UBUTUMWA BWA MALAYIKA RAFAYELI, TARIKI YA 28 MATA 2024
Mbifurije igitondo cyiza ntore z’Uhoraho Imana kandi biremwa bya DATA, mbifurije umunsi mwiza kugubwa neza kuri buri wese ndetse no kwakira ibyiza bidasanzwe by’urukundo rwa DATA kuri uyu munsi, kuko Uhoraho Imana akomeje kubahaza ibyiza bye kandi akomeje kubasendereza umugisha we ukomeye, kugira ngo urusheho kubakomeza kandi urusheho kubatagatifuza, nimwakire imbaraga n’ubutwari kandi mwakire gukomezwa n’ububasha bwe butagatifu bubashyigikira kandi bubakomeza kuri uyu munsi, kuko Uhoraho Imana akomeje kubafungurira byose kandi akomeje kubasendereza imbaraga ze zidasanzwe zikomeza kubatagatifuza kandi zikabahaza ibyiza by’urukundo rwe rutagatifu.
Mbifurije umunsi mwiza wa Nyagasani Yezu Kristu kugira ngo iteka ryose ahore agwirizwa mu mitima yanyu kandi ijambo rye ritagatifu rikomeze kumurikira roho zanyu, ribatagatifuza kandi ribakomeza kuko akomeje guhagarara ku rugamba kandi akomeje kubahaza imbaraga z’agatangaza kugira ngo iteka mukomeze kuzirikana ibyiza by’urukundo rwe rutagatifu kandi mukomeze kwakira imbaraga z’agatangaza akomeza gusendereza mu buzima bwanyu bwa buri munsi.
Mbahaye amahoro n’urukundo kandi mbasakajemo ibyiza by’ububasha butagatifu, kugira ngo ijambo rya DATA rikomeze kubatunga kandi rikomeze kubayobora mu nzira y’ukuri kandi mu nzira y’ubutungane, ariko murushaho kunezerezwa n’ibyiza by’agatangaza Uhoraho Imana akomeza kubuganiza mu buzima bwanyu; nimukomere kuko Uhoraho Imana ari muri mwe kandi akaba akomeje kubatagatifuza, akaba akomeje kubahunda imbaraga n’ubutwari kandi koko akaba akomeje kubasendereza ubuzima nyabwo, kugira ngo mukomeze kuzirikana urukundo rwe rukomeye kandi mukomeze kwakira ibyiza by’agatangaza akomeza kubasendereza umunsi ku wundi, ntore za DATA kandi biremwa by’Uhoraho Imana nshuti bavandimwe nkunda kandi nshyigikira igihe cyose, kuko naje kubarangaza imbere ndetse no kubatagatifuza kugira ngo urukundo rwa DATA rube muri mwe kandi ijambo rye koko riture mu buzima bwanyu; nimube rero mu rukundo rwa DATA mwisanzuye kandi nimuganze ku murimo we mutagatifu, kugira ngo iteka ryose mukomeze gushyigikirwa n’ibikorwa bye bitagatifu, kandi mukomeze gushyigikirwa n’umurimo ukomeye Uhoraho Imana akomeza kugaragariza muri mwe, kuko yabasendereje umukiro kandi akabahaza ibyiza bikomeye, bityo roho zanyu zigahora zikeye kandi zigahora zisukuye, kugira ngo ijambo rye ritagatifu koko ribashe kubageraho kandi mubashe kuryumva, kuritega amatwi ndetse no kurizirikana igihe cyose.
