UBUTUMWA BWA ROHO W’IMANA, TARIKI 30 NZERI 2023
Mbasakajeho amahoro yanjye na DATA ntore z’Imana dutaramanye kandi nshuti zanjye ndi kumwe nazo kugira ngo tugendane ku rugamba kandi tugendane mu njyana yo kubakomeza kubarinda ndetse no kubarengera kuko ndi muri mwebwe mbasesekazaho urumuri rwanjye kandi mbasesekazaho imbaraga zanjye zitavogerwa kugira ngo dukunkumure kandi dukure mu mayira ikiri umwanda kandi twigizeyo ikiri imbogamizi mu mugambi wa DATA, ndiyiziye kandi nje muri mwe kugira ngo ngaragaze ibikorwa byanjye by’agatangaza kandi ngaragaze intumwa nyakuri kuko nifatikanyije namwe mu bikorwa bidasanzwe kandi ndi kugenda hirya no hino mu Isi mu buryo bwo gufasha intore n’intumwa za DATA kugira ngo buri wese agendere mu gushaka kwacu kandi buri wese agendere mu rumuri rwacu kuko twaje kumurikira Isi yose mu buryo bukomeye kandi nkaba nje kuyobora intore n’intumwa zatowe kugira ngo buri wese ahagarare ku izamu kandi ahagarare ku cyiza ahagarare aho yahagaritswe ntihagire n’umwe ugira ubwoba kandi ntihagire n’umwe ugira ikimukanga kuko ndi kumwe namwe kandi nkaba mbahagarikiye ndi Roho wa Nyagasani, ndi kumwe namwe mu buryo budasanzwe kandi mbaragiye mu buryo bukomeye kugira ngo ntagira n’umwe ndumanza kandi hatagira n’umwe wicwa n’inzara kuko nje kubakungahaza kuri byose kugira ngo roho zanyu nzishishishe cyane cyane mu kwakira imbaraga zikomeye kugira ngo buri wese yambarire urugamba kuko twururukije imbaraga zikomeye kandi tukaba twururukije intwaro kugira ngo buri wese afate iye kandi imugenewe kugira ngo buri wese abashe gutambuka kandi buri wese agende yumva ko ibyangombwa byose abifite.
Ni igihe rero cyo kubategura mu buryo bukomeye kandi nkomezanyije urugendo kuri buri wese kuko mbafashe ikiganza mu buryo bwo kubaha imbaraga zibakomeza kandi mu buryo bwo gushyira ku mugaragaro buri kimwe cyose gituye muri buri wese kandi nkaba nje gucuncumura ikibi gituye muri Mwene Muntu kugira ngo buri wese witwikira mu byacu buri wese ubundikiwe n’ikibi kugira ngo nkubure nkure mu mayira kuko ikiri imbogamizi cyose nje gukuraho kandi ikiri imbogamizi mu nzira ya DATA nkaba nje gukuraho kuko twururutse mu buryo bukomeye kandi tukaba twamanutse mu bumwe bwacu kuko tudatandukana kandi tutabusanya ingendo kandi ntitubusanye ibikorwa, ibikorwa byacu twabyururukije mu buryo bukomeye kuko twabyururukirije mu bemera mu bari maso ndetse n’abakomeje gutegereza kuko nabayoboye mu rugendo rukomeye kandi nkabayobora mu nzira ikakaye kandi ikomeye ariko kandi iki gihe akaba ari igihe cyo gusohoreza amasezerano buri wese cyane cyane ku wanyakiriye ku wanyumvishe kandi akantega amatwi agaharanira ubutungane kandi agaharanira gushyira mu ngiro icyo musaba ndetse n’icyo mubwira kuko nta n’umwe wabasha kubumbura umunwa ntabimuhaye kandi nta n’umwe wabasha kugira icyo avuga ntamuhaye icyo kuvuga.
