UBUTUMWA BWA YEZU KRISTU, TARIKI 27 UKWAKIRA 2023
Mbifurije umunsi mwiza ntore zanjye kandi ntama niragiriye kuko mbitayeho kandi nkaba nkomeje kubakungahaza ibyiza byanjye kugira ngo bisenderere mu buzima bwanyu kuko mbashyigikiye kandi nkaba ngenda mbazamura mu ntera kugira ngo mbigishe binoze kandi birenze ibyo muzi n’ibyo mutazi kugira ngo mubashe kubisobanukirwa kandi mubashe kubimenya uko DATA abyifuza kandi nanjye mbyifuza turabashyigikiye rero kugira ngo mukomere kandi mukataze mu nzira ibafasha gusabana nanjye na DATA kuko twaje kubaka imbaraga muri mwebwe kandi kubaka amateka akomeye mu buzima bwanyu Isi idashobora kunyeganyeza kandi idashobora kubambura no kubanyaga kuko tubahaye gukomera kandi tubakomereje intambwe kugira ngo tubatandukanye n’iby’Isi kandi tubatandukanye n’ibinyabubasha byose byo mu Isi, dukomeje rero gushyigikira intambwe zanyu kugira ngo mutugane mukeye kandi mutunganye kugira ngo mushyigikirwe n’ububasha bwanjye na DATA kuko mboherereje Roho Mutagatifu Umuhoza kugira ngo asabane namwe kandi abigishe birenze ibyo mwumva n’ibyo mwamenye kugira ngo mwumve ibitambutseho kandi mwumve byinshi kandi musobanukirwe byinshi kuko muri jyewe rero nkomeje kubasabanisha n’urukundo rwanjye n’urwa DATA nkaba rero nkomeje gushyigikira intambwe zanyu kugira ngo mukomere mube intore zihamye zihamya ibyiza by’ugushaka kwanjye n’ukwa DATA ngaho rero nimukwinjiremo wese kandi mwinjire mu nzira y’ugushaka kwanjye n’ukwa DATA kuko mbashyigikiye kandi mbahaye imbaraga zibafasha kugenda muri iyo nzira kandi zibafasha kugenda mu nzira y’ubutungane kugira ngo buri wese aharanire umutima usukuye kandi aharanire kugira umutima ufite isuku kugira ngo musabane n’Ijuru mukeye kandi mutunganye, erega twaje guhindura ubuzima bwanyu ukundi kugira ngo mwunge ubumwe natwe kandi mwunge ubumwe n’abamalayika n’abatagatifu bityo ibikorwa bya kimuntu bishyirwe hasi kugira ngo mwambare muberwe kandi mukenyere mukindikize intwaro z’urumuri kugira ngo mujye ku rugamba mutarwanira mu mubiri ahubwo murwanisha ububasha tubaha kandi imbaraga tubaha kugira ngo mubashe gutsemba ababisha banyu kandi mubashe gukura mu mayira ibiri inzitizi n’imbogamizi kuko iki gihe ari igihe cy’urugamba kugira ngo tubohore Isi tubinyujije muri mwe kandi tubinyujije mu bwitange bwanyu.