Nimubashe rero kuba maso kandi mukomere ku rugamba kuko iteka ryose mugomba guhora mwizihiwe n’urukundo rwe rukomeye, bityo imbaraga z’agatangaza abasendereza buri munsi zikabatagatifuza kandi zikabakomeza, bityo mukazirikana iteka ryose ineza ntagatifu Uhoraho Imana yabagiriye kandi yabasendereje, nimutege amatwi ibyiza by’urukundo rwa DATA kandi mukomeze kuzirikana ijambo rye ry’umukiro rikomeye kandi akomeza kubasendereza umunsi ku wundi, kuko igihe cyose ahora aganje muri mwe abasigasira abarinda kandi abakomeza kugira ngo koko mukomeze kugira ubuzima busagambye muri we kandi muganze mu byishimo n’amahoro; nimukomere ku rugamba rero kandi murusheho kuba maso ubudatezuka kugira ngo turwanye ikibi cyose twivuye inyuma kandi dutsinde akarengane kose k’umwanzi mu kugaragaza urukundo rukomeye ndetse impuhwe n’imbabazi by’Uhoraho Imana mu mitima y’ibiremwa, kugira ngo koko ijambo rye rikomeze kumvikana hose kandi rikomeze gusendera mu bateze ibiganza bakomeze kuzirikana umukiro ukomeye Uhoraho Imana yabasendereje kandi yabagabiye; nimwakire imbaraga n’urukundo kuri uyu munsi ku buryo budasanzwe kandi mwakire ibyishimo byuzuye, kuko nabahobereye mu byishimo bidasanzwe kandi mu bubasha butagatifu bw’urukundo rwa DATA, kugira ngo iteka ryose muhore mwizihiwe kandi muhore munyuzwe n’urukundo rutagatifu; mbazaniye amahoro mu mitima yanyu kandi mbazaniye ibyishimo byuzuye kandi bisesuye, nimugire ubutwari muri DATA kandi mukomezwe n’ububasha bwe bukomeye akomeza kubuganiza muri mwe, kugira ngo iryo jambo rye ritagatifu ry’umukiro kandi ribazanira amahoro iteka ryose rikomeze gutura mu mitima yanyu kandi koko rikomeze kuba ingabo ibakingira ibatsindira ikibi cyose, ntore za DATA nimube maso kandi mukomere ku rugamba kuko ari igihe cyo gutsinda umwanzi kandi ari igihe koko cyo gutsinda ikibi cyose twivuye inyuma, kugira ngo ibibi byose by’umwanzi bikurwe mu nzira kandi koko mubashe gusukurwa no gutagatifuzwa, bityo urukundo rwa DATA rwigaragaze kandi ijambo rye rikomeze kumurikira bose, abateze ibiganza kandi bakazirikana inzira y’umukiro iteka ryose, bagahabwa ibyishimo n’amahoro kandi bagasenderezwa ububasha butagatifu.
Mbarangaje imbere kuri uyu munsi kandi nabazaniye umukiro mutagatifu ndi Malayika Rafayeli kugira ngo urukundo rw’Uhoraho Imana rukomeze rube muri mwe kandi umutsindo we mutagatifu uhore uri mu biganza byanyu, nimuhumure kandi mukomere kuko Uhoraho Imana abarangaje imbere kandi akaba akomeje guhagarara ku rugamba mu kubahaza ibyiza bikomeye ndetse no kubashyigikira ndetse no kubarinda, kuko nanjye ndi kumwe namwe mu mirimo yanyu ya buri munsi, ndetse no mu bikorwa byanyu bya buri munsi akaba ari njye ubashyigikiye kandi nkaba mba nkomeje kubarinda ndetse no kubasendereza umugisha ukomeye kuko Uhoraho Imana ibyo abateganyiriza umunsi ku wundi mbashe kubibashyikiriza kandi nkabigeza mu biganza byanyu, kugira ngo buri muntu wese akomeze kumva ko arinzwe kandi akomeze kumva ko ashyigikiwe mu byishimo ndetse n’ububasha bitagatifu bw’urukundo rwa DATA.
Muryago muhire w’Uhoraho Imana mwakunzwe kandi mugatoneshwa, nimuzirikane urukundo rukomeye DATA yabakunze kandi muzirikane impuhwe ndetse n’imbabazi abagaragarizamo umunsi ku wundi, kuko adahwema kubahaza ibyiza kandi adahwema kubahaza umukiro mutagatifu wo kugira ngo ijambo rye rikomeze gutura muri mwe bityo namwe murusheho koko gukora umurimo we mutiganda kandi mudatezuka kuko byose yabishyize mu biganza byanyu akabibegurira; nta cyiza nko kwibera mu rukundo rw’Uhoraho Imana kandi nta cyiza koko nko gutura mu byiza by’urukundo rwa DATA, mugahora iteka muteze amatwi mu byishimo n’amahoro ijambo ry’Uhoraho ribatagatifuza kandi rikabakomeza umunsi ku wundi; nimushyigikirwe rero kandi mukomeze kurangazwa imbere murangwa n’urukundo ibyishimo n’amahoro kuko iteka ryose mugomba gutsinda ikibi kandi mugomba koko kurwana urugamba mwishimye kandi koko munezerejwe n’ijambo Uhoraho Imana akomeza kubayobora.
Nimushimishwe n’uko DATA abarangaje imbere kandi koko ayoboye intambwe zanyu mu buryo bukomeye bityo bitere buri muntu wese inyota y’icyiza kandi bikomeze kumutera kugira igishyika cy’urukundo rukomeye rwo gutabara ndetse no kurohora roho zitabarika umunsi ku wundi, kuko urukundo DATA yabakunze kandi yagaragaje mu buzima bwanyu rukomeye, niyo mpamvu twashishikarije buri muntu wese kugira ngo yakire ibyiza by’Ingoma ya DATA, kandi anogerwe n’ububasha butagatifu ku buryo budasanzwe bityo ayoboke inzira y’umukiro kandi ayoboke inzira y’ubutabera bukomeye bw’urukundo rw’Uhoraho mu kumurikirwa ndetse no gutagatifuzwa, mu guhazwa ibyiza by’agatangaza ndetse no gusenderezwa imbaraga ku buryo bukomeye.
