratsize burundu, kuko natwe twaje kwifatikanya namwe mu bikorwa byanyu kuri uyu munsi kugira ngo tubashishikaze kandi turusheho kubatera ubutwari kandi turusheho kubakindikiza intwaro zibafasha kujya ku rugamba uko bikwiriye; ngaho rero nimwakire kuko buri kimwe cyose nakibazaniye kandi nkaba naje kubafunguriramo byinshi bishya kandi byiza bibafasha gukomeza kwitegura cyane cyane kuri roho zanyu kugira ngo zikomeze guhora zitunganiye Uhoraho Imana.
Ubuzima bwanyu rero nimukomeze kubwubakira muri Uhoraho Imana kandi imikorere yanyu ikomeze gushingira muri Uhoraho Imana, oya ntihakagire ikibagamburuza kandi ntihakagire ikibasubiza inyuma mu kwemera, kuko mpari kugira ngo nkomeze kubatera ubutwari kandi nkomeze kubashishikaza muri buri kimwe cyose, ngaho nimwakire intwaro z’urumuri zibafasha kujya ku rugamba kandi nimwakire ububasha butavogerwa, bubafasha gutsinda muri buri kimwe cyose kandi bubafasha kwiyubaka kandi bubafasha kwivugurura muri byose, kuko nanjye naje kubavugurura kandi nkaba naje kububakira amateka akomeye cyane cyane muri ibi bihe; bityo rero nimukomeze kugaragara nkintwari ku rugamba, mwirinde kuba ibigwari kandi mwirinde icyabaca intege mu rugendo, ahubwo muharanire kwiyubaka kandi muharanire kubaka Isi ndetse n’abayituye, kuko muri mu bikorwa bidasanzwe mu Isi, bityo mukaba mwarashyizweho nk’abarinzi kandi mukaba mwarashyizweho nk’abasirikare b’Ijuru, kugira ngo mubere maso abatabasha kwibera maso kandi mubere maso abatabasha kwibera ku rugamba uko bikwiriye.
Ni igihe rero cyo kugaragaza imbaraga ndetse n’ububasha mufitiye Ingoma ya DATA, kandi ni igihe cyo kwitanga wese nta na kimwe musize inyuma, kugira ngo koko icyo mwazaniwe mu Isi gikomeze kugirira Isi umumaro kandi gikomeze kugirira Kiremwa Muntu umumaro, mu guhindura kandi mu guhindukiza bundi bushya Mwene Muntu, cyane cyane aho hose yagiye ararurirwa n’umwanzi, kugira ngo koko tumuhindure kandi duhindukize byose mu rukundo rw’Uhoraho Imana; ndabashyigikiye rero kandi ndabakomeje cyane cyane kuri uyu munsi kuko naje gukoranamo namwe byinshi, nimube maso rero kandi murusheho kwitegura kwakira imbaraga naje mbazaniye kandi ububasha naje kubuganiriza mu mibiri yanyu, kugira ngo buri wese abashe kwakira kandi ibyo yakiriye birusheho kumugirira umumaro.
Mbashyigikirishije rero imbaraga z’ububasha bwanjye n’ubwa DATA, nimukomere Ntore dukunda kandi nimukomeze urugendo kuko nanjye turi kumwe nkaba mbashyigikiye kandi nkaba nkomeje kubabumbira hamwe mu rukundo rw’Uhoraho Imana; nimukomeze rero kwifatikanya natwe mu gukiza Isi ndetse n’abayituye, kuko dukomeje kugendana mu njyana y’urugamba, tunoza kandi dushyira ku murongo buri kimwe cyose kigendanye n’ugushaka kwa DATA; ndabakunda rero kandi ndabashyigikiye, nimugire ibihe byiza, umunsi mwiza kandi igitondo gihire kuri buri wese, ndabaramukije mu rukundo rw’Uhoraho Imana, ndi Mutagatifu Yozefu, ngira nti “Nimukomere kandi mukomeze urugendo kuri buri wese turi kumwe ndamushyigikiye kandi ndamukomeje, nimwambare kandi muberwe kuko naje kubambika kandi nkaba naje kubashyigikira mu bikorwa byacu kandi mu bikorwa byanyu kuri uyu munsi”.
AMAHORO AMAHORO, MBIFURIJE UMUNSI MWIZA KANDI IGITONDO GIHIRE, NDABAKOMEJE KANDI NGABASHYIGIKIYE, NIMUGIRE IBIHE BYIZA TURI KUMWE TURATARAMANYE NDI MUTAGATIFU YOZEFU UBAKUNDA CYANE, AMAHORO AMAHORO, NTORE Z’IMANA DUKUNDA.