UBUTUMWA BWA YEZU KRISTU BWO KU WA 24 UGUSHYINGO 2025
Nimugire amahoro Ntore Ntumwa zanjye na DATA dushyigikiye kandi turi bugufi, kuko tuganje mu buzima bwanyu kandi tukaba tuganje rwagati muri mwe ibihe byose ; twabahurije hamwe rero ku bw’umugambi wacu kandi ku bw’integuro yacu kandi dukomeje kubitaho no kubavomerera mu buryo bwuzuye, imbaraga n’ububasha bwanjye n’ubwa DATA mukaba mubukindikije kuko dukomeje kubitaho kandi kubasesuraho umucyo n’urumuri rwacu kugira ngo tubavomerere, tubahaze imbaraga n’ububasha bwacu bubafasha gukomera mu rugendo ndetse bubafasha kurwana urugamba inkundura ; ndahari rero ndaganje ndi rwagati muri mwe kuri uyu munsi mu buryo bwo kubashyigikira kandi mu buryo bwo kubayobora no kubazamura mu ntera kugira ngo mbakungahaze ibyiza by’Ingoma y’Ijuru, kandi nkomeze integuro yanjye muri mwe kuko icy’ingenzi kandi icy’ingirakamaro kuri roho zanyu ari cyo dushyize imbere mu bihe nk’ibi ; nkomeje rero kubitaho kandi kubamenyera igikwiye kugira ngo bibafashe gusabana nanjye mu buryo bwuzuye kandi mu buryo bwuzuye bwo kubasabanisha na DATA, mwarahiriwe rero kandi ibikorwa byanjye biri muri mwe kuko dukomezanyije injyana yo kubahishurira kandi yo kubagaragariza imirimo n’ibitangaza ; erega narabizigamiye kandi nabazigamiye ibyiza, nimubisenderere kandi bisakare mu mitima yanyu, kuko nkomeje kubibagwiriza kandi kubitaho no kubavomerera mu buryo bwuzuye, kugira ngo icyo nshaka kandi icyo nifuza gikorwe muri mwe nk’uko DATA abyifuza kandi abishaka.
Dufite rero byinshi twabateguriye kandi dukomeje kubategurira kugera kuri uyu munsi, kuko hari byinshi dukorera muri mwe kandi dukomeje kubategurira kugira ngo dusohoze umugambi wacu kandi tugaragaze ikuzo n’ububasha bwacu muri mwe ; nimutege ibiganza rero mwakire kuko iki gihe ari igihe cyo gushimangira imbaraga n’ububasha bukomeye muri mwe kuko muri Intore nizigamiye kandi natoye natoranyije ngomba kugaragarizamo ikuzo n’ububasha bwanjye mu buryo budasanzwe ; nimuharanire rero kugira umutima utekanye kandi usukuye utunganye, kuko icyo nifuza kandi DATA yifuza ari uko mwahora mukeye kandi mwambaye ubutungane, mwuzuye urukundo kandi musesuweho ububasha bwanjye ; ni igihe rero cyo kubambika kuko iki gihe ari igihe cyo gushyira abacu ku murongo kandi kubagura mu bikorwa by’Ijuru kugira ngo tubabibemo imbuto y’amahoro, urukundo n’ibyishimo, maze imbuto isugire isagambe ikwire ku Isi hose kuko twaje kurandura urumamfu mu ngano kandi gukura urukungu mu masaka kugira ngo imbuto nziza tuyishyigikire bityo tugaragaze imirimo n’ibitangaza mu bikorwa byacu kandi mu bacu.
Ni igihe dukomeje gusabana n’abacu mu buryo bwimbitse kandi kubagaragarizamo ikuzo n’ububasha mu buryo budasanzwe, nimwakire rero imbaraga zibafasha gukomeza gutera intambwe mungana aho ndi kandi murangamira DATA, kuko ari igihe cyo kubagwiriza imbaraga n’ububasha mu buryo budasanzwe ; ni igihe rero cy’imyiteguro mu buryo bwimbitse kugira ngo muharanire kuba maso kandi muke, muzurizwe imbaraga z’ububasha bwanjye, kuko roho wanjye namubahaye kugira ngo atambagire abavugurure kandi abigishe igitunganye bityo abafashe kungana no kunsanga ; ndi kumwe namwe Ntore Biremwa byanjye, nimukomere kandi mwizihirwe muberwe no kunyura umutima wanjye kandi no kuwunezeza kuko ibihe nk’ibi ari ibihe byo gukomeza gutegura abanjye mu buryo bwuzuye mu buryo budasanzwe.
