UBUTUMWA BWA YEZU KRISTU, TARIKI 03 UKUBOZA 2023
Ntumwa za DATA, ntore zanjye kandi biremwa banjye nkunda nshigikiye kandi ndangaje imbere kuri uyu munsi mbasendereje umugisha wanjye mutagatifu kugira ngo ubakomeze kandi ukomeze ubahaze ibyiza byose mu rugendo rwanyu rwa buri munsi, kugira ngo nkomeze kubakwirakwizamo ibyiza byanjye kandi nkomeze kubasendereza imbaraga zanjye ntagatifu zikomeze kubatagatifuza kandi zikomeze kubahaza ibyiza byose mu rugendo rwanyu rwa buri munsi.
Ndabashyigikiye kandi mbarangaje imbere mu mbaraga zikomeye kandi mu bubasha bwanjye butagatifu, kugira ngo nkomeze gukumira ikibi cyose mu buzima bwanyu kandi nkomeze kubahaza ibyiza byose kugira ngo mukomere ku rugamba kandi mukomeze kwishimira ibyiza byanjye bikomeye mu buzima bwanyu bwa buri munsi; nkomeje kubagaragarizamo imirimo yanjye kandi nkomeje kubagaragarizamo ibyiza byanjye bikomeye, kugira ngo muhore mufite inyota y’ icyiza kandi mukomeze murangamire urukundo rwanjye rutagatifu, rukomeze rwigaragaze mu buzima bwanyu kandi rukomeze rubahaze ibyiza byose kugira ngo iteka ryose mwumve ko mbarangaje imbere kandi ko nyoboye urugendo rwanyu rwa buri munsi kandi ngatagatifuza intambwe zanyu kugira ngo mbahaze umukiro kandi mbahaze ibyishimo bisendereye kuri buri wese kugira ngo iteka ryose muhore mwishimira umurimo wanjye kandi muhore munejejwe no kwakira ububasha bwanjye na DATA muri iki gihe.
Ni igihe cy’ imirimo ikomeye kandi ni igihe cy’ imirimo itangaje mu Isi yose kuko turimo kugeza ku musozo w’ ibikorwa byacu bitagatifu, ngo dukomeze gutagatifuza Isi yose kandi dukomeze koko kurundura burundu umwanzi, kandi turusheho kumuhirika bwangu, twimakaze urukundo rutagatifu kandi twimakaze amahoro mu Isi yose, kugira ngo tugabe ubuzima nyabwo mu kiremwa kandi tugabe ibyiza byose byuzuye kuri Mwene Muntu, bityo tumuhaze umukiro mutagatifu kandi tumuhaze ibyiza by’ agatangaza tugomba gusendereza Isi yose kandi tugahaza buri kiremwa cyose muri iki gihe.
Nimukomere kandi muganze kuko mbashyigikiye kandi nkaba mbarangaje imbere mu mbaraga zikomeye, kugira ngo ijambo ryanjye ritagatfu rikomeze riture muri mwe, kandi umurimo wa DATA yabahamagariye kandi yabashinze, buri muntu wese awukorane ubwitange kandi awukorane ubutwari, bityo koko murusheho kumva ko ntuye mu buzima bwanyu kandi murusheho kumva ko tuganje muri mwe igihe cyose.
Ni igihe cyo kubagaragariza imbaraga zikomeye ndetse no kubagaragariza ububasha bw’ ijambo ryacu muri mwebwe, no kubagaragariza imirimo ikomeye kandi itangaje mu Isi yose, kuko dukomeje gukorana byinshi mu buryo bukomeye, ibigaragara ndetse n’ ibitagaragara kugira ngo dukomeze kubahaza ibyiza byose, kandi koko dukomeze kubatambutsa ahakomeye, tubagaragarizamo imirimo yacu buri munsi, kandi buri saha, buri segonda, kuko buri munota urimo kuza ifite imirimo yawo tugomba kuwukoraho, kandi buri gihe cyose kigomba kuba gitegura igikorwa cyacyo buri munsi.
Niyo mpamvu mugomba guhora muri maso kandi mugahora mwiteguye, kugira ngo turusheho kugendana ku rugamba kandi dukomezanye injyana y’ icyiza, bityo turusheho kugera ku musozo wo kugira ngo turangize imirimo yacu mu Isi na DATA kandi turangize byose, kuko DATA umugambi yateguye ugomba kugerwaho kandi ukuzuzwa kuri buri Kiremwa cyose.
