UBUTUMWA BWA YEZU KRISTU BWO KU WA 23 GASHYANTARE 2026
Nimugire amahoro yanjye Ntore Biremwa byanjye na DATA dutaramanye, mbifurije umunsi mwiza, umunsi w’ibikorwa bidasanzwe, umunsi wo gushyigikira imirimo yanjye na DATA kandi umunsi wo gukwirakwiza umucyo n’urumuri mu Isi yose ; nimukomere kandi mukomeze guhagarara ku mazamu neza kuko nganje rwagati yanyu mu buryo bwo kubayoboreraho imiyoboro y’ibyiza kandi ububasha bwanjye nkomeje kubusakaza kuri buri wese. Ndabakomeje kandi mbabungabungiye umutekano iburyo b’ibumoso imbere n’inyuma, hose ndahari kuko mbakolotije urumuri rwanjye kandi mbasesekajeho ububasha bwanjye mu buryo budakumirwa, kuko mbabambiye ihema kandi nkaba nkomeje kubaba bugufi mu buzima bwanyu bwa buri munsi, kuko mfite byinshi nkomeje gukorana namwe muri uyu murimo kandi muri iri sengesho. Nimwakire imbaraga zanjye Roho Mutagatifu asenderere muri mwe kandi amurikire intambwe zanyu, kuko nabahurije hamwe ku bw’integuro n’umugambi wanjye utagamburuzwa ; ngaho rero nimukomere kandi mukomeze mukorere mu Ngoro Ntagatifu mugume ku gicaniro cyanjye na DATA, kuko nabafukuriye amasoko kugira ngo mvomerere Isi yose mu bwitange bwanyu, nimukorane rero umurimo wanyu umwete n’umuhate ndetse n’ubwira kuko nabatoye mbakunze kandi nkabiyegereza mu rukundo rukomeye kugira ngo mbuzuze ububasha bwa Roho Mutagatifu kandi mbasabanishe nanjye na DATA.
Ndi muri mwe ndaganje kandi nkomeje gukorana na buri wese imirimo ikomeye, n’ubwo hari byinshi mudasobanukirwa kandi mutabonesha amaso yanyu, ariko niteguye kubigaragaza mu buryo bw’imbonankubone kugira ngo mubone umusaruro w’umurimo wanyu kandi w’isengesho ryanyu kuko rigira umumaro kuri buri wese uri muri mwe kandi rigatambuka rikagera kure mu buryo bwo kurohora roho nyamwinshi. Muhetse Isi yose mu rukundo rwanjye n’urwa DATA kuko nabafunguriyemo imiyoboro y’ibyiza by’Ingoma y’Ijuru kandi ububasha bwanjye imbaraga zanjye zikaba zituye muri mwe ; nimukomere kandi mwitange mu buryo bwo kuramira ndetse no kubungabunga umutekano w’ubuzima bwa Kiremwa Muntu kandi kwambura umwanzi ijambo, kugira ngo imbaraga n’ububasha bwanjye busenderere busakare muri mwe ; erega nezezwa n’igihe muri hamwe ku bw’Ijambo ryanjye kandi muhujwe n’isengesho nk’iri, riramira kandi rirohora roho nyamwinshi bintera ibyishimo kandi bikantera umunezero, niyo mpamvu nkomeje kubana namwe kandi kubafungurira imiyoboro y’ibyiza kugira ngo mbambike kandi mbazamure mu ntera kuko ari igihe cyo kubambika amapeti kugira ngo ibikorwa byanyu bigaragare kandi ubwitange bwa buri wese bugaragare, kuko hari byinshi njyewe na DATA twiteguye gukora no kugaragaza muri mwe igihe cyagenwe kandi cyateguwe ; ngaho rero byose nimubikore mu rukundo uko mbyifuza kandi mbishaka, ariko mumenye icy’ingenzi kuruta ibindi ko ari ugusengana umutima ukeye kandi utunganye, kugira ngo mubashe kunezeza kandi kunshimisha bityo roho zanyu zibone urwunguko, ku bw’intera n’intambwe nifuza guteza buri wese.