Nimugire kubaho kandi mukomere mu kwemera kuko ndi mu ruhande rwanyu mbagwirije ibyiza kandi mbasesekajeho umukiro wanjye n’uwa DATA kugira ngo munezerezwe no kugendera mu nzira y’ugushaka kwanjye, ndi muri mwe rero kugira ngo nkomereze intambwe buri wese kandi mbane namwe mu buryo bwo kubashyigikira kugira ngo humvikane intamo nziza y’urukundo bityo icyo Isi yabuze kandi abatuye Isi babuze bakennye kugira ngo tukibasakazeho kuko nta gisumba urukundo n’amahoro n’ibyishimo kuko ahatari urukundo harangwa inabi kandi ahari inabi hakarangwa intambara n’amatiku amakimbirane muri Mwene Muntu akaba akomeje kuba menshi tukaba rero twarabashyiriyeho kugira ngo mutware urumuri kugira ngo mumurikire Isi mutsembe kandi mutwike ibibi byose byasabitse imitima y’abari mu Isi, ndabakunda ntore zanjye kandi za DATA nimukomere mube intwari ku rugamba kandi mwemere kwakira imibabaro ku mpamvu yanjye mwihanganire ibibagora n’ibibarushya kuko mbakunda kandi mbazigamiye ibyiza namwe ntimutatire igihango ku mpamvu y’ibibabayeho cyangwa ibigeragezo kuko dufite aho dushaka kubageza kandi umuryango dushaka kubafungurira mu buryo bukomeye kandi mu buryo budasanzwe kugira ngo tugaragarize igisuzuguriro ababirukanka inyuma kandi abakomeje kubagera amajanja kugira ngo duhindire kure ibitero bibisha by’umwanzi kandi twumvikanishe ububasha bwacu kugera ku mpera z’Isi kuko twururukiye gutabara abacu kandi guhagarara ku bacu kugira ngo tuburagize imigambi yose umwanzi abagambiriyeho cyangwa se ibikorwa bibi byose by’umwanzi bikomeje gusakara hirya no hino kugira ngo tubikure mu mayira kugira ngo abacu babeho mu mudendezo, nimukomere rero mube intwari ku rugamba turabashyigikiye kandi turi kumwe namwe kugira ngo mukomere mu kwemera, mbahaye imbaraga rero kuri uyu munsi zibafasha guhamya ukwemera kwanyu kuko turi kugenda twinjirana namwe mu bihe bidasanzwe kugira ngo twugurure amarembo magari bityo abinjira binjire kandi mwizihize ibirori bihire kuko uzava ku rugamba wese agomba kwakirwa imbere ya DATA nk’umutoni kandi nk’umwana ukunzwe wizihiwe ugomba gukorerwa umunsi mukuru.
Mbifurije umunsi mwiza nimukomere kandi mube intwari ku rugamba ndi mu ruhande rwanyu nta gutsikira, ndi mu ruhande rwanyu na DATA kugira ngo tubongerere imbaraga kandi tubakomeze tubageze ku mutsindo bityo abigiza nkana kandi abakomeje ubushotoranyi mubaturekere kuko tuje guhangana na buri kimwe cyose cy’ababisha banyu kandi cy’abakomeje kubasatira, mwebwe rero mugire umutima w’urukundo ugwa neza mukore icyo nshaka kandi mubeho mu gushaka kwanjye n’ukwa DATA kuko niteguye kubarwanirira urugamba inkundura, erega ndahari kandi nteze amatwi ndumva ndareba ndabona jyewe na DATA kuko tutabona nk’uko Mwene Muntu abona kuko tureba ikiri mu mutima wa buri wese kandi tugasoma icyo Mwene Muntu aryamye hejuru yaba ikibi cyangwa icyiza ntaho duhishwa nta n’aho dukingwa, niyo mpamvu rero ubagambiriraho ikibi akagaragaza akarimi keza nyamara imbere mu mutima we huzuye isindwe ibyo byose turabibona kandi tuje kwihimura abanzi banyu kandi tuje kugaragaza imbaraga n’ububasha bwacu muri mwebwe kugira ngo tugaragaze urukundo tubafitiye, ntimugatinye rero kandi ntimugakangaranywe n’ababisha banyu kuko iki gihe ari igihe cyo kugaragaza ibikorwa byacu kandi igihe cyo kugaragaza imirimo twabatangije ko atari imirimo igomba kuvogerwa na buri wese kuko uwihaye kubavogera wese natwe tuje kumuvogera kugira ngo tumugaragarize ko yishutse kandi yibeshye ndabakunda ndabazirikana nimukomere mube intwari ku rugamba ndi mu ruhande rwanyu ngo mbarwaneho mbahigire ibibahiga kandi mbarwanyirize ibibarwanya kuko niteguye kubarwanirira munyemerere rero tugendane mbafate ikiganza kandi mbazamure mu ntera DATA yifuza kubagezamo kuko twiteguye kurwana urugamba inkundura twifatikanyije kugira ngo tugeze bose ku mukiro cyane cyane rero abakomeje ubushotoranyi ku bacu hirya no hino mu Isi abo bakaba bagowe kandi abo bakaba bari kwikururira amakuba kandi bikururira amakara yaka ku mutwe kuko igihe kigeze kugira ngo buri wese agaragarizwe inabi ye kandi mugarukire mu buryo bukomeye kandi bukakaye.
