UBUTUMWA BWA YEZU KRISTU, TARIKI YA 03 GASHYANTARE 2024
Mbinjije mu rukundo rwanjye na DATA ntore zanjye kandi biremwa byacu dukunda, mbifurije umunsi mwiza kandi mbifurije gusenderezwa ibyiza by’agatangaza nkomeza kubagabira kandi nkomeza kubasendereza mu rugendo rwanyu, nimwakire imbaraga zanjye kandi mwakire ubutwari bwanjye butagatifu kugira ngo mukomeze gutwaranira ingoma ya DATA kandi mukomeze guhagarara mu rukundo rwanjye rutagatifu mutikanga kandi iteka ryose muhore muzirikana ko imbaraga zanjye ziganje muri mwe kandi muzirikane ko nabahamagariye uyu murimo kugira ngo buri muntu wese koko yisanzuriremo kandi akomeze gutagatifuza Isi ndetse no guhaza ikiremwa cyose urukundo rwanjye no gusendereza umukiro mutagatifu ibiremwa biganje mu Isi kuko DATA yabahamagariye uyu murimo kandi akabatagatifuza, akabasendereza imbaraga zose, akabahaza ibyiza byose mwifuza mu rugendo rwanyu.
Nimwakire gukomera kandi mwakire gushinga imizi ndetse no kwakira ibyiza by’urukundo rwacu kugira ngo ruhore rusagamba muri mwebwe kandi mukomeze kubaha gusimbagizwa n’ibyishimo, murata kandi mukuza ibikorwa byose Uhoraho Imana akomeje kugenda akorera muri mwe kuko akomeje kubateza intambwe kandi tugakomeza koko kubasendereza byose kugira ngo mukomeze guhazwa umukiro kandi mukomeze gukataza mu ntambwe yanyu ya buri munsi musanganira ibyiza byacu bitagatifu kandi musanganira ibikorwa bidasanzwe dukomeza kugenda dukorera muri mwebwe umunsi ku wundi, mbagatifurishije urukundo rwanjye kandi nkomeje kubahaza ibyiza byanjye bidasanzwe bikomeza kubaka roho zanyu kandi bigakomeza gutagatifuza ubuzima bwanyu buri munsi kuko nza kubateza intambwe, nkabakomeza kandi nkabavugurura bityo nkabarinda kudandabirana kandi nkabarinda guhungabanywa n’umwanzi, ahubwo iteka ryose mukizihirwa kandi mugasenderezwa imbaraga zidasanzwe zibaha guhinduka kandi koko zikabaha kwivugurura kuri buri wese; nimuhinduke bashya muri iki gihe kandi mutagatifuzwe koko ku buryo bwuzuye kandi ku buryo busendereye kugira ngo dukomezanye intambwe ku yindi kandi dukomezanye urugendo mutagatifuje kandi mwuzuye imbaraga zanjye zikomeye kandi zidasanzwe kuko nabagabiye byose kandi nkabatagatifuza kuko turimo kwinjira mu gihe cy’ububasha bukomeye kandi mu gihe cy’ububasha budasanzwe koko, bisaba kugira ngo buri muntu wese abe yiteguye kandi abe agomba kwakira ibikorwa byacu bitagatifu bikomeye muri iki gihe kugira ngo umukiro wacu ukomeze kubigaragarizamo kandi bikomeze kubasendera.
Ndabakomeje kandi nkomeje kubarangaza imbere ndi Yezu Kristu w’i Nazareti kugira ngo iteka ryose mukomeze mwizihirwe n’imirimo yacu kandi mukomeze munezerezwe n’intambwe tubateza buri munsi ibatagatifuza kandi ifasha buri muntu wese kwakira ibyiza by’Ijuru kandi gufasha buri wese kugira ngo ahore ateze ibiganza kandi ahore anejerejwe n’umukiro Uhoraho Imana yagennye kandi yateguriye buri kiremwa cyose, kuko yasendereje Isi yose imbaraga kandi ikomeje kugenda ihaza buri muntu wese ibimukwiriye mu rugendo rwe rwa buri munsi; niyo mpamvu nanjye naje kubakomeza kandi nkaza kwifatikanya namwe mu rugendo ndetse no kurwana urugamba rwo gutabara Isi ndetse no kubohora buri kiremwa cyose kugira ngo dusubize umutekano kandi dusubize ubuzima ababutakaje, mu rukundo rwacu kandi mu bubasha bwacu butagatifu kugira ngo ibikorwa byacu bikomeze kwigaragaza kandi bikomeze kumvikana mu Isi.
