UBUTUMWA BWA MALAYIKA RAFAYELI, TARIKI YA 07 GICURASI 2024
Mbifurije umunsi mwiza ntore za DATA kandi biremwa by’Uhoraho Imana, mbasesekajeho urukundo rutagatifu rw’Uhoraho kandi mbasendereje imbaraga n’ubutwari, kugira ngo imbaraga za DATA zikomeze gusendera mu buzima bwanyu kandi zirusheho kubakomeza ndetse no kubatagatifuza, kugira ngo mukomeze guhazwa ibyiza by’umukiro we mutagatifu kandi mukomerezwe intambwe, kuzirikana iteka ryose urukundo rwe rukomeye rukomeza kugaragarizwa muri mwe; ndabashyigikiye kandi mbarangaje imbere biremwa bya DATA kandi ntumwa z’Uhoraho, nimukomere ku rugamba kuko ndi kumwe namwe kandi nkaba nkomeje kubakomeza ndetse ko kubatera ubutwari, kugira ngo Ijambo ritagatifu rya DATA rikomeze kugera kuri bose kandi umukiro w’Uhoraho ukomeze gusendera kuri buri kiremwa, ndi kumwe namwe rero kandi nkomeje kubasendereza imbaraga kandi nkomeje kubakomeza ndetse no kubamurikira kugira ngo mukomeze kwakira ibyiza bitagatifu by’urukundo rwa DATA kandi imbaraga ze zikomeze gusendera muri mwe, bityo murusheho kumenyeshwa ikiri icyiza ndetse n’igitunganye umunsi ku wundi.
Nimukomere kuko mutari mwenyine ahubwo Ijuru ryose rikomeje kubarangaza imbere kandi rikomeje kubasendereza ibyiza byose kugira ngo mukomere, kandi mukomeze kuzirikana ibikorwa bitagatifu by’Uhoraho mu buzima bwanyu; turi kumwe namwe ku buryo budasanzwe kugira ngo turusheho gukorana imirimo ikomeye kandi imirimo idasanzwe kuri uyu munsi, kugira ngo ibikorwa bitagatifu bya DATA birusheho kwigaragaza kandi imirimo ye mitagatifu koko ikomeze gusendera Isi yose; nimuzirikane ko urukundo rwa DATA rwose ruganje muri mwe kandi ko ububasha bwe butagatifu yabubasendereje kandi yabubagabiye kugira ngo iteka muhore muzirikana igitunganye kandi muhore muzirikana ibyiza byose by’urukundo rw’Uhoraho Imana, kuko Uhoraho yabafunguriye inzira kandi akabagaragarizamo byose kugira ngo iteka muhore musendereye urukundo rwe rutagatifu; nimukomeze rero mutagatifuze Isi yose kandi mukomeze mubere maso imbaga itabarika, kugira ngo ibyiza bitagatifu bya DATA bikomeze gusendera mu Isi, kandi urukundo rwe rukomeze kugaragara mu biremwa byose, cyane cyane mu gusukura roho zitabarika ndetse no gutagatifuza imitima yose kugira ngo ibyiza bitagatifu bya DATA bikomeze gukwirakwira mu Isi, kandi urumuri rwe rukomeze gucanira roho zose zigomba gutagatifuzwa mu Isi.
Nimukomere ku rugamba kuko rero iminsi yose mpora ndi kumwe namwe kandi mbahoza imbere ibyiza by’urukundo rwa DATA nkabakomeza kandi nkabashyigikira, nkabarinda kandi iteka ryose ngakomera ku buzima bwanyu cyane cyane mu kubarinda ikibi ndetse no kubarinda guhungabanywa n’umwanzi kugira ngo imirimo ya DATA ikomeze kwigaragaza muri mwe, kuko umurimo Uhoraho Imana yabatoreye kandi yabahamagariye ari umurimo udasanzwe, uha buri muntu wese kuzirikana ibyiza by’Ingoma ya DATA kandi ukamuha kunezerezwa n’ububasha bwe bukomeye kugira ngo Ijambo rye rikomeze gutura mu mitima yose y’ibiremwa, kandi rikomeze kuba itara riboneshereza bose bagarukire urukundo rwe rutagatifu, bityo ibiremwa byose bigire gutagatifuzwa kandi bigire kuyoboka inzira y’umukiro mutagatifu, mu kwakira ibyiza bitagatifu by’Uhoraho ndetse no kumurikirwa umunsi ku wundi.
