UBUTUMWA BWA MUTAGATIFU YOZEFU, Tariki ya 01 Kamena 2023
Mbifurije igitondo gihire ntore z’Imana bana banjye nkunda dutaramanye umunsi nk’uyu nguyu, mbifurije gukomeza kugubwa neza mu rukundo rw’Uhoraho ngira nti nimukataze kandi mukomeze kwambara imbaraga kuko turi kumwe mbashyigikiye mu bikorwa byanyu bya buri munsi kugira ngo urukundo rw’Imana rukomeze kwigaragaza mu buzima bwanyu kandi ibyiza by’Uhoraho bikomeze gusenderera mu mibereho yanyu ya buri munsi. Nimukomere kuko mukomejwe n’Uhoraho kandi mukomejwe n’Ijuru ryose nta kigomba kubahungabanya nta kigomba kubakangaranya ahubwo mugomba kwirundura wese mugakurikiza ugushaka k’Uhoraho mukirundura wese mukiyambura iby’Isi n’ab’Isi mukarangamira urukundo rw’Ijuru ryose kugira ngo ruture muri mwe kandi ruganze mu buzima bwanyu.
Ibi bihe ni ibihe bidasanzwe kuko turi gukora mu rugamba rudasanzwe kandi tukaba turi gukora ibikorwa bidasanzwe mu guhindura Mwene Muntu no kumuhindukiriza kugira ngo agaruke mu murongo kandi agaruke mu nzira agomba kugenderamo kuko turimo gutengeneza kandi turi gushyira mu myanya ingabo mu buryo bukomeye kugira ngo dukumire kandi twamagane ikibi cyose mu kiremwa muntu bityo urukundo rwa rwigaragaze mu Isi hose.
Twatwikirije Isi ikibatsi gitagatifu gitwika kandi gikongora ikibi cyose kiri mu Isi kugira ngo ubutabera bw’Imana isumba byose bukomeze kwigaragaza muri Mwene Muntu kuko ibi bihe ari ibihe bya nyuma bya Mwene Muntu byo guhindukirira yabikunda atabikunda kuko ububasha bw’Imana isumba byose buje gutsikamira byose kandi uburakari bwa bukaba bwamanukiye buri kiremwa cyose kiri mu Isi.
Hahirwa ukomeye kandi ukomeje urugendo kuko uburinzi buhari kuri buri wese kandi tukaba dukomeje kongerera imbaraga buri wese ukatarije mu cyiza kandi buri wese ukomeje mu nzira y’ubutungane kugira ngo arusheho gushyigikirwa no gutezwa intambwe. Nkaba ngira nti bana banjye nimukomere mu mazamu yanyu kandi mukomeze gucunga amazamu yanyu neza mwamagana umwanzi kandi muhinda ikibi icyo ari cyo cyose aho cyaturuka n’aho cyatera kivuye hose kugira ngo mucyamagane bityo urukundo rwa rukomeze kwigaragaza mu Isi hose kandi rukomeze kwigaragariza bose.
Ni igihe cyo komora imitima yakomeretse kandi ni igihe turi guhumuriza abababaye kugira ngo roho zose zererezwe mu rukundo rw’Imana kandi roho zose zererezwe mu butungane bw’Imana isumba byose kuko ubuziranenge bw’Uhoraho bukomeje gutwikira buri kiremwa cyose kiri mu Isi kugira ngo Mwene Muntu yongere yisangemo urukundo nyarwo rushyitse kandi rwuzuye kuko Mwene Muntu yakunze kugendera mu mwijima akunda ibimworoheye bityo umwanzi amuhuma amaso aho kugira ngo abone icyiza no kugira ngo abone urukundo rw’Imana isumba byose icyari urukundo agihindura urwango akigira amatiku n’ibindi byose bishamikiye ku mwanzi yazirikishije Mwene Muntu kuri ubu tukaba turi gucagagura byihuse kandi tukaba turi guhambura byihuse kugira ngo ububasha bwa bwigaragaze muri buri kiremwa cyose.
Turimo gucyura abana bacu bose kandi turimo kubarundarundira hamwe mu rukundo rwa kugira ngo buri wese aze mu rugo ruhire kuko buri wese ahafite umwanya kandi ahafite umugabane kandi ntawe uzajya mu mugabane w’undi buri wese azahagarara mu mwanya we kandi agahagarara mu izamu rye uko bikwiriye.
Nimukomeze rero kuko inkunga yanyu ari ingirakamaro kandi ubwitange bwanyu ari ingirakamaro kuko muramira benshi kandi mugatabara benshi nkaba ngira nti nimukomeze kugira ibihe byiza by’ibyishimo muri Uhoraho kandi mukomeze kunezererwa muri Uhoraho imitima yanyu ituze kandi itekane bityo urukundo rwa ruture muri mwe kandi rube muri mwe ubuzima bwanyu bwose.