Nimwakire ubutware bukomeza koko kubaha guhagarara mushinze ibirindiro kandi muhagarare mwemye mu bikorwa byacu bitagatifu kandi ku mirimo yacu kugira ngo koko mugire ukwemera guhamye bityo murusheho kubera itara rimurikira benshi bakiri mu mwijima cyane cyane abanze kwemera ndetse n’abahakanyi kugira ngo bose barusheho kwakira ibyiza byacu; mwebwe rero mwese mwemeye kwemera kandi mukakira ibyiza byacu bidasanzwe; nimukomerezwe intambwe kandi mukomerezwe urugendo rwanyu rwa buri munsi kuko iteka ryose duhora tuza kubatabara kandi koko duhora tuza kubasendereza imbaraga kugira ngo muhore munyuzwe kandi muhore mwakira ibyo byiza bidasanzwe bikomeza gutagatifuza roho zanyu kandi bigakomeza kubungabunga ubuzima bwanyu umunsi ku wundi; ndabakomeje kandi nkomeje kubagenda imbere ndetse no kubaha gukataza mu rugendo rwanyu DATA yabateguriye kuko iteka ryose turi hafi kurangiza byose kandi ko turi mu mirimo ya nyuma yo kugira ngo turusheho kunogereza ndetse no kurangiza ibikorwa byose twateguye mu Isi kugira ngo umugambi wacu tuwugereho kandi turusheho kuzuriza isezerano abo twasezeranyije bose kandi turusheho gukora ibikorwa byacu ku buryo bukomeye; ni igihe cyo gusohoza amasezerano yose twasezeraniye Mwene Muntu kandi twasezeranije Isi kuko tugomba gusohoza byose kandi koko tugakora icyo dushaka mu biremwa byose kandi tugakora ibyo twateguye byose mu Isi yose kugira ngo ijambo ryacu rirusheho kumvikana kandi turusheho guhindura byose cyane cyane turusheho kunyuranya n’ibyo abanyabwenge bibwira ndetse n’ibyo benshi batekereza mu mitima yabo bidahuje n’ugushaka kwacu gutagatifu kandi bidahuje n’ijambo ryacu na DATA twifuza kandi bidahuje n’umugambi wacu dufite muri Mwene Muntu kandi dufite ku kiremwa; niyo mpamvu iki gihe ari igihe cyo kuvuguruza umwanzi kandi ari igihe cyo kuvuguruza benshi bibwira ko bafite ibyo bagomba gukora ku bikorwa byacu bitagatifu kandi bafite ibyo bibwira ko bagomba kugenza mu buzima bwa Kiremwa Muntu twatoye kandi mu buzima bw’abo twahamagaye kandi twagabiye ibyiza, tukabasendereza umukiro wacu mutagatifu.
Nimukomere kuko iteka ryose mpora nganje muri mwe mbarwanirira kandi mbatabara, mbatagatifuza kandi mbasendereza ibyiza by’agatangaza kuko iteka ryose uwo ndi kumwe na we kandi uwo mpagarariye wese agira gukomera kandi agashinga imizi; bityo iteka ryose agahora anejejwe n’urukundo rwanjye rutagatifu kandi rudasanzwe; nimukomere kandi murusheho kwakira ibyo byiza rero by’agatangaza nabateguriye kandi nabateganyirije kuko imbaraga zanjye zose nazituje muri mwe kandi nkabasendereza ububasha butagatifu; niyo mpamvu naje kubashyigikira kandi nkomeje kubateza intambwe koko dukataje kandi twihuta cyane mu bikorwa byacu bitagatifu muri iki gihe kugira ngo dukomeze gusohoza umugambi wacu kandi dukomeze gusohoza icyo twateguye kandi iryo twavuze ryose ribashe gusohora kandi ribashe kuzura; erega ibyo twavuze byose si imfabusa kandi abo twavugishije bose kandi twagaragarije ibikorwa byacu bitagatifu, ni igihe cyo kugira ngo buri muntu wese tumuhembe ibimukwiriye kandi buri muntu wese koko tumuhe ikuzo rimukwiriye kuko uwaciye bugufi wese akemera kutwakira kandi koko akemera kwiyoroshya imbere yacu kandi mu bikorwa byose twamushinze kandi twamuragije muri iyi Si; buri muntu wese koko wabyakiriye kandi wabyitwayemo uko DATA abishaka kandi uko tubyifuza, ni igihe cyo kumugororera ndetse no kumuha ibimukwiriye muri iki gihe kugira ngo iteka ryose anyurwe n’uko DATA yamuhaye umurimo kandi nawe akawukora awitabiriye kandi akawukora yishimye kandi koko anejejwe no kugira ngo arusheho gushimisha DATA wamuhamagaye kandi wamutoreye uwo murimo; namwe koko nimukomeze mwakire ibyo byiza kuko Uhoraho Imana akomeje kubagabira ibyiza kandi dukomeje kubasendereza umukiro wacu mutagatifu kugira ngo ukomeze kubaha koko kunezezwa n’ibyiza byacu kandi ukomeza kugenda ugabira buri wese umukiro DATA yagennye kandi ukomeze kugenda ushyira buri wese mu mwanya DATA yamugeneye kandi yamuteguriye.