Nimukomere kuko ndi kumwe namwe ndi Malayika Rafayeli kugira ngo ndusheho kubahaza ibyiza bya DATA, mbamurikire kandi mbatagatifuze mbatoze icyiza kandi koko buri muntu wese muyobore mu nzira y’ubutungane, kuko mbarangaje imbere ku buryo bukomeye kandi nkaba ndi kumwe namwe mu buryo bw’urugamba kugira ngo turusheho gukorana imirimo ikomeye kandi imirimo idasanzwe, gusendereza ibyiza by’agatangaza abateze ibiganza kandi bakeneye kwakira ibyiza by’umukiro wa DATA kuri uyu munsi, ni yo mpamvu turimo gukorana imirimo ikomeye kandi imirimo idasanzwe mu Isi yose, mu gukura ikibi cyose mu nzira ndetse no kubohora imitima myinshi mu Isi yose, kugenderera ibikorwa byose by’urukundo rwa DATA ndetse no guhumura benshi bagihumye kugira ngo barusheho kwakira ibyiza by’urukundo rw’Uhoraho, kandi bamurikirwe n’imbaraga z’agatangaza z’urukundo rwa DATA akomeza kugenda agaragariza Isi yose, kuko ibiremwa byose bigomba guhinduka kandi bigahindukirira ibyiza bitagatifu kandi bikayoboka inzira y’ukuri kandi inzira y’ubutungane, bityo urumuri rwa DATA rugakomeza kumurikira bose kandi rukarushaho kugenda rurasa mu mitima ya buri kiremwa, bityo buri muntu wese koko akagaruka mu nzira kandi akarushaho gutagatifuzwa ku buryo buhamye, nyamara mu bikorwa byanyu mukomeza kugenda mwitangamo umunsi ku wundi ari ibikomeza gutagatifuza Isi, bigasigasira buri kiremwa cyose kandi bigakomeza guhaza imbaraga abakomeza gutega ibiganza umunsi ku wundi kandi bakazirikana iteka urukundo rutagatifu rw’Uhoraho rubasendereza imbaraga kandi rukarushaho kubahaza ubutwari kugira ngo uko buri wese azirikana igitunganye, kandi uko buri wese akomeza kurwana urugamba arwanya ikibi umunsi ku wundi kugira ngo ibyiza byose by’Ijuru bikomeze kugenda bigera kuri bose.
Nimukomere kuko Ijuru ryose rikomeje kubarangaza imbere kandi tukaba twifatikanyije n’imbaga itabarika y’Ijuru ryose kuko duhora tuganje mu buzima bwanyu iteka ryose, kugira ngo tubasendereze imbaraga n’ubutwari kandi turusheho kubakomeza ku murimo DATA yabatoreye kandi yabahamagariye; murahirwa kuko mwemeye gutega amatwi Ijambo ritagatifu ry’Uhoraho bityo rikagaragara mu buzima bwanyu, kandi imirimo ya DATA ikarushaho kubasendera ikagaragara muri mwebwe iteka ryose, bityo mukazirikana umukiro mutagatifu kandi mukazirikana ibikorwa bye bidasanzwe yasendereje mu buzima bwanyu.
Mbifurije umunsi mwiza kandi mbifurije ibihe byiza, dukomezanye urugendo kuko ndi kumwe namwe, kugira ngo turusheho gusohoza umurimo mutagatifu wa DATA kuri uyu munsi kandi ibikorwa bye bitagatifu bikaba bigomba kwigaragaza, nimushire ubwoba kandi mushire amanga kuko ibikorwa bya DATA byose biganje muri mwe, kandi akaba yarabasendereje ububasha ndetse n’ubushobozi bwo kugira ngo ibikorwa bye byose bigaragarire mu buzima bwanyu, kandi byose birusheho gukorerwa iteka ryose rwagati muri mwe; nimukomere ku rugamba rero kuko Imana yafunguye inzira kandi agafungurira amarembo buri wese kugira ngo yisanzure mu rukundo rwe, ni yo mpamvu yabagize abarinzi b’Ijambo rye ritagatifu mu Isi kandi mugasigasira ibikorwa bye bitagatifu, akabagaragarizamo ububasha bw’Izina rye rikomeye kandi akarushaho gutsindira buri wese kugira ngo asenderezwe umukiro, kandi ahazwe n’ibyiza by’agatangaza; ni yo mpamvu rero iteka ryose duhora tubakomeje kandi tubatoza icyiza mu kuzirikana urukundo rutagatifu rw’Uhoraho ndetse no kuyoboka inzira y’umukiro mutagatifu, ni yo mpamvu dukomeje guhagarika ibitero bitabarika by’umwanzi kuri uyu munsi, kugira ngo ububasha butagatifu bwa DATA bwigaragaze mu mitima yose, kandi Ijambo rye koko rikomeye rikomeze gukangaranya Isi yose kandi rikomeze guhindura imitima yose mu Isi, kugira ngo uwazirikanye ibyiza kandi koko ukomeza kugendera mu nzira y’ukuri wese agire guhumurwa amaso kandi agire gutagatifuzwa, bityo abone ibyiza by’urukundo rwa DATA kandi arusheho kwerekwa inzira y’ukuri kandi inzira y’ubutungane igomba gusukura buri kiremwa kandi igatagatifuza buri wese, bityo urukundo rwa DATA rugasendera mu Isi kandi rukarushaho gutura mu mitima yose.