Impuhwe zanjye na DATA nzisendereza ku bari mu Isi kugira ngo abazakira kandi abatakambira DATA bazironke kandi bahabwe impuhwe n’imbabazi kuko ari igihe cyo gusiba ibyasha byose kandi kuhagira no gusukura abari mu Isi bose kugira ngo bamenye urukundo nabakunze kandi mbahuze na DATA mu buryo bwuzuye kuko uko nitangiye Kiremwa Muntu n’iyi saha nkomeje kumwitaho kandi kumumenyera igikwiye kandi icy’ingenzi ; ngaho rero nimugire umugisha muri jyewe no muri DATA, kuko tudahwema kuwubahundagazaho uko bwije n’uko bukeye kandi tubitayeho tuzi icy’ingenzi n’icy’ingirakamaro ; nimugurumane rero ikibatsi cy’urukundo mu mitima yanyu kandi muhorane inyota y’ibyiza by’Ingoma y’Ijuru, ntimukabihage ntimukabiharurukwe ahubwo iteka ryose ibyo tubagejejeho ndetse n’ijambo tubabwiye mujye muhora mubona ari bishya kugira ngo muhore iteka munyurwa ndetse muharanira gutega amatwi ijwi ryanjye n’irya DATA.
Ndabakunda Ntore nkoramutima zanjye kandi ndabizi urugamba murwana kandi nkomeje kubongerera imbaraga muri urwo rugamba kugira ngo mugere ku mutsindo, ni igihe rero cyo kubakomeza kuko ndambuye ikiganza cyanze cy’ububasha kugira ngo mbakomeze kandi mbashyigikire, mbabungabungire umutekano kuko ibibahiga n’ibibarwanya ari byinshi, ariko nkaba nifuza ko mugomba gutahukana uwo mutsindo kabone n’ubwo urugamba rwaba ruremereye uko rwaba ruri kose, kuko nifuza ko abamenye kandi abagotse abarushye bagomba gutahukana umutsindo bagahabwa ibihembo baruhiye kandi bagokeye, iki gihe rero akaba ari igihe cyo gukomeza kubasabanisha n’Ijuru kandi gusabana namwe muri ubu buryo kugira ngo mbakomeze kandi mbambike imbaraga zibafasha nyine kugera ku mutsindo wanjye n’uwa DATA ; ndabakomeje rero ndabamurikiye muri byose, unkomeyeho ndamukomeje kandi buri wese mu bwitange n’ishyaka ahorana mu mutima we, nkomeje intambwe ya buri wese mu bikorwa bidasanzwe bibahuriza hamwe mu buryo bw’isengesho kugira ngo isengesho ryanyu rigoboke benshi kandi ribohore benshi ku ngoyi y’ikibi, ari nako namwe ribatumbagiza mu bushorishori muri kuzamo kandi mbashakamo kugira ngo mwuse ikivi mwatangiye mu buryo bufatika bityo mube icyitegererezo cy’Isi yose, kandi benshi mu Isi babakeshe umukiro ndetse babakeshe ibihe byiza byinshi tudahwema gukorera muri mwe bibohora Isi kandi bitagatifuza roho nyamwinshi.