Nimwagure imitima yanyu kandi mwagure ibyanyu byose kugira ngo ibyo DATA yahunitse mu buzima bwanyu, kugira ngo buri muntu wese koko afungurirwe amarembo, bityo ashyirwe mucyo akwiriye, kandi ahagarikwe koko aho DATA yamuteguriye muri iki gihe kugira ngo icyo buri muntu wese agomba kuvuga kandi icyo buri muntu wese agomba guhagararaho uko bikwiriye, agomba kumbera umuhamya kandi agahamya ijambo ryanjye na DATA mu Isi yose.
Nimukomere kuko mbakomeza buri munsi kandi nkabasendereza imbaraga zanjye, nkatura muri mwe kandi nkabigaragarizamo, kugira ngo ijambo ryanjye rikomeze kubatagatifuza kandi rikomeze kubahaza ibyiza byose, bityo icyo nshaka kuri buri wese kandi icyo DATA yaremeye buri wese akamushyira mu Isi kandi akamutagatifuza, akamuhaza imbaraga kandi akamuhaza ibyiza byose yifuza mu buzima bwe, akomeze kwakira uwo mukiro kandi akomeze kwakira ibyo byiza by’ agatangaza yamuteguriye kandi yamugeneye.
Nimuhore muri maso kandi muhore muteze ibiganza kugira ngo ibyo DATA yahunitse mu buzima bwanyu kandi bigomba koko kubera Isi yose urugero kandi bikaba intandaro yo kugira ngo benshi koko barusheho koko kwakira ibyiza by’ agatangaza, bose barusheho kuvomererwa urukundo rwa DATA kandi benshi barusheho kuvumererwa ibyiza byose by’ Ijuru rikomeza kugenda ribuganiza mu buzima bwanyu; nimukomere ku rugamba kuko ndimo kubageza ku ntsinzi, kandi ndi hafi kubagabira ibyishimo bisendereye kandi nkabagabira amahoro, bityo nkarushaho kugaba ibyiza byose kandi nkabasendereza urukundo rwanjye rutagatifu.
Ni igihe cyo kubinjiza ahakomeye kandi ni igihe cyo kubatambutsa aho mutagombye kwitambutsa, kandi nkabagaragarizamo imirimo itangaje kandi imirimo ikomeye, kuko ndimo kubageza ku musozo kugira ngo ndusheho kubageza ku ndunduro, kandi koko ndusheho kubereka aho mugomba kugarukiriza umurimo wanjye na DATA, kugira ngo iteka ryose muhore mugaragiye urukundo rwanjye, kandi buri muntu wese icyo yaharaniye mu Isi kandi icyo agomba kugenerwa uko bikwiriye koko akigenerwe kandi agire kugihabwa.
Nimukomeze injyana y’ icyiza kandi mukomeze kumva ko ndi muri mwe kandi ko mbarangaje imbere, bityo ububasha bwanjye butagatifu bukomeze gukwirakwira mu buzima bwanyu kandi bukomeze kubigaragarizamo; ndabakunda kandi ndabashyikigiye, ntumwa zanjye kandi biremwa bya DATA kugira ngo mukomere, kandi mukomeze muganze mu bubasha bwanjye butagatifu, nimukomeze gusobanukirwa n’ injyana nkomeza kubereka kandi n’ icyo nkomeza kubayohoraho umunsi ku wundi; nimuntegereze mu ibikorwa byanjye bitagatifu kandi murangamire imirimo yanjye na DATA muri iki gihe kugira ngo iteka ryose mujye muhora mwumva ko ubuzima bwanyu buri mu biganza byanjye kandi mujye mwumva ko mbarangaje imbere kandi ngomba gukorana namwe byinshi kandi bitangaje mu Isi yose, bityo nkabasendereza imbaraga zanjye kandi nkabasendereza urukundo rwanjye rutagatifu.
Nta n’ umwe twahamagariye uyu murimo dukina, kandi nta n’ umwe koko twahamagaye kugira ngo aze koko arebere kandi yumve ko atagomba kugendera kucyo dushaka kandi kucyo twifuza, kuko niyo mpamvu twabanje kubatoza kandi tukabigaragariza mu byiza byacu bitagatifu kugira ngo kuri buri saha buri muntu wese yumve ko agomba kurekura byose kandi yumve ko agomba kwitagatifuza ku buryo bwuzuye, bityo akazirikana ku ijambo ryanjye kandi akazirikana ku rukundo rwanjye rutagatifu, bityo buri wese akishimira umurimo wanjye kandi akakira urukundo rwanjye, kuko nabatoye kandi nkabatonesha, nkabagabira ibyiza byanjye kandi nkabagabira amahoro yanjye matagatifu.