Nimube intwari ku rugamba ndabarinze kandi ndabashyigikiye ndi utabatenguha kandi utabatererana munyemerere kandi munyegere mutiganda kandi munyegere ntacyo mwishisha nta n’icyo mwikanga bityo munkingurire imitima yanyu nyiganzemo mbiyoborere kandi muyoborwe n’ijambo ryanjye intambwe ku ntambwe tugendane uko mbyifuza jyewe na DATA kuko tuje gutabara rero kandi tukaba tuje kugaragaza intsinzi yacu mu bacu kandi tuje kugaragaza ibikorwa byacu mu batwemera kandi mu batwakiriye tukaba rero twiteguye gutabara abo bose kandi twiteguye gutabara buri wese wemera ko turi kumwe kandi wemera kuyoborwa n’ijambo ryanjye, ntabwo rero nzabatenguha kandi ntabwo nzabatererana nta n’ubwo nzabahana mu marira kuko niteguye gukora byinshi mu buzima bwanyu, namwe rero nimube abitegura kandi mushyigikirwe n’ububasha bwanjye na DATA ari ho mushyira amizero n’amiringiro yanyu, amiringiro ku bantu muyakureho mwiringire jyewe na DATA kuko ari twe dufite ijambo rya nyuma ku buzima bwanyu kandi tuje kuvugurura ubuzima bw’ikiremwa muntu bundi bushya, ntawe rero ububasha bwacu butazageraho yaba umubi n’umwiza kugira ngo atubone kandi umubi na we ahabwe ibihano bye kugira ngo abashe kugaruka mu murongo maze uwakoze neza ahabwe ibihembo kugira ngo ashishikarire umurimo twamutoreye kandi twamuhamagariye, nimukomere rero mube intwari ku rugamba ntore zanjye kandi ntore za DATA ndabakunda kandi ndabazirikana mbahaye umugisha ubakomeza kuri uyu munsi mucungirwe umutekano kandi mukomeze mushyigikirwe mu mbaraga n’ububasha bwanjye butavogerwa kuko mbahaye kubaho mubeho kandi kuko mbakomeje nimukomere mushyigikirwe n’urukundo mbakunda kuko ndi mu ruhande rwanyu jyewe na DATA kugira ngo dukorane ibikorwa bihambaye.
UMUNSI MWIZA NDABAKUNDA NTORE ZANJYE KANDI ZA DATA, MBIFURIJE KUGUBWA NEZA KANDI GUKOMEZA KUGENDANA NATWE UKO BWIJE N’UKO BUKEYE KUKO TUTAZIGERA TUBATERERANA, MBIFURIJE KUGUBWA NEZA MU RUKUNDO RWANJYE KUKO MBAKINGURIYE UMUTIMA WANJYE MUTAGATIFU KUGIRA NGO MUGUBWE NEZA IMBERE YANJYE NDABAKUNDA CYANE NDI YEZU KRISTU W’I NAZARETI, AMAHORO AMAHORO MUGIRE IBIHE BYIZA NTORE ZANJYE KANDI ZA DATA, AMAHORO AMAHORO!