Mbifurije umunsi mwiza kandi mbifurije igitondo cyiza, ndi kumwe namwe mu rukundo kandi ndi kumwe namwe mu bubasha butagatifu kuri uyu munsi kuba maso ndetse no gukomera, kuko DATA yabateganyirije byinshi kandi koko akaba akomeje kugenda abahaza ibiseke bye bitagatifu kandi byuzuyemo ibyiza byose yabateganyirije kandi yabageneye kuri uyu munsi; ndabaramukije rero mu rukundo rwa DATA, nimwakire ibyishimo kandi mwakire amahoro asesuye mu mitima yanyu, bityo mugire ubuzima bzima kandi mugire ituze ryuzuye kandi risendereye, kugira ngo ijambo rya DATA rikomeze gutura muri mwe kandi rirusheho kubakomeza, kubatagatifuza ndetse no kubahaza ibyishimo n’amahoro kuri uyu munsi ku buryo budasanzwe, bityo koko muhore mwuzuye ibyishimo kandi koko muhore munezerejwe n’amahoro adasanzwe DATA yabateganyirije kandi ibyiza byose agomba kubagabira kuri uyu munsi bibashe kugera mu biganza byanyu bisukuye kandi bitagatifuje; nimube maso rero kugira ngo Uwiteka Imana aze muri mwe kandi igihe cyose ijambo rye koko ritagatifu rimanukire mu buzima bwanyu muzirikane ko ritagomba gusubirayo amara masa kuko rigomba guhumura imitima yose ndetse no gutagatifuza abateze ibiganza bityo bakakira imbaraga zikomeye kandi bakakira ububasha butagatifu mu kunyurwa n’urukundo rw’Uhoraho ndetse no kunyurwa n’ijambo rye ritagatifu akomeza kumurikishiriza buri wese.
Mbifurije umunsi mwiza kandi igitondo cyiza kuri buri wese ntore za DATA, ndabashyigikiye kandi ndabarinze, nimugire amahoro n’ubuzima buzima kandi koko mugire ibyishimo n’amahoro muri DATA, mukomeze kunezezwa n’ibyiza byose yabateganyirije kandi tabageneye kuri uyu munsi, kugira ngo birusheho kubakomeza kandi birusheho kubaha guhumuka ndetse no gusobanukirwa n’ibyiza bye bitagatifu; mbifurije umunsi w’umugisha kuri buri wese kandi mbifurije umunsi w’amahoro, nimuzezwe n’ibyishimo bitagatifu kandi munezezwe n’urukundo DATA abafitiye, kuko iteka ryose ahora afitiye roho zanyu igishyika cyo kubatagatifuza ndetse no kubasukura, kuberekeza mu nzira y’ukuri kandi kuberekeza mu nzira y’ubutungane muhabwa ibyiza bikomeye kandi musenderezwa ububasha butagatifu budasanzwe kuri uyu munsi; ndi kumwe namwe ku rugamba kandi mbarangaje imbere, nimube maso ku buryo bukomeye kandi ku buryo budasanzwe, kugira ngo Uhoraho Imana abagabire kandi akomeze kubasendereza byose mu mwanya wo gutsinda ikibi cyose ndetse no mu rugamba rwo kurwanya ikibi ndetse no gukuraho akarengane kose k’umwanzi, kugaragaza urukundo rutagatifu rwa DATA, namanukiye muri mwe kandi koko nazanye ububasha budasanzwe bwo kubatagatifurisha ndetse no kubatera inkunga mu rugendo rwanyu rwa buri munsi, kugira ngo muhabwe ibyiza byose kandi musenderezwe umukiro udasanzwe w’Uhoraho Imana kuri uyu munsi.
AMAHORO AMAHORO UMUNSI MWIZA KURI BURI WESE KANDI IGITONDO CYIZA, NDABASHYIGIKIYE KANDI MBARANGAJE IMBERE, NIMUGIRE UBUZIMA BUZIMA MURI DATA KANDI MUNEZEZWE N’URUKUNDO AKOMEZA KUBASENDEREZA UMUNSI KU WUNDI; AMAHORO AMAHORO, NDI MALAYIKA RAFAYELI, AMAHORO AMAHORO NTORE ZA DATA!