Nimukomere ku rugamba ntore zanjye kandi biremwa bya DATA dukunda kuko tubashyigikiye mu mbaraga zacu kandi tukaba dukomeje kubarangaza imbere mu bubasha butagatifu kandi budasanzwe, bukomeza kubungabunga ibyiza byose kandi bugakomeza kubungabunga ubuzima bwa buri kiremwa; bityo intambwe tubateza buri munsi kandi intambwe tubagezaho uko bwije n’uko bukeye ikaba koko ibaha icyerekezo kizima kandi ikaba ari yo koko ikomeza kubatagatifuza kandi koko buri muntu wese akarushaho kurangamira ububasha bwacu butagatifu.
Nimukomere kandi mukomeze kuba intwari mwakire byose mu rukundo rwacu rutagatifu kuko iki gihe ari igihe cy’ububasha bukomeye kandi ko ari igihe cy’imbaraga zidasanzwe turimo gusendereza Isi kandi turimo kumanurira ku mitima yose cyane cyane iyanze kwemera ndetse n’iyanze kwakira ibyiza byacu by’agatangaza kuko ari igihe cyo kuyihinduza imbaraga zikomeye kandi zidasanzwe; nimuzirikane ko igihe murimo ari igihe cya nyuma kandi muzirikane ko muri mu minsi ya nyuma ikomeye kandi idasanzwe cyane cyane izagora utemera kandi izagora uwanze kwakira ibyiza byacu bikomeye kandi twagaragarije Isi, kuko buri muntu wese twamuburiye mu buryo bworoheje kandi tukamugeraho mu mbaraga ze kandi mu bubasha bwe ndetse n’uko ameze kose mu Isi tukamugezaho ibyacu kandi koko tukamwereka inzira agomba kwerekezamo kugira ngo umugambi wanjye na DATA ubashe kugerwaho kandi ubashe gutungana, wo gusukura ndetse no gutagatifuza Mwene Muntu ku bemeye guhinduka bose kandi abemeye kwakira ibyiza byacu bikomeye bityo bakumva kandi bakumvira, agahindukirira bwangu kandi bakakira ibyiza by’umukiro wacu mutagatifu, bakanezerezwa n’ijambo DATA yabagejejeho kandi bakanezerezwa n’icyo yabashakagaho igihe cyose, bityo bakamugarukira kandi bakamutegera ibiganza bityo bakemera kumubera ibikoresho.
Nimushikame kandi mukomeze mwakire ibyiza bitagatifu DATA yabageneye kandi mukomeze mwakire umurage udasanzwe akomeza kugenda asendereza byanyu kuko mwahiriwe kandi koko akaba akomeje kugenda abasendereza ibyiza bikomeye; namwe mwese rero mucyumva ko mucyinangiye imitima kandi koko mucyumva ko mukomeza kugendera ku mbaraga zanyu kandi ku bubasha bwanyu mufite mu Isi mukirengiza ububasha bwacu butagatifu kandi mukirengagiza ijambo DATA yavuze mu Isi kuko rigomba gusohora kandi rikuzura, bityo Mwene Muntu akarushaho kumvira kuko imbaraga ze ntaho zihuriye n’izacu kandi imigenzereze yo mu Isi hari aho itandunakaniye n’ibikorwa byacu bitagatifu twifuza gukorera mu Isi; niyo mpamvu tutazagenza uko Mwene Muntu ashaka, ko tugomba kugenza uko DATA yateguye kandi yashatse kugira ngo ibye byose bikorwe kandi koko bibashe gutungana, kuko Mwene Muntu atagifite ijambo kandi koko atagifite ibyo agomba kumva ko agomba kuvuguruza ku mugambi wacu kandi agomba kuvuguruza ku ijambo ryacu ritagatifu, kuko iki gihe ari igihe cy’ibikorwa byo gushyirwa mu ngiro kandi ari igihe cy’ibikorwa bidasanzwe bikomeza gutagatifuza Isi kandi koko bigakomeza kwigaragaza mu Isi kugira ngo koko ijambo rya DATA rikomeze kumvikana kandi rikomeze kugaragarira ibiremwa byose.
Nimukomere rero kandi murusheho kuba intwari kuko dukomeje kubarwanirira kandi dukomeje kugenda tubahunda imbaraga kugira ngo koko uwemera wese tumuteze intambwe kandi udandabirana mu kwemera wese tumukomeze bityo turusheho kumuhunda ibyiza byacu by’agatangaza kugira ngo koko mukomeze mwishimire intambwe tubateza kandi mukomeze mwishimire ibikorwa bitagatifu dukomeza gukorera muri mwebwe; ntumwa zanjye na DATA ndabashyigikiye kandi mbarangaje imbere kuko nkomeje kubahaza ibyiza byanjye kandi ngakomeza gushyigikira intambwe zanyu kugira ngo mukomeze mwakire ibyiza byacu bitagatifu kandi mukomeze munogerwe n’umukiro DATA akomeza kugenda abasendereza buri munsi.