Nyoboye intumwa zose kandi nyoboye intore zose aho ziva zikagera cyane cyane abatumwe na DATA abo bose kuko mbarinda kandi nkabigaragarizamo nkabagaragarizamo imirimo ndetse n’ibitangaza iki gihe rero akaba ari igihe cyo gukoza isoni indyarya ndetse n’abakomeje kwiyitirira ibikorwa byacu abo bose biyoboye ndetse n’abo bose bihaye akazi tutabahaye akaba ari igihe cyo kubakura ku kazi kandi akaba ari igihe cyo kubasezerera kuko nyine bitumije bityo ntibabashe gukora igitunganye kandi ntibabashe gukora icyo twishimiye nk’ab’Ijuru, ndaje ndi muri mwe kandi ndaje gukorana namwe mu buryo bwihuse kandi mu buryo bw’umuvuduko kugira ngo ibikorwa byacu byihute kandi ibikorwa bya DATA burusheho kwigaragaza kuko naje nk’integuza muri mwebwe kandi nkaba nje kubamurikira kugira ngo hatagira na kimwe gikererwa kandi hatagira na kimwe kizarira kuko abanteze amatwi mbayobora neza kandi nkabageza mu butungane kandi nkabageza aho bo ubwabo baba bumva batagera kuko nyine ntambutsa buri wese kandi nkamutambutsa ahakomeye kandi iki gihe akaba ari igihe cyo gukuza ab’intamenyekana kandi akaba ari igihe cyo gucisha bugufi abo bose bumva ko bakomeye ariko kandi bakomereye mu kibi bakomereye ku mafuti bakomereye mu bitekerezo byabo n’ibyifuzo byabo akaba ari igihe cyo kubahanantura kandi akaba ari igihe cyo kubagaragariza ko ari bo bitumye batatumwe n’Uhoraho Imana, ntore ntumwa mwatowe nimukomere kandi mwakire imbaraga zikomeye mukomeze mwiringire Ijuru ryose kandi mukomeze mwiringire ibikorwa byanjye muri mwebwe kuko ntahwema kubigaragariza kandi ntahwema kugaragaza ko ndi kumwe namwe cyane cyane iyo ibyifuzo byanyu bije n’amarangamutima yanyu nkayakuraho ibibatera ubwoba kandi ibibatera imbogamizi ibibazo mugenda mwibaza ibyo mubona mwebwe ubwanyu mudashobora gusubiza kandi mudashobora kumva nkabibumvisha kandi nkabibasobanurira kuko naje kugira ngo nuzuze byose ku mugaragaro kandi nsobanure ibyo Kristu Nyagasani yasize adasobanuye kandi nje kubasobanurira mu buryo bw’agatangaza kugira ngo murusheho kumva kandi murusheho gusobanukirwa buri kimwe cyose, erega ndabayoboye kandi ndabarinze kugira ngo hatagira n’umwe uyoba amayira ariko nkaba nkomeje kuburira intore n’intumwa zatowe kugira ngo buri wese yirinde ikibi n’icyaha kandi buri wese yirinde amarangamutima ye buri wese yirinde ubwoba kuko Mwene Muntu iyo yagiye mu bwoba ajya mu byifuzo bye akajya mu bitekerezo bye akanyuranya n’ugushaka kwacu, uwo nguwo arayoba kandi akayobagurika bityo umwanzi akamwisasira akamwiyorosa, ni igihe rero cyo kwihara kandi ni igihe cyo guhagarara mwemye kugira ngo muhagarare ku ijambo rya Kristu Nyagasani kandi muhagarare ku ijambo ryacu nk’ab’Ijuru kuko iyo tubatuma tutitumiriza kandi iyo tubatuma dusohoza buri kimwe cyose kandi ntitubatenguhe, hari henshi rero twanyuranye namwe kandi hari henshi twabakoreye imirimo ndetse n’ibitangaza twabatambukije mu bikomeye no mu bikakaye mugatambuka, iryo zina rero ryabatambukije kandi ubwo bubasha bwabatambukije na n’iyi saha buracyabarangaje imbere kandi na n’iyi saha buracyabayoboye kuko butigeze buva muri mwebwe, Kristu Nyagasani rero araganje ari muri mwe kandi nanjye ndaganje ndi muri mwe kuko iteka n’iteka ngendana namwe ibikorwa byanyu nkabikosora kandi mu mimerere yanyu nkayikora neza kugira ngo buri wese abashe guhagarara kandi buri