Muri Intumwa nziza kuko mwizera kandi mukanyura DATA buri munsi ku bw’ imirimo mitagatifu akomeza kubagaragarizamo kandi akomeza kubasendereza; mwarahiriwe kuko mwagabiwe byose kandi mugasenderezwa urukundo rwuzuye; nimuhumure kuko mbahumurije, kandi mukomere kuko mbakomeje, kuko buri muntu wese muhaye kubaho kandi nkamuha ubuzima buzima, kugira ngo arusheho kuganza mu rukundo rwanjye kandi arusheho kuganza mu murimo wanjye mutagatifu.
Nzabashyitsa ku cyiza kandi nzabasendereza urukundo rwuzuye kandi rusendereye, kuko mwemeye kwitanga kandi koko mukemera kugaragira ijambo rya DATA kandi mukagaragira ijambo ryanjye mu Isi, kugira ngo iyi saha kandi uyu munsi imirimo mitagatifu murimo gukorera mu Isi yose mu buzima bwanyu, yose ibe irimo gukorwa kandi koko tube turimo gutagatifuza Isi yose; narabateguye ku buryo buhagije kandi mbagenera iyi nzira ko mugomba kuyinyuramo kandi ko mugomba kuyitambukamo gitwari, bityo mbategurira ibyangombwa byose mu rugendo kandi mbasendereza urukundo rwanjye ku buryo bwuzuye kugira ngo kuri iyi saha buri umuntu wese abe azirikana ibi byiza kandi buri muntu wese abe azirikana uyu mukiro mutagatifu namuhaye.
Mbabereye ku rugamba kandi mbarangaje imbere kugira ngo mbarwanirire kandi mbatsindire Isi ndetse n’ ibyayo byose, bityo ndusheho kubaha kunesha kandi koko ndusheho kubaha kugendera mu byiza byanjye; nimuhumure Isi narayitsinze, kandi Isi koko nayishyize munsi y’ ibirenge byanjye, kuko nta n’ umwe ugomba kubagiraho ububasha kandi nta na kimwe kigomba kubagiraho ububasha kuko nabagabiye imbaraga zanjye kandi nkabisendereza wese kugira ngo ibyanjye byose biture muri mwe, kandi ububasha bwanjye butagatifu bwose buture mu buzima bwanyu kugira ngo Isi itabagiraho ububasha kandi hatagira na kimwe koko kibasha guhungabanya ubuzima bwanyu mu Isi, ahubwo iteka ryose muhore muzirikana ko urukundo rwanjye nabashyizemo kandi ibyiza byose nababuganirijemo bikomeze koko gukangaranya Isi yose kandi koko bikaba Imirimo ikomeye mu Isi.
Nimukomere kuko ndi ku rugamba rwanyu kandi ko ndimo kubarwanirira ku buryo bukomeye kugira ngo mbatsindire kandi mbasendereze ibyiza byose mwifuza mu buzima bwanyu, bityo buri muntu wese muhaze umukiro kandi muhaze ibyishimo bisendereye, mbabereye ku rugamba kandi mbarangaje imbere ku buryo bukomeye, kugira ngo ndusheho gusobanura byose imbere yanyu, kandi ndusheho koko gucagagura ingoyi zose z’ umwanzi ndetse no gucagagura imitego yose y’ umwanzi, kugira ngo ndusheho kubatambutsa ahakomeye kandi mbatambutse mu byiza byose nabageneye kandi nabahaye.
