UBUTUMWA BWA MUTAGATIFU YOZEFU, TARIKI YA 15 UGUSHYINGO 2024
Mbakomejemo imbaraga zanjye Ntore za DATA kandi Biremwa by’Uhoraho Imana, mbasendereje urukundo rwanjye kandi mbasenderejemo imbaraga zanjye kugira ngo zihore iteka zigaragariza muri mwe kandi zihore iteka zisanzurira mu buzima bwanyu bwa buri munsi, kuko naje gutsindana namwe kandi nkaba naraje kurwanana namwe urugamba mu buryo budasubirwaho ndi Mutagatifu Yozefu; nimwakire urukundo rwanjye kandi nimwakire imbaraga zanjye zibafasha gukomera ndetse no gukataza mu rugendo rwanyu rwa buri munsi; mpimbajwe rero no kugendana namwe kuri uyu munsi mu bikorwa bidasanzwe kuko nururukije ububasha bukomeye burushaho kubarinda kandi burusheho kubacungira umutekano kugira ngo mukomere kandi murusheho gukataza mu bikorwa by’Uhoraho Imana; nimugire rero umunsi mwiza gukomera ndetse no gukataza kuri buri wese, turi kumwe ndabakunda, mbifurije umunsi mwiza kandi mbifurije kugubwa neza kuri buri wese, ibihe byiza Ntore za DATA dutaramanye, ndabakomeje kandi ndabashyigikiye muri byose, nimwakire umugisha wanjye rero ubavugurura kandi ubaha gutsinda Isi ndetse n’abayituye, kuko naje kuganza ikibi muri Mwene Muntu kandi nkaba naje kuganza ikibi cyose mu mitima ya benshi, kuko umwanzi akomeje kubigarurira mu buryo bukomeye, ariko kandi Ijuru ryose, abamalayika ndetse n’abatagatifu tukaba twaje kurwanana namwe urugamba kuri uyu munsi, kugira ngo koko tugeze benshi ku mutsindo ukomeye wa DATA; twifatikanyije namwe rero mu bikorwa byanyu kuri uyu munsi, turabayoboye kandi tubarangaje imbere mu rugendo rwanyu kandi ku rugamba rwanyu turahari, kugira ngo dukomeze kubakingira muri buri kimwe cyose kandi dukomeze kubarinda ari nako dukomeza kubacungira umutekano kuri buri kimwe cyose, nimwakire imbaraga zacu kandi nimwakire umutsindo wacu mu biganza kugira ngo ukomeze kubasha gutsinda buri kimwe cyose, nanjye ndahari ndaganje mu kubarwanyiriza umwanzi kandi mu kubegerezayo ibitero bibisha by’umwanzi byose aho biva bikagera kugira ngo mukomeze kwisanzurira mu rukundo rwa DATA.
Nifatikanyije namwe rero Ntore za DATA kandi ndi kumwe namwe mu buryo budasanzwe kuri uyu munsi, nimukomeze umurava wo gukora icyiza nanjye ndahari mu buryo bwo kubarinda ndetse no kubacungira umutekano, kugira ngo nkomeze kurwanirira buri wese kandi nkomeze kurwanirira roho z’abatuye iyi Si bose aho ziva zikagera; nifatikanyije n’Ikiremwa Muntu cyose aho kiva kikagera kuko mpaye buri wese gutsinda kandi nkaba mpaye buri wese imbaraga zo gukomeza kwigaranzura umwanzi; oya ntakabagireho ijambo kandi ntakabagireho ububasha, kuko ijambo ari irya Jambo muri mwe kandi ijambo akaba ari irya DATA muri mwe, niyo mpamvu rero nta kigomba kubahangara kandi nta kigomba kubabuza uburyo duhari, dukomeje rero kubarinda kandi dukomeje kubacungira umutekano, nimukomeze gusagamba mu byiza by’Ijuru kandi nimukomeze kugenda nk’abanyabwenge muri byose mwirinde kugenda nk’abanyabwoba kuko umwanzi yababona urwaho kandi akabinjirira bwangum bityo iteka muhorane ishyaka ndetse n’ubutwari mu murimo wa DATA, mugaragaza icyo muri cyo kandi mugaragaza ko muri Intore z’Ijuru muri byose, bityo muharanire guhora mutwaranira muri Uhoraho Imana kandi muhore mugendera mu nzira y’icyo yifuza muri mwe, natwe dukomeje kubatoza imigenzo myiza, kandi dukomeje kubatoza inzira nziza igana Imana; ngaho rero nimuyikatarizemo kandi murusheho kuyikomeramo, natwe turahari kugira ngo dukomeze kubasendereza imbaraga n’ububasha kandi turahari kugira ngo dukomeze kubasenderezaho umugisha wacu wa kibyeyi ubashyigikira kandi ubakomeza mu minsi mibi, bityo rero nimwakire buri kimwe cyose nabazaniye kuri uyu munsi kuko hari imbaraga mbahaye zibafasha gutsinda muri buri kimwe cyose kandi hakaba hari ububasha mbazaniye, kugira ngo bukomeze kubategura kandi bukomeze kubateguza amaza y’Uhoraho Imana mu buzima bwanyu.
Nimukomeze kuba maso kandi mukomeze kurushaho gusenga nta buryarya, mutunganire Imana kandi murusheho kwiyegurira Imana mu buzima bwanyu bwa buri munsi, bityo imitima yanyu muyigire intaho kandi imitima yanyu muyigire icumbi ry’icyiza nanjye ndahari kugira ngo nkomeze kubasesekazaho imbaraga n’ububasha nkomora kuri DATA, bikomeza kubarinda kandi bikomeza kubacungira umutekano; erega ndabarinze kandi ndabashyigikiye, kandi ndi rwagati yanyu mbacungira umutekano muri buri kimwe cyose nk’uko rero narinze Umwana Yezu namwe niko nkomeje kubarinda kandi niko nkomeje kubacungira umutekano; nimwumve ko turi kumwe ibihe ndetse n’ibihe kandi nimwakire urukundo rwanjye rutajorwa kuri uyu munsi, rubashyigikire kandi rubakomeze muri byose kuko nkomeje gutambagira Isi yose, nkomeza kwiyegereza intama zazimiye aho ziva zikagera, kugira ngo nzigarure mu rwuri rwa DATA mu buryo budasubirwaho; nimugire umunsi mwiza turi kumwe ndabakunda, ndabashyigikiye kandi mbambitse imbaraga n’ububasha bwanjye bibafasha gutsinda kandi mbambitse ubudahangarwa bwanjye kugira ngo bubafashe gukomeza guhangamura ibitero bibisha by’umwanzi, kuri uyu munsi rero naje kubafasha gutegura benshi mu Isi kandi naje kubafasha kurwanana urugamba hamwe namwe muri byose, nimukomere kandi nimwakire umugisha wanjye kugira ngo ubashyigikire kandi ubakomeze muri byose.
IBIHE BYIZA TURI KUMWE KANDI MBIFURIJE UMUNSI MWIZA NDI MUTAGATIFU YOZEFU UBAKUNDA CYANE; NIMUGIRE IBIHE BYIZA NTORE ZA DATA KANDI BANA BANJYE NSHYIGIKIYE; AMAHORO AMAHORO.