wese abashe kwishimirwa n’Ijuru ryose ariko kandi abampinda bakanyigizayo abo bose nabo simbura kubarinda kuko kuba Muntu atambuka ndetse no kuba Muntu ahumeka ni k’ubw’urukundo rwacu nk’ab’Ijuru, ariko Mwene Muntu ntabasha gusobanukirwa urwo rukundo ahubwo yumva ko ari we wiha uburenganzira kandi akumva ko ari we wiha ububasha akirengagiza Imana yamuremye kandi akirengagiza Ijuru ryamuhanze rikamushyira mu Isi kuko nta n’umwe wizanye kandi nta n’umwe waje ku bw’impanuka ahubwo buri wese yaje afite icyo agomba gukora mu Isi, ni igihe rero tuje guhembesha buri wese kuko twatanze ingabire n’ingabirano kandi tukagaba talenta kugira ngo buri wese ayicuruze neza abayakiriye rero nkaba narabafashije kandi na n’iyi saha nkaba nkibakomeje kuko ari jyewe ubayobora mu cyiza kandi akaba ari jyewe ubayobora mu nzira y’ubutungane nkabigisha icyo DATA yifuza muri mwebwe kandi nkabatoza icyo DATA yifuza ko mukora kandi ko muhindura mu Isi, nimukomere rero kandi mukataze ntore ntumwa zanjye kandi ntore ntumwa za DATA kuko ndi kumwe namwe mu buryo bw’uburinzi kandi nkaba ndi kumwe namwe mu buryo bwo kubakomeza ku rugamba kuko urugamba ndwibereyeho kandi iteka n’iteka icyo navuze nkagisohoza kandi icyo twavuze nk’ab’Ijuru kuko twunze ubumwe tudasobanya amagambo kandi icyo tuvuze iteka n’iteka tukakirwanirira, tukaba tuje rero kuzuza byose ku mugaragaro kandi tukaba tuje kubishyira ahabona.
Naje muri Mwene Muntu kandi nkomeje kugenderera Mwene Muntu kuko natuje ngaceceka nkagira ngo Mwene Muntu ahinduke kandi ahindukire cyane cyane arebe imigenzereze ye mibi yikomange abashe kureka ikibi cye kuko ntahwema gukomanga kandi ntahwema kuguma ku muryango wa buri wese w’umutima we kugira ngo mukomange mwereke iki na kiriya mwereke ikitagenda abanyumva bakanyumvira baranyinjiza bityo nkabakorera imirimo ndetse n’ibitangaza ariko abashaka kunangira imitima yabo bagakomeza bakayihindura urutare niyo mpamvu rero ako gasuzuguro ndetse n’ubwo bukozi bw’ibibi Mwene Muntu akomeje kugaragaza imbere yacu tuje kugakuraho kandi tukaba tuje gutandukanya ikibi n’icyiza kugira ngo icyiza kibashe kwigaragaza kandi n’ugifite abashe kwigaragaza bityo rero nkaba naje mu bikorwa bikomeye kandi nkaba nkomeje kuyobora intore n’intumwa twatoye kugira ngo hatagira n’umwe utsikira kandi hatagira n’umwe uyoba amayira.
Hariho benshi batantega amatwi bityo bagatega amatwi umwanzi babona ibyabo bitari kugenda neza bakiyitirira ko ari jye wakoranye nabo kugira ngo isoni n’ikimwaro kitabakora ariko kandi ibyacu birigaragaza kuko birangwamo amahoro n’ituze kandi bikarangwamo ibyishimo n’umunezero n’aho Isi yaza ikanyeganyeza abo twatumye n’abo twatoye ariko kandi bagaragara batsinze kandi bakarangiza batsinze kuko badatsindwa, nifatikanyije namwe rero mu bikorwa bikomeye kugira ngo namwe mukomeze mwakire urukundo nyampuhwe kandi mwakire umunezero uturutse mu Ijuru kuko tuje kuwubagaragarizamo kandi tukaba tuje kubafasha kugira ngo buri wese agane ku isezerano kandi buri wese agane ku musozo w’icyo tumwifuzaho kandi w’icyo tumushakaho, erega sinzigera mbatererana kandi sinzigera mbajya kure kuko mbagiye kure mwatsindwa kandi mbagiye kure mwayoba mukayobagurika mugacika intege mukagendera mu mwijima kuko aba atari kumwe nanjye nyine ntibakira urumuri kuko ndi urumuri kandi nkaba naraje muri mwe kugira ngo