Nimwiyubakemo ukwemera kandi koko murusheho kubaho mu rukundo rwanjye, bityo muzirikane ko imbaraga zanjye zigomba gutura muri mwe kandi zikabatagatifuza, bityo mugahora koko mwuzuye ukwemera gutagatifu kuko ariko kugomba kubatambutsa inzira zose kandi kukabahaza ibyiza byose mu buzima bwanyu, bityo mugatsinda ku rugamba kandi mukakira ibyiza byose. Nabashyizemo ijambo ryanjye ry’ ububasha kandi nabashyizemo ijambo ryanjye rirema kandi rikora byose, kugira ngo murusheho gutsinda Isi kandi muyigaragarize ko yatsinzwe, bityo ikiri mu Isi cyose ko mugifitiye uburenganzira, kandi mugifiteho ububasha bwo kugira ngo mukiyobore mu rukundo rwanjye, kandi buri cyose mugitagatifuze, ku bw’ urukundo rutagatifu nashyize mu biganza byanyu kandi kubw’ ibyiza byose nabahaye. Nimwishimire intambwe mbateza buri munsi kandi mwishimire intambwe nabateje kugera kuri uyu munsi kuko ngikomeje kugaragira ubuzima bwanyu kandi kuko ngikomeje kubaha ibyiza byose mwifuza, nkabereka inzira ibatagatifuza kandi nkabereka inzira ibanogeye kugira ngo muhore koko mufite inyota y’ icyiza kandi mukomeze mugaragire intebe y’ ijambo ryanjye na DATA, muri iki gihe.
Mbakomeresheje rero urukundo rwanjye kandi mbasendereje ibyiza byanjye ku buryo bukomeye, bityo muzirikane ko ndi imbere yanyu kandi muzirikane ko ngiye kubinjiza ahakomeye kandi nkabasendereza ibyiza byose, bityo tugendane nta bwoba kandi mutikanga, ahubwo mugende mushize ubwoba kandi mushize amanga, muzirikana ko imbaraga zanjye zituye muri mwe kandi ko ububasha bwanjye butagatifu bugomba kubigaragarizamo kandi bukabahaza ibyiza byose mwifuza mu rugendo rwanyu rwa buri munsi; ndabashyigikiye Ntumwa zanjye kandi biremwa bya DATA, nimukomere kuko mbakomeje kandi koko nkaba nkomeje kubatuza aheza kandi nkabarwanirira urugamba.
Nimufate inzira tugende kandi kuri buri wese kugira ngo mukomeze gusobanukirwa n’ urukundo rwanjye, kandi buri muntu wese koko arusheho kwimenya kandi arusheho kumenya inzira mutoza kandi mweretse, bityo mukomeze mushinge ibirindiro mu rukundo rwa DATA; nimwegurire byose mu biganza byanjye na DATA kugira ngo tubayobore kandi tubarangaze imbere, bityo dukomeze kubatoza icyiza, bityo dukuremo imitima yose inangiye kandi dukoremo imitima yose ikomeza kugenda itandukira ku rukundo rwanjye na DATA kandi igakomeza lugenda idashaka kwakira ibyiza byanjye.
Twamaze kugeza byose ku musozo kandi koko twamaze kugera ahatagatifu rwose. Kugira ngo nk’ uku nguku nkomeze kubatoza icyiza kandi nkomeze kubereka ibyiza byose, bityo benshi bacyumva ko bagomba kugenza uko babishaka kandi bacyumva ko bagomba kugendera mu nzira zabo uko babyumva, bose ni igihe cyo kubakura mu nzira kandi ni igihe cyo kubagaragariza imbaraga zacu ku buryo bukomeye kandi ku buryo butangaje, bityo tugahananura benshi bishyize hejuru kandi bakomeje kugendera ku mbaraga zabo muri iyi Si, bakumva ko ibiri ku Isi byose bagomba kubigenza uko babishaka kandi bakumva ko bagomba kwiyoborera uko bashaka mu Isi.
Muhumure mbabereye ku rugamba kandi ndi kubatagatifuza, kuko ndimo kubacira inzira ku buryo bukomeye, bityo mbaheshe ikuzo kandi buri muntu wese icyo namubwiye kandi icyo navuganye nawe, ijambo ryanjye ritagatifu ndiheshe agaciro kandi mu buzima bwanyu, kandi buri muntu wese koko azifuza kwakira ibyiza byose nabahaye, kandi benshi bazabagana kandi bakaza baciye bugufi kugira ngo koko barusheho kwakira ibyiza byose nashyize mu biganza byanyu kandi babonereho ko ijambo ryanjye ritagatifu koko rigomba kwigaragaza mu buzima bwanyu, kandi babone koko ko ibyo nababwiye kandi icyo nakoreye mu buzima bwanyu koko kigomba kuba agatangaza mu Isi yose.