Ndi rwagati muri mwe kandi mbabungabungiye umutekano ndabashyigikiye mu rugamba, kuko hari byinshi niteguye kunyeganyeza iburyo bwanyu ndetse imbere n’inyuma ndetse n’ibumoso kuko nje gukolotiza ububasha bwanjye kugira ngo umwanzi aho amenera ababuza amahoro n’amahwemo ahabure inzira kandi abure ijambo ; nkomeje rero kubaba bugufi kandi kubasigasira mu rugamba no mu nteguro y’uru rugendo kugira ngo byinshi mwazigamiwe kandi mwateguriwe mubigezweho mu buryo bwuzuye kandi bwihuse ; murakunzwe rero kandi murashyigikiwe kuko mwambaye ububasha bwanjye n’ubwa DATA kandi kuri uyu munsi ukaba ari umunsi wo kuvomerera Isi yose kandi wo guhundagaza umucyo n’urumuri mu Biremwa byose kugira ngo dutarure abatakaye kandi tugarure benshi ku isoko y’urukundo, impuhwe n’imbabazi. Ndabakunda kandi ndabashyigikiye Ntore Ntumwa zanjye na DATA, nimwakire gukomera kandi mwakire kugubwa neza, imbaraga z’ububasha butavogerwa kandi budakumirwa, kuko natanze byose ngira ngo mukire kandi nkababarira byose kugira ngo Kiremwa Muntu abone ubwingenge bukwiriye koko abana b’Imana ; ntabwo nzabatererana kandi ntabwo nzabasiga mu rugendo no mu rugamba, nkomeje kubaba bugufi kandi kubabungabungira umutekano aho muri hose kugira ngo mbuzurize isezerano, kandi mbagaragarize iby’urugendo rwanyu kuko ari urugendo mbayoboyemo kandi mbakomereje kugera ku ndunduro ; ngaho rero nimwakire ibyiza mbagabira kandi nabateguriye kuri uyu munsi, kuko mbasendereje imbaraga n’ububasha bwanjye mu buryo bwo kubakomeza kandi mu buryo bwo kwifatikanya namwe mu rugendo, kugira ngo dukomeze kugendana uko twabigennye kandi twabiteguye. Hari byinshi rero tumaze kugeraho kandi tumaze gukora, by’umwihariko rero kuri uyu munsi ububasha bwanjye n’ubwa DATA, tukaba dukomeje kububuganiza muri mwe kugira ngo namwe mubukwirakwize hirya no hino, kuko mwashyiriweho kwakira imbaga itabarika kandi kwitamba mu buryo bw’isengesho, mutakambira benshi kandi mutakambira Ibiremwa kugira ngo benshi babone impuhwe zanjye ndetse n’imbabazi zanjye ku bw’ubwitange bwanyu kandi ku bwo gutakamba kwanyu.
Mbifurije kugubwa neza gukomera no gukomeza kuba intwari mu rugendo no mu rugamba kuko mbashishikaje kandi mbakomeje mu bubasha bwanjye ndakumirwa butavogerwa, kugira ngo mukomeze kwakirana Ikibatsi cy’urukundo mu mitima yanyu, kuko mbifuzaho kuba intwari ndetse no gutsinda Isi n’ibyayo byose kugira ngo mwegukire umugambi w’ijuru mwimakaza amahoro n’urukundo mu bantu. Nimukomere rero kandi mwishimire mu rugamba mwahamagariwe kandi mwatorewe mwatoranyirijwe, kuko ndi rwagati muri mwe kandi mbabugabungiye umutekano uko bwije n’uko bukeye, kugira ngo mvugurure roho zanyu kandi mbambure umwanzi umubisha, kuko mbashyize mu burinzi bwanjye kandi nkomeje gukorana namwe urugendo ; mbifurije umunsi mwiza Ntore Ntumwa zanjye kandi mbasakajeho umugisha wanjye ubarinda kandi ubakomeza mu rugamba no mu mu rugendo turi kumwe, nimukomere kandi mukataze mube intwari mu rugendo, kuko mbabungabungiye umutekano kandi niteguye kugeza abemera bose ku mutsindo, turi kumwe ndabakunda cyane Ntore Ntumwa zanjye na DATA, nimubeho kandi mukomeze mwishimire mu nteguro yanjye n’iya DATA, kuko mbasesekajeho amahoro n’ibyishimo kandi mbahundagajeho umugisha wanjye, kugira ngo nshyigikire intambwe zanyu.
MBIFURIJE UMUNSI MWIZA, NDABAKUNDA CYANE NDI YEZU KRISTU W’I NAZARETI, AMAHORO AMAHORO !