UBUTUMWA BWA YEZU KRISTU, TARIKI YA 15 KAMENA 2024
Mbifurije ibihe bihire ntumwa zanjye ntore zanjye ndabakomeje kandi ndabashyigikiye, kuko turi kumwe ndabakomeje kandi mbari hafi, iteka n’iteka ndabakomeza kandi nkabashyigikira, kuko mbahundagazaho umugisha wanjye kandi nkabasenderezamo ububasha bwanjye, ndabakomeza kandi mbashyigikira ubutitsa, ubudahwema, kuko ntazabarekurira mu maboko y’umubisha, umwanzi ubahiga umunsi ku wundi ndamutsinda kandi ndamuhangara nkamuhangamura kuko ngomba kubagabira byose mu rukundo rwanjye kandi ngomba kubasenderezamo ububasha bwanjye kugira ngo murusheho guhorana umwete n’ishyaka ku murimo kandi mubashe guhorana urukundo n’urugwiro, nimwuzure ibyishimo kandi mugire imbaraga n’ubutwari turi kumwe, ndabakomeje kandi mbarangaje imbere mu rugendo.
Ntore zanjye sinitandukanya namwe kuko nkomeje kubakomeza no kubashyigikira, mbaramburiye amaboko kandi mbaramburiyeho ibiganza nimukomere, nimugubwe neza kandi muharanire kubaho mu gushaka kw’Imana, nanjye turi kumwe ndabakomeje kandi ndabashyigikiye, kuko mbabwira nti “Nimuze muhabwe byose kandi musenderezwe urukundo rwanjye, mubonere byose mu rukundo rwanjye kandi murusheho kumenya ineza yanjye, ibyiza byanjye bidashira mukomeze kubyakira kandi mukomeze kubona urukundo rwanjye kuko turi kumwe mu kubakomeza no kubashyigikira, mbahembuza ijambo ryanjye kandi mbashyigikirira mu kuri k’urukundo rwanjye kugira ngo murusheho kumenya kandi murusheho gusobanukirwa n’Ijambo ryanjye ry’indakurwa muri mwe”; nimukomeze kwakira kandi mukomeze gukomerera mu rukundo rwanjye turi kumwe, ndabakomeje kandi mbakomejemo ubutwari kandi mbasenderejemo ibyiza byanjye ntore ntumwa zanjye, bana banjye nkunda mparanira umunsi ku wundi kubakomeza no kubashyigikira, nkababwira nti “Nimuze munsange mbakomeze kandi mbashyigikire”.
Nimugire ubuzima kandi mugirire ubugingo muri Jye, kuko iteka n’iteka ndabakomeza kandi nkabashyigikira, oya ntabwo nitandukanya namwe kuko sinzigera nitandukanya namwe, ni Jyewe wabihamagariye kandi ni Jye wabahaye umugisha wanjye, ni Jye wabahaye ububasha, ni Jye wabahaye Ijambo mu bikorwa mukora kandi ni Jye ubagabira umugisha, ni yo mpamvu mbambika imbaraga umunsi ku wundi, kugira ngo umubisha nashaka kubahangara kandi nashaka kubavogera ababuremo urwaho kandi abure icyo abakuraho, kuko ngomba kubakomeza kandi nkabashyigikira, Sekibi yifuza kubatatanya, yifuza kubahangara ngo abahangamure kuko atishimira ibyo nkorana namwe, atishimira urugendo ngendanamo namwe, aharanira iteka kubavutsa amahirwe n’ibyishimo, aharanira kubambura urukundo nabambitse, aharanira kubambika ubusa kandi narabambitse, aharanira ko ikirezi nabambitse giteshwa agaciro, ariko nimukomere mukomeze urugendo mugubwe neza turi kumwe, ndabashyigikiye kandi mbarangaje imbere turi kumwe bana banjye; nimugire amahoro, ubuzima n’ubugingo turi kumwe, iteka n’iteka turi kumwe ndabakomeza kandi nkabashyigikira.
Nimwakire rero gukomera kandi mwakire kugubwa neza, mwakire gusenderezwa ibyiza byanjye, nimurusheho kuba indashyikirwa kandi murusheho kuba intwari ku rugamba, mukomere mukomeze umurava n’umurego w’icyiza turi kumwe, nanjye nkomeje gukomeza intambwe za buri wese kandi nkomeje guharanira gushyigikira buri wese kugira ngo mbazamure mu ntera kandi mbakomezemo urukundo rwanjye; nimugire ubutwari kandi mugire ubuzima muri Jye, musenderezwe imbaraga zanjye kandi muhabwe ibyiza by’agatangaza turi umwe ndabareberera; nimube indashyikirwa kandi mube abantu bakomereye muri Jye, kuko umunsi ku wundi mbikomereza kandi nkabishyigikira; oya ntimukemere umwanzi abavogera abahangara kuko nabakomeje nkabaha Ijambo ryanjye nkarishyira muri mwebwe, Ijambo nabibye muri mwe nirikomeze ribyare imbuto nyinshi kandi ribe Ijambo ribakomeza ribashyigikira umunsi ku wundi turi kumwe, mbahaye umugisha wanjye kandi mbasenderejemo urukundo rwanjye; igihe nk’iki nimukomere, igihe nk’iki ngiki nimugubwe neza, bana banjye ndabareberera kandi nkomeje ubutwari n’imbaraga kuri buri wese, ntimugatsikire kandi ntimugatsitare, nimukomerere mu rukundo rwanjye, mwambare imbaraga zanjye, mugabirwe umugisha wanjye, mubonere byose mu rukundo rwanjye, kuko ngomba gukomeza buri wese kandi nkabashyigikira, nabahagije urukundo rwanjye mbakomeza ubutaretsa, nzakomeza mbakomeze kandi nzakomeza mbashyigikire kuko mbarangaje imbere mu bikorwa byinshi bigiye bitandukanye, kugira ngo mbagabire urukundo rwanjye kandi nkomeze kubasenderezamo ibyiza byanjye.