Nimukomere rero kuko mutari mwenyine ahubwo iteka ryose muhora mugaragiwe n’Inteko y’Ijuru ibatagatifuza kandi ibakomeza kugira ngo umurimo wa DATA ukomeze kumvikana hose, kandi Uhoraho Imana akomeze gusohoza ibikorwa bye bitagatifu kandi akomeze gusohoza imirimo ye, nimukomere kuko igihe turimo ari igihe kidasanzwe kandi ari igihe gikomeye cy’ibikorwa bitagatifu bya DATA kugira ngo agaragaze ububasha bwe bukomeye mu biremwa byose kandi agaragaze imbaraga ze z’agatangaza, cyane cyane kuri benshi bakomeje kugenda bibeshya ku Izina rye ritagatifu ndetse n’ibikorwa bye by’ububasha butagatifu muri iki gihe, bityo bagakomeza kugendera mu nzira zabo bwite bumva ko bashaka kandi bakeneye, bakirengaiza ibikorwa bye bidasanzwe muri iki gihe kandi bakirengagiza Ijambo ritagatifu yavugiye mu Isi yose kandi yagaragarije kuri buri kiremwa, kuko buri muntu wese yamweretse inzira kandi akamutagatifuza kugira ngo ayoboke ukuri kandi ayoboke inzira ye y’ubutungane, ni yo mpamvu yahamagariye buri wese kuyoboka urukundo rwe ndetse no gusanganira ububasha bwe butagatifu ku buryo bukomeye, kugira ngo arusheho guhumuka kandi arusheho gusobanukirwa n’ibikorwa bitagatifu bye.
Nimukomere rero kuko iteka ryose Uhoraho Imana akomeje kugaragaza imirimo ye mitagatifu bityo koko mutambukane ishema n’isheja imbere y’ab’Isi kandi koko imbere y’ababahanze amaso kugira ngo urukundo rwa DATA rubigaragarizemo, kandi Ijambo ry’Uhoraho Imana rikomeze gutunga ubuzima bwanyu iteka; nimugire ubuzima buzima ntore za DATA kandi nshuti bavandimwe, mukomere kandi mugubwe neza kuko turi ku rugamba kandi nkaba nkomeje kubarangaza imbere, kubatagatifuza no kubahaza ibyiza by’urukundo rwa DATA kugira ngo Ijambo ry’Uhoraho Imana rikomeze gutura muri mwe kandi rikomeze gusendera mu buzima bwanyu umunsi ku wundi; mbifurije umunsi mwiza kandi ibihe byiza, ndi kumwe namwe kandi nkomeje kubakomeza ndetse no kubacanira amatara yanyu, kubongerera imbaraga no kubatagatifuza, guha buri muntu wese gushira inyota kugira ngo arusheho kwakira ibyiza by’Ingoma ya DATA, kandi akomezwe n’imbaraga z’agatangaza Uhoraho Imana akomeza gusendereza mu buzima bwanyu umunsi ku wundi.
AMAHORO AMAHORO, UMUNSI MWIZA KURI BURI WESE KANDI IBIHE BYIZA NDI KUMWE KANDI MBARANGAJE IMBERE KURI UYU MUNSI KU BURYO BUDASANZWE, NDI MALAYIKA RAFAYELI, AMAHORO AMAHORO!