mbamurikire kandi mbereke igitunganye, erega nakwiriye hirya no hino mu biremwa byose kugira ngo buri wese anyakire kandi buri wese muturemo na we ambemo kugira ngo uwo ntuyemo ndetse n’uwo nyoboye atayoba amayira kandi atayobagurika atibaza icyo gukora kandi atibaza icyo kuvuga kuko mpari, ni igihe rero cyo guhumuriza intore n’intumwa kuko mpibereye cyane cyane abugarijwe n’ibigeragezo ndetse n’ibitotezo, nimuhumure kuko ijambo ari iryanjye kandi nimuhumure kuko kwisobanura ari ukwanjye kandi nkaba ntisobanura imbere y’ikiremwa ahubwo igihe cyose iyo ntambutse ndetse n’aho ngeze byose birahagarara kandi byose bigaceceka kuko ijambo ari iryanjye kandi iyo njya kwinjira sinsaba kalibu ku kiremwa muntu, nimwakire rero imbaraga no gukomera kandi mwakire ububasha bukomotse mu Ijuru kuko uyu munsi ari umunsi udasanzwe kandi ari umunsi tugiye gukorana namwe iby’urugamba kugira ngo twigizeyo ibikorwa byose by’umwanzi kandi tugaragaze ko Shitani yatsinzwe n’ingabo ze zayo zose kugira ngo ibikorwa byabo by’umwijima tubikure mu mayira kuko twaje kumurikira Isi yose kandi tukaba twifatikanyije namwe muri urwo rugamba kandi tukaba tubakomeje mu buryo bw’uburinzi icyo mbasaba rero ni uko mukomera kandi ni uko muba maso ni uko muntega amatwi cyane kugira ngo mwirinde amarangamutima mwirinde ibyaza mu matwi yanyu ahubwo mutuze muceceke kugira ngo mwitegereze ibikorwa byacu kandi mwitegereze imigambi yacu kuko twaje mu buryo budasanzwe kandi tukaba dutangiranye namwe urugendo rukomeye bikaba bibasaba rero kurekura byose kandi bikaba bibasaba kwihara ndetse no kwirinda ibyabayobya ndetse n’ibyo mwaha agaciro ariko kandi imbere yacu nta gaciro bifite mubashe kumenya icy’ingenzi ndetse n’icya ngombwa twifuza kandi tubifuzaho.
Mbifurije umunsi mwiza ntore z’Imana nshuti zanjye, amahoro y’Imana nasabe mu mitima yanyu ndabakunda kandi ndi kumwe namwe mu buryo budasanzwe kandi mbarangaje imbere kuko ibyo mukora byose mbikorana namwe kandi ibyo mukora byose mukabikorana n’Ijuru ryose kuko ari twe twabatoye kandi tubiyiziye, amahoro amahoro ibihe byiza ndabakunda kandi mbahoza ku mutima kuko ngendana namwe buri umwe umwe nkaba muzi kandi musobanukiwe ndetse n’ikimurimo cyose nkaba nkizi nkaba nje rero kugenza neza buri kimwe cyose ariko kandi kuko mbaha imbaraga ndetse n’uko mbakomeza akaba ariko nkomeza kugenda nkomeza buri wese uri mu Isi cyane cyane kugira ngo mwereke igitunganye ndetse n’ikidatunganye buri wese ahindure imigenzereze ye mibi kandi buri wese ahindure ingendo ye kugira ngo buri wese aharanire kugana ku butungane kuko nkunda umutima usukuye kandi nkakunda umutima wanga icyaha nkakunda umutima ukunda kandi wiyoroshya, abo bose rero bafite umutima ukunda kandi wiyoroshya nkagendana nabo nkakorana nabo kandi nkabigaragarizamo mu buryo budasanzwe kuko nyine batambera indyarya kuko ntakunda indyarya kandi ntakunda ababeshyi n’abanyakinyoma, abo bose rero tukaba tuje kubahirika abo bose barangwa no kujajanganya kandi barangwa n’imigenzereze mibi tukaba tuje kubakura mu mayira, ariko kandi tukaba dukomeje abemera n’abakatarije mu cyiza kugira ngo umwanzi atabatsikiza.
AMAHORO AMAHORO IBIHE BYIZA NDABAKUNDA CYANE NDI ROHO W’IMANA NDI KUMWE NAMWE KANDI MBARANGAJE IMBERE KU RUGAMBA KUGIRA NGO DUTSINDE KANDI TUGARAGAZE UMUTSINDO WACU MU ISI YOSE, AMAHORO AMAHORO!