UBUTUMWA BWA BIKIRA MARIYA, TARIKI YA 07 NZERI 2024
Mbifurije umunsi mwiza bana banjye kandi Ntore z’Umusumbabyose, ndabakomeje kandi ndabashyigikiye mu bikorwa by’urugamba kuri uyu munsi, kuko nsendereje imbaraga ndetse n’ububasha buri wese, ngaho rero nimukomeze kwakira kandi nimukomeze gusenderezwa ibyiza by’agatangaza nabazaniye kuri uyu munsi; turi kumwe rero mu rugendo rwanyu kandi turi kumwe ku rugamba rwanyu rwa buri munsi, kuko mbashyigikiye kandi nkaba mbakomereje intambwe muri byose; ngaho nimukomeze kujya mbere mu rukundo rw’Uhoraho Imana, nanjye turi kumwe mu kurushaho kubasabanisha n’Ijuru ryose kandi turi kumwe mu kurushaho kubateza intambwe, ngaho nimukomeze kujya mbere mu kwemera ndetse no mu kwizera, nanjye turi kumwe kugira ngo nkomeze kubashishikariza buri kimwe cyose kandi nkomeze kubambutsa inyanja z’ibigeragezo muhuriramo nazo muri iyi Si; turi kumwe kugira ngo nkomeze kubarandata kandi nkomeze kubafata ikiganza, kuko hari intumbero nziza kandi nzima nifuza ko buri wese yakatariza kandi yageramo, bityo nkaba ntifuza ko hari uwasigara inyuma kandi nkaba ntifuza ko hari uwasubiza amaso inyuma ahubwo nimukomeze kujya mbere kandi mukomeze gukatariza aheza kandi hatunganye, kuko nkomeje guteganyiriza buri wese ibyiza by’agatangaza kandi nkaba nkomeje gutegurira buri wese ibyiza by’agatangaza mu buryo bukomeye kandi mu buryo butangaje.
Nifatikanyije na buri wese kandi ndi kumwe na buri wese ku rugamba rwe rwa buri munsi, kuko nkomeje kugendana namwe cyane cyane mu njyana y’ibikorwa byanjye n’ibya DATA, dukomeza gucyamurira benshi kuguma mu rukundo rw’Uhoraho Imana kandi dukomeza gutoza bose igikwiriye kandi igitunganye kugira ngo hatazagira n’umwe usigara inyuma y’umurongo w’ibikorwa bikomeye bya DATA, ni yo mpamvu nkomeje gukusanyiriza bose mu rukundo rwanjye rukomeye kandi mu rukundo rwanjye njye na DATA, kugira ngo barusheho guhazwa ibyiza by’agatangaza kandi barusheho gusenderezwa imbaraga ndetse n’ububasha bidukomokaho, bityo rero kuri uyu munsi dukomeje gutanga ingabire ndetse n’ingabirano z’amoko yose agiye atandukanye, zikomeza gufasha buri Kiremwa cyose kwitegura kandi zikomeza gufasha buri Kiremwa cyose kwakira umukiro ndetse n’agakiza k’Uhoraho Imana mu buzima bwacyo bwa buri munsi.
Ndi kumwe namwe rero mu gusakaza amahoro ndetse n’umutekano kandi ndi kumwe namwe mu gusakaza imirimo y’ibikorwa bya DATA aho biva bikagera, kuko turi mu mirimo ikomeye kandi tukaba turi mu bikorwa bihambaye, bityo rero akaba ari igihe cyo kubigeza kuri benshi mu buryo bugiye butandukanye, kandi akaba ari igihe cyo kubisabanisha n’abatuye Isi mu buryo bukomeye, kuko dukomeje kugenda tuvugurura kandi tukaba dukomeje kugenda tuvuguruza ikibi cyose muri Mwene Muntu aho kiva kikagera; ngaho rero nimukomere mu rugendo kandi mukomeze urugendo mwatangiye, nanjye turi kumwe kugira ngo nkomeze kubashyigikira kandi nkomeze kubakomeza mu rugendo rwanyu rwa buri munsi, kuko nkomeje kubamurikira kandi nkaba nkomeje kuba bugufi ya buri wese muri mwe, kugira ngo nkomeze kumwambika imbaraga z’ububasha bwanjye, kandi nkomeze gutsindagira intsinzi yanjye muri mwe kugira ngo aho muri hose ihore yigaragariza muri mwe iteka ryose.
Nimugire ibihe byiza rero turi kumwe ndabakunda, ndabakomeje kandi ndabashyigikiye mu bikorwa by’urugamba kuri uyu munsi, mpaye buri wese gusabana nanjye kandi mpaye buri wese gukomeza kugendera mu bikorwa byanjye n’ibya DATA, oya umwanzi ntakababuyeze kandi ntakabahuze ahubwo iteka ryose nimuhore muri maso, kandi muhore musenga mwakira imbaraga mugabirwa na DATA uko bwije n’uko bukeye, nanjye ndahari kugira ngo nkomeze kubambika imbaraga z’urukundo rwanjye kandi nkomeze kubashishikariza buri kimwe cyose kinyuze Imana Umushoborabyose mu buzima bwanyu bwa buri munsi, bityo mugikatarizemo kandi mukigenderemo aho muri hose.
Nimuhore rero mushishikazwa no gukora icyiza mu buzima bwanyu bwa buri munsi, bityo ikiri ikibi murusheho kugihungira kure nanjye ndahari kugira ngo nkomeze kubatoza ikiri icyiza kandi nkomeze kubambika imbaraga ndetse n’ububasha bubafasha gutsinda byose kandi bubafasha gutsinda Isi ndetse n’abayituye, kugira ngo ntihagire na kimwe kibagiraho ijambo; ni yo mpamvu rero nkomeje kubatiza imbaraga ndetse n’umurindi wo gutsinda ikibi cyose mu buzima bwanyu bwa buri munsi, kugira ngo koko murusheho gutera imbere mu kurushaho kwegukira urukundo rukomeye rwa DATA mu buzima bwanyu bwa buri munsi; ndabashyigikiye rero kandi ndabakomeje Ntore za DATA kandi bana banjye, mbakomereje intambwe kandi nkomeje kubateza intambwe, nimukomeze kujya mbere mu rukundo rwanjye n’urwa DATA, nanjye turi kumwe ndabashyigikiye kandi mbafashe ikiganza muri byose.
AMAHORO AMAHORO, MBIFURIJE UMUNSI MWIZA, GUKOMERA NDETSE NO GUKATAZA KURI BURI WESE TURI KUMWE NDABAKUNDA, NDI MARIYA NYINA W’IMANA, UMWAMIKAZI W’IJURU N’ISI, NIMUKOMERE KU RUGAMBA TURI KUMWE KANDI MBARANGAJE IMBERE MURI BYOSE, AMAHORO AMAHORO.