Nimuhumure nganje muri mwe, kandi ndabayoboye kandi mbarangaje imbere ku buryo bukomeye kandi ku buryo budasubirwaho, nimurangwe n’ urukundo rwuzuye kandi murangwe n’ ibyiza byose, mukundane mu rukundo rwanjye rutagatifu, kandi buri muntu wese afashe mugenzi we, kandi buri muntu wese koko arusheho kwita kuri mugenzi we, kugira ngo unaniwe kandi uwacitse intege wese asindagizwe kandi asubizwe imbaraga bwangu, bityo akomeze intambwe y’ icyiza kandi akomeze koko mugeze ku musozi w’ icyiza namuteguriye, kandi w’ icyiza namugeneye.
Sinifuza ko hari uwatandukira ku rukundo rwanjye kandi sinifuza ko hari uwarambirwa imbaraga zanjye muri iki gihe, ahubwo iteka ryose munyemerere mbasindagize kandi koko nkomeze kubateza intambwe buri munsi, kuko intege nke zanyu nzizi kandi nkaba nzi aho buri muntu wese acikira intege kandi nkaba nzi aho ananirirwa, niyo mpamvu mbasabye ngo munyemerere mbakomeze kandi mbasendereze imbaraga zanjye, bityo zibaturemo kandi zibaganzemo, nkomeze kubahaza ibyiza byose kandi nkomeze kubasendereza urukundo rwanjye rutagatifu; ndabashyigikiye kandi mbarangaje imbere kuko mbaha imbaraga zanjye buri munsi, kandi Roho wanjye abayobore kandi abatagatifuze, bityo arusheho kubahunda imbaraga kandi abahunde ibyishimo, bityo mugire agasusuruko ku mitima yanyu kandi koko mugire ibyishimo bisendereye, kugira ngo mukomere ku rugamba kandi mukomeze mwakire ijambo ryanjye ritagatifu, rikomeze ribatagatifuze kandi rikomeze risagambe mu buzima bwanyu.
Mbifurije umunsi mwiza, nimukomere kandi muganze kuko mbashyigikiye kandi nkaba mbarangaje imbere, imbaraga zanjye zikomeze ziganze muri mwe kandi mukomeze mugaragire ibyiza byanjye bitagatifu nabahaye kandi nashyize mu buzima bwanyu; nimukomere kandi muganze, bityo umugisha wanjye mutagatifu ubakomeze kandi ubatagatifuze, bityo ubamurureho ibitero byose bya Nyakibi, kandi ubamurureho umuvumo wose w’ umwanzi, ahubwo iteka ryose mukomeze mwakire ububasha bwanjye butagatifu kugira ngo ibyanyu byose bihore bitagatifuje kandi imirimo mitagatifu dukorera mu buzima bwanyu kandi dukomeza gukorera muri mwebwe, ikomeze ibe itagatifuje kandi koko ikomeze igaragaze ibyiza byose bitagatifu.
Nakoranye namwe imirimo ikomeye kandi imirimo itangaje mu Isi yose kuko twakomeje kubohora roho z’ imbaga nyamwinshi, kandi koko dukomeza kwimakaza ibyiza byose bya DATA, cyane cyane ugushaka kwa DATA mu Isi kugira ngo imbaraga ze zigaragaze, bityo dukumira roho z’imbaga nyamwishi kandi dukumirira ibiremwa byose tubivuburiraho imbaraga zacu kandi tubisenderezaho imbaraga zacu ku buryo bukomeye kandi ku buryo budasubirwaho.
Mbifurije umunsi mwiza kuri buri wese, nimukomere kandi muganze, mbarangaje imbere kuko mbashyigikiye kandi nkaba mbakunda ku buryo bukomeye kandi ku buryo budasubirwaho, bityo imbaraga zanjye zikomeze kubigaragariza kandi zikomeze gutura mu buzima bwanyu bwa buri munsi.
Amahoro, amahoro, kuri buri wese, ndabakunda kandi ndabashyigikiye ntumwa zanjye kandi ntore za DATA, nimugubwe neza kuko nganje muri mwe, ndi umwami kandi mbayoboye, kugira ngo mbarangaze imbere, bityo imbaraga zanjye zikomeze kubigaragariza kandi nkomeze gusukura ibyanyu byose, bityo mbatagatifuze, urumuri rwanjye rutagatifu rukomeze rubacanirwe kandi rukomeze rubahaze ibyiza byose mwifuza mu buzima bwanyu.
AMAHORO, AMAHORO, NDI YEZU KRISTU W’ I NAZARETI, AMAHORO, AMAHORO!