Mbifurije igitondo cyiza gukomera ndetse no gukataza kuri buri wese, turi kumwe ndabakunda ndabashyigikiye kandi ndabazirikana mu buzima bwanyu bwa buri munsi, kuko turi kumwe mu njyana ikomeye y’urugamba rw’ibikorwa bya DATA, bityo nkaba nkomeje kubasendereza imbaraga ndetse n’ububasha bukomeye kugira ngo mubashe kujya ku rugamba mwemye kandi mwemarariye umutsindo wanjye n’uwa DATA; ndabashyigikiye rero kandi ndabakomeje mu bikorwa by’urugamba kuri uyu munsi, kuko mpaye buri wese umutsindo wanjye kugira ngo ukomeze wigaragarize mu buzima bwa buri wese muri mwe; erega ndi rwagati yanyu mu bikorwa byo gukomeza kubashishikaza kandi mu bikorwa byo gukomeza kubambika imbaraga, ubutwari ndetse n’ubushobozi muri byose, kugira ngo mukomeze gutsinda ikibi ndetse n’igisa nacyo muri Mwene Muntu; nifatikanyije namwe muri byose kandi turi kumwe mu buryo budasanzwe, kuko ndi umutsindo muri mwe kandi nkaba nkomeje gutsindira rwagati yanyu mu buryo budasanzwe, kuko naje mu mbaraga zikomeye z’ububasha bwa DATA kugira ngo nkomeze kugaragaza imbaraga z’urukundo rwanjye muri mwe kuko naje mfitiye urukundo ndetse n’Ikiremwa Muntu cyose aho kiva kikagera, nkaba nkomeje kukirugaragariza ari nako nkomeza kurugaragariza Isi yose muri rusange.
Nkomeje rero gushyigikira ibikorwa byacu mu Isi hirya no hino muri rusange, kandi nkomeje gushyigikira benshi bari mu rugendo rugana Imana, kuko nkomeje gushishikaza kandi nkaba nkomeje kwambika imbaraga, nkaba nkomeje kwambika ubutwari abo bose bari mu nzira igana Imana kugira ngo barusheho kuyikomeramo kandi barusheho kuyikatarizamo, bityo rero nkaba mpaye buri wese guhimbarirwa mu bikorwa bya DATA kandi nkaba mpaye buri wese gutsinda kuko umutsindo wanjye uganje muri mwe kandi ukaba uganje mu batuye iyi Si bose; nimukomeze rero kujya mbere mu rukundo rwanjye n’urwa DATA, murashyigikiwe bana banjye kandi nshuti bavandimwe banjye dutaramanye, mbifurije umunsi mwiza, umunsi wo gukomera kandi umunsi wo gukataza, umunsi wo gutera intambwe mujya mbere kuko turi mu bikorwa bidasanzwe by’Uhoraho Imana; imbaraga zanjye rero nizibasenderere kandi ububasha bwanjye butavogerwa bukomeze kwigaragariza mu buzima bwanyu bwa buri munsi; nanjye ndaganje ndi muri mwe kugira ngo nkomeze kubasabanisha n’Ijuru ryose kandi nkomeze kubamenyesha buri kimwe cyose kigendanye no gushaka kwa DATA, kuko hari byinshi dukomeje kururukiriza muri mwe kandi hakaba hari ububasha bukomeye dukomeje kubaka mu mibiri yanyu uko bwije n’uko bukeye; dukomeje rero kwigaragaraza kandi dukomeje kubatsindira umubisha aho ava akagera, kuko ububasha bwacu buganje kandi bukaba bukomeje gutuzwa mu mibiri yanyu mu buryo budasubirwaho; nibukomeze rero kubashyigikira kandi nibukomeze kubakomeza kuko nanjye turi kumwe kugira ngo nkomeze kubambika imbaraga n’ububasha byanjye kandi nkomeze kubatsindira ikibi ndetse n’igisa nacyo mu buzima bwanyu bwa buri munsi.
Nta na kimwe rero kizabagiraho ijambo ndetse n’ububasha DATA atabyemeye kandi DATA atabishyize mu mugambi we, ni yo mpamvu rero nta kigomba kubatungura kuko duhari, kugira ngo dukomeze kubaburira kandi dukomeze kubagezaho amatangazo y’Ibyiza by’Ijuru; dukomeje rero kwigaragariza muri mwe kandi dukomeje kwigaragariza mu buzima bwanyu bwa buri munsi, nimukomere kuko mbakomeje kandi nkaba mbashyigikiye muri iyi mirimo idasanzwe naje gukorana namwe kandi naje kugendanamo namwe, bityo rero nkaba nkomeje kubambika imbaraga z’urukundo rwanjye kugira ngo murusheho gukataza muri buri kimwe cyose, nta kibagamburuje kandi nta kibasubije inyuma mu bikorwa mwatorewemo n’Uhoraho Imana; ndabashyigikiye rero kandi ndabakomeje mu bikorwa byanyu kuri uyu munsi, kuko nkomeje kumurikira intambwe z’ibirenge byanyu kandi nkaba nkomeje kubateza imbere muri byose, nimukomere murusheho kwambara imbaraga kuko naje kubasendereza kandi nkaba naje kubambika buri kimwe cyose, kugira ngo gihore cyigaragariza mu buzima bwanyu bwa buri munsi.
IBIHE BYIZA TURI KUMWE MBIFURIJE UMUNSI MWIZA, GUKOMERA NDETSE NO GUKATAZA KURI BURI WESE TURI KUMWE NDABAKUNDA, NDABASHYIGIKIYE KANDI NDABAZIRIKANA NTORE Z’UHORAHO IMANA, AMAHORO IBIHE BYIZA MBIFURIJE UMUNSI MWIZA KANDI UMUNSI WO GUKOMERA NDETSE NO GUKATAZA KURI BURI WESE, AMAHORO AMAHORO, NDI MALAYIKA RAFAYELI UBAKUNDA CYANE, AMAHORO AMAHORO.