Ndabakunda kandi nzakomeza kubakunda, ndi urukundo rwuzuye rusendereye, nimurubemo rero kandi muruturemo iteka ryose, kuko mbashyigikirishije indyo yanjye kandi ububasha bwanjye butavogerwa bukaba buganje butuye muri mwe ; nimubeho rero mubereyeho ugushaka kwanjye, Ntore Biremwa byanjye na DATA dutaramanye kuri uyu munsi, kuko nifatikanyije namwe mu bikorwa bidasanzwe kandi mu bikorwa byuzuye kugira ngo mwuzurize buri wese imbaraga zimufasha kugera ku isezerano ; muhurijwe hamwe rero mu mbaraga z’Ubutatu Butagatifu, kugira ngo mwuzurizwe byose kandi musesekazweho umugisha w’amoko yose kugira ngo uko twururutse kuri uyu munsi dukomeze kububakamo imbaraga zikomeye kandi kubagaragarizamo ikuzo n’ububasha bwanjye n’ubwa DATA, kuko twaje kububakamo ububasha bukomeye kandi kubagaragariza ibikorwa byacu aho biri n’aho bigeze ; nimukomere rero kandi mwitegure kandi nimukomeze murinde isezerano ryanyu, muricungire umutekano, muryuhire kandi murivomerere, muribagarire mu buryo budasanzwe kuko turi bugufi kuzuza umugambi twagambiriye kuva kera na kare.
Ndabakunda kandi ndabashyigikiye Ntore nkoramutima zanjye na DATA, nimugubwe neza kandi mwishime mumererwe neza kuko iki gihe ari igihe gikomeye kandi igihe kidasanzwe cyo gukomeza kugaragaza imirimo n’ibitangaza nkorera mu banjye mu buryo bwuzuye ; igihe ni iki cyo kugaragaza imbuto ya buri wese kandi kugaragaza umusaruro wa buri wese, kuko icyo twasezeranyije abacu dukomeje kugitegura kandi kucyuzuza no kucyubaka mu buryo bwuzuye, tukaba rero igihe gisigaye ari igihe gito cyane kugira ngo dusohoze umugambi wacu kandi dushyire ku mugaragaro ibyo tugomba kugaragariza amaso ya Kiremwa Muntu ; buri wese rero niyicare yitegure ari maso, musenge ubutarambirwa kandi mwishyire mu bwishingizi bwa DATA kandi muhore murangamiye Ijuru ryose, kuko turi muri mwe kandi tuganje twitegura gukorana namwe imirimo n’ibitangaza, kubagaragarizamo ibikomeye kandi kubagaragarizamo ububasha bukomeye budasanzwe.
Ngiki igihe kiraje rero cyo kugaragariza Isi yose ibikorwa byanjye na DATA uko twabigennye, kandi ngiki igihe kiraje cyo kugaragariza Kiremwa Muntu integuro yanjye na DATA ; nimubeho rero mubereyeho Ijambo ryanjye na DATA, kuko twunze ubumwe kandi tukaba twifatikanyije mu bikorwa bidasanzwe, namwe rero tukaba twarabahurije hamwe kugira ngo ibikorwa byacu mubereho kubihagararamo no kubibamo mwuzuzanya kandi mufashanya muri uru rugendo, mu rugamba rwa buri munsi, muhore iteka mwuhira kandi muvomerera Isi yose mu buryo bwuzuye, mugire ibyishimo bisendereye mu mitima yanyu, ndabakunda kandi ndabashyigikiye mu buryo bwuzuye kandi kuri uyu munsi nifatikanyije namwe mu bikorwa by’ububasha, mu bikorwa by’imbaraga zikomeye kugira ngo dukomeze kuvogera imigambi mibisha y’umwanzi, bityo dutazanurire amayira benshi kandi nkomeze kubuzuriza ibyiza nabazigamiye na DATA.
NDABAKUNDA NTORE BIREMWA BYANJYE NA DATA DUTARAMANYE KURI UYU MUNSI, NIMWAKIRE UMUGISHA WANJYE UBASHYIGIKIRA KANDI UBAKOMEZA, NDETSE UBATEGURIRA N’IBYIZA BIRI IMBERE KUGIRA NGO BURI WESE MURI MWE AZABASHE KUBISHYIKAMO KANDI KUBIGERAMO UKO TWABIGENNYE KANDI TWABITEGUYE ; MBIFURIJE IBIHE BYIZA NDABAKUNDA CYANE, NDI YEZU KRISTU W’I NAZARETI, AMAHORO AMAHORO !