Nimugire ubuzima n’ubugingo muri Jye turi kumwe ndabakunda, mbahaye umugisha kandi umugisha nabahaye nzakomeza kuwubaha, urukundo nabambitse nzakomeza kurubambika ndubasenderezemo, kuko iyo natanze sinisubiza icyo natanze, ntabwo ndi umuntu ngo mpinduke, Mwene Muntu arahinduka kandi Mwene Muntu ashobora kubeshya simbeshya, Mwene Muntu ashobora kubeshywa simbeshywa, icyo natanze ndakizi kandi icyo mba natanze nkakimenya, ari yo mpamvu umunsi ku wundi uwo nagabiye nkomeza kumukomereza icyo namugabiye kandi uwo nahaye sinisubiza ibyo namuhaye ngo mbe nabimwambura, kuko umunsi ku wundi nkomeza kugaragaza ubutabera kandi nkagaragaza ukuri kwanjye kandi ukuri kwanjye kugaragara gutsinze muri bose, mu bo nihamagarira, mu bo nkomeza, mu bo nshyigikiye, mu bo mbereye maso kandi mu bo mbereye ku rugamba nkakomeza kubakomezamo umwete n’umurava, kugira ngo Mwene Muntu akomeze guharanira ishyaka ry’icyiza, bityo abacibwa intege n’umubisha bakomeze kugenda bakatariza icyiza, kugira ngo abadandabirana ku bw’impamvu z’umubisha bakomere kandi bakomeze umurava n’umurego w’icyiza.
Mbahaye umugisha wanjye nimukomere, nimukomeze urugendo mugubwe neza ntore ntumwa zanjye, bana banjye nahamagaye kugira ngo mubeho mu rukundo rwanjye, murangamire uruhanga rwanjye n’urwa DATA, kuko umunsi ku wundi abariho mu gushaka kwacu turabakomeza kandi tukabashyigikira, nibyo koko umubisha yifuza kubahangara kandi umubisha ntaba aboroheye kuko umubisha ntabwo aba yishimiye yuko hari abaza ngo bansange, kuko umunsi ku wundi umubisha aba ashaka ko yahangamura abashaka kuza bansanga kugira ngo mbakomezemo ubutwari n’ukwemera kandi mbashyigikirire mu buntu bwanjye na DATA, ariko umubisha agashaka kubavutsa amahirwe n’ibyishimo; kubera yuko aba atishimiye rero ibyo byiza, umunsi ku wundi nkomeza kubarwanirira kandi nkabarwanira ishyaka ubutitsa ubutaretsa, kugira ngo mukomeze kubonera byose mu rukundo rwanjye.
Nimugire imbaraga kandi mugire umwete, ishyaka ndetse n’ubutwari ku murimo ntimucogore kandi ntimucike intege muri mwe, ndabashyigikiye ntore ntumwa zanjye, bana banjye nkunda mpamagariye kubaho mu rukundo rwanjye, kuko ndi Jambo muri mwe kandi nkaba ndi Jambo wigize umuntu, nururukiye gucungura Kiremwa Muntu, kumutabara, kumurokora no kumurengera, kugira ngo nkomeze kugaragaza imbaraga zanjye kandi nkomeze gusendereza bose urukundo rwanjye; nimugire imbaraga ubutwari kandi mukomeze kwambara imbaraga turi kumwe, mbarangaje imbere kandi ndabashyigikiye, nimugire ibihe byiza kandi mwakire kugubwa neza, ndabakunda ntumwa zanjye, ndabakunda ntore zanjye, bwoko bwanjye na DATA, ndi Yezu Kristu w’i Nazareti, Umwami w’Abami; ndi umushumba ubaragiye kandi mbaragiye mu rwuri rutoshye, nimukomere mukomeze urugendo mugubwe neza, nkomeje kubahamagarira kubaho mu bikari byanjye na DATA kandi nkomeje kubahamagarira kuba iruhande rwanjye iminsi yose ntore ntumwa zanjye, bana banjye nikundira nahamagaye kandi nkomeje kubahamagarira kubaho mu gushaka kwanjye na DATA.
Amahoro amahoro, ibihe byiza nimukomere mugubwe neza ndabakunda, mbahaye umugisha wanjye nubabemo, ubakomeze kandi ubasendere mu buzima bwanyu bwa buri munsi turi kumwe, ndabakunda ntore zanjye ntumwa zanjye; mbaragije rero Umubyeyi wanjye Mutagatifu kugira ngo akomeze kuborosa igishura igishura cye, ijoro rihire kuri buri wese, Umubyeyi wanjye nabamenyere kandi abandebere bana banjye, abamenyere byose kandi abategurire buri kimwe cyose turi kumwe, ndabakomeje kandi ndabashyigikiye, mbasenderejemo urukundo rwanjye rukomeye, nirube muri buri wese kandi rukomeze buri wese turi kumwe ndabakunda.
IBIHE BYIZA NDABAKUNDA, NTORE NTUMWA ZANJYE BANA BANJYE NKUNDA, UMUGISHA KURI BURI WESE, AMAHORO AMAHORO, NDI UMUSHUMBA UBARAGIYE NDI YEZU KRISTU W’I NAZARETI, UMWAMI W’ABAMI, AMAHORO AMAHORO.