Ntihakagire ikibatanya n’urukundo rw’Uhoraho iteka muhore mushimira kandi musingiza urukundo rw’Imana isumba byose kuko mwagiriwe amahirwe mugatorwa mu bandi bose mugashyirwa mu rukari rw’Uhoraho kugira ngo mukore ibikorwa bidasanzwe kuko namwe mudasanzwe kandi mwateguwe n’Uhoraho. Nta wuri aha ngaha ku bw’impanuka kuko mwese muhari ku mugambi w’Imana kuko Uhoraho yabateguye mbere y’igihe kugira ngo igihe nk’iki ngiki muzabe abahamya b’ijambo ry’Uhoraho. Nimukomeze rero kwishimira mu rukundo rwe kuko turi kumwe abatagatifu twese dutaramanye namwe ibihe byose kugira ngo mukomeze kwishima kandi mukomeze kunezerwa bityo mukore byinshi kuko igihe kigeze kugira ngo mukore ibitangaza mu Isi hose.
Ni igihe rero nyir’ijambo agiye gufata ijambo kandi nta wuzamucecekesha nta n’uzamuhagarika kuko yiyiziye mu bubasha bwa kugira ngo akumire kandi yigizeyo ikibi cyose kiri muri Mwene Muntu. Hagowe ugikomeje kubangama kandi ugikomeje kuba mu nzira kuko urumuri ruje kumuvana mu nzira mu buryo bwihuse kandi bukomeye buri wese agatsikamirwa n’imbaraga zo mu Ijuru kugira ngo ahinduke kandi ahindukirire kuko n’abo mubona bidegembya bagikomeje kugenda uko bashaka n’uko bumva isaha n’umunota nibigera buri wese azazanwa mu rugo rutagatifu.
Mbifurije gukomera no gukomeza urugendo turi kumwe kuko mbarinze kandi mbashyigikiye nkaba mbashyize mu mutima wanjye udahemuka ngo mwirinde guhemuka kandi mwirinde gutatira isezerano ry’Uhoraho mwirinde kohoka ku ngeso mbi no mu kibi ahubwo iteka muharanire ubutungane imitima yanyu guharanira isuku yayo kugira ngo ihore ikereye kwakira ibyiza by’Ijuru. Nimwirinde ikizinga icyo ari cyo cyose kandi mwirinde umukori uwo ari wo wose watuma muva mu rukundo rw’Imana kandi watuma muva mu myanya murimo. Buri wese afite icyo agomba gukora kandi buri wese afite icyo ahamagariwe uko bwije n’uko bukeye, nimwirinde uburangare kandi mwirinde ubujiji kuko mujijukiwe na byose kandi mwahishuriwe byose mu buryo bukomeye kugira ngo mumenye amabanga y’umwanzi kandi mumenye imitego y’umwanzi igihe ateye bityo mumwamagane kandi mumuhinde kuko mwagizwe ibyambu byambutsa benshi kandi mukagirwa ingobyi iheka benshi kugira ngo mubazane mu rukundo rw’Imana rw’Imana. Nimukomeze mujishe mukomeze kugira ngo mwegereze imbaga nyamwinshi mu rukundo rw’Imana kandi murembuze benshi mu rukundo rw’Imana kugira ngo baze babagana kuko muri ibigega bivomerera Isi yose kandi bivomerera amahanga yose nta wuteze kubakura mu myanya murimo kandi nta wuteze kubegezayo mu rukundo rw’Imana. Uzashaka kwiyegezayo na we ntibizamukundira kuko twamaze kubeguka wese ari yo mpamvu mugomba gutuza mukirekurira mu biganza by’Imana wese ntaho mukinze ntaho muzize nta n’aho musize imitima yanyu igahora inyotewe n’ibyiza by’Ijuru kandi igahora yagukiye kwakira ubukungu bw’Uhoraho kuko uko bwije n’uko bukeye hari byinshi tubasenderezamo kandi hari byinshi tubagabira mu buryo bukomeye kugira ngo mukomeze gutsikamira imbaraga zose z’umwanzi kandi mukomeze kujujubya ibitero byose by’umwanzi.
Mbifurije umunsi mwiza turi kumwe ndi Mutagatifu Yozefu nshyigikiye ibikorwa byanyu kandi nshyigikiye intambwe za buri umwe umwe muri mwe kugira ngo urukundo rwa rukomeze kwigaragaza mu mibereho yanyu no mu buzima bwanyu. Ntihakagire rero ikibakanga kandi ntihakagire ikibakangaranya kuko duhari twibereye ku izamu kandi turimo gucunga umutekano neza w’ubuzima bwanyu kugira ngo ibyiza bya byigaragaze muri mwe kandi byigaragaze mu mibereho yanyu ya buri munsi kuko tugiye kubashyira ku gasongero kugira ngo amahanga yose aze abagana. Nimumenye rero ko muri umusingi ukomeye kandi muri itara rikomeye bose bagomba kuza kugira ngo babaruhukireho kandi bose bagomba kubisangaho. Dukomeje kurundarunda no guhuza abatari kumenyana ku bw’urukundo rw’Imana kugira ngo abana b’Uhoraho bose bahurizwe hamwe mu ngoro ntagatifu.
AMAHORO, AMAHORO! IBIHE BYIZA KURI MWESE, NIMWISHIME MUNEZERWE KUKO TURI KUMWE KANDI MBASHYIGIKIYE MU RUGENDO RWANYU RWA BURI MUNSI. AMAHORO, AMAHORO! NDI MUTAGATIFU YOZEFU, AMAHORO, AMAHORO!