Nimukomere ku rugamba kandi murusheho kuba intwari, bityo mukomeze murwanirire ukwemera kandi koko mukomeze murwanire ibikorwa byacu bitagatifu kuko DATA yiteguye kubakoreramo byose kandi yiteguye kubasohoreza umugambi we mutagatifu yavuze muri mwebwe kandi ibye byose yashyize mu buzima bwanyu koko bigakomeza kwigaragariza Isi; erega mutwaye amabanga akomeye kandi mutwaye ibyiza byacu by’agatangaza kuko byose twabyeguriye mu biganza byanyu kandi tukabatuzamo ibyiza bikomeye kugira ngo iteka ryose twabahaye imbaraga kandi twabasendereje ibyiza, zibatere guhora muri maso kandi zibatere guhora koko mwakira ibyiza byacu bikomeye kugira ngo hatagira na kimwe kibatungura muri mwe, ahubwo iteka muhore muzirikana ko imbaraga zacu zose ziganje muri mwe; nimukomeze mwitangane urukundo kandi mukomeze mukore byose mu rukundo kuko ibikorwa byanyu mukomeza kugenda mwitanga mu Isi kandi amasengesho mukomeza kugenda muturira Isi yose kandi mukomeza kugenda mugaragariza Mwene Muntu muri iki gihe cyane cyane n’ubwo benshi batabiha agaciro kandi batumva ko muri ab’agaciro muri iyi Si kandi koko yuko mufitiye akamaro ibiremwa byose biganje mu Isi; nimukomere kandi murusheho kwakira ibyiza byacu bitagatifu kuko nta n’umwe mugomba guhanga amaso muri iyi Si, ahubwo iteka ryose mugomba guhanga amaso Jye na DATA kandi koko mugatega amatwi ibikorwa byacu bitagatifu, bityo mukaturangamira kandi mukakira ibyo tubagezaho buri munsi kuko nkomeza kubategurira ibyiza kandi nkakomeza kubahunda ibyiza by’agatangaza kandi bidasanzwe muri iki gihe; nimukomeze rero mwakire ibyiza byacu kandi mukomeze munezerezwe ibyiza byacu by’agatangaza kuko nabahumuye kandi nkabatagatifuza bityo nkabereka inzira kandi nkabereka byose kugira ngo koko muhore mwakira kandi koko muhore munejejwe n’ibyiza bikomeye; niyo nsaba kugira ngo muhore muri maso kandi koko muhore mwiteguye kugira ngo hatagira ikibatungura kandi ntacyo ntakoreye muri mwe kandi ibyanjye byose narabishyize mu biganza byanyu, nkabereka inzira kandi nkabereka ikiri icyiza kugira ngo buri muntu wese akomeze gutega amatwi; nimukomeze rero mwakire ibyo byiza kandi koko mukomeze mutagatifuzwe kuko iki gihe ari igihe kidasanzwe kandi kuko ari igihe cy’imirimo ikomeye kandi ibikorwa byacu bitagatifu bigomba kwigaragariza Isi kandi koko bigakomeza gukomeza Mwene Muntu agasenderezwa umukiro kandi agasenderezwa ububasha butagatifu.
Nimugire gutona kandi mugire kunezezwa n’ibikorwa byacu bitagatifu kuko nkomeje kugenda nkorera byose muri mwebwe kandi nkaba nkomeje kugenda mbahishurira byose kandi koko mbashyirira ku mugaragaro ibikorwa byacu byose kuko ari ibihe by’umusozo kandi kuko ari ibihe bya nyuma byo kugira ngo DATA akomeze kugaragaza ikuzo rye ritagatifu kandi agaragaze ububasha bwe bukomeye mu biremwa byose kugira ngo mwebwe mwese muhumye amaso kandi mwebwe mwese mwigize nk’abatabona kandi koko mukigira impumyi ari ukugira ngo mutabona ibyiza by’urukundo rwa DATA mugahinduka kandi mugahindukirira ibyiza bye bikomeye, bityo ibyanyu byose mwibwira ko mukomeyeho mu Isi bigahinduka imfabusa kandi bigahinduka ubusa mu maso y’ababona kandi mu maso y’ababahanze amaso umunsi ku wundi.
Nimukomeze rero muhinduke kandi koko mukomeze mwihatire koko kwakira ibyiza byacu bikomeye kuko Isi yose iri mu biganza byacu kandi koko tukaba twarayikikijemo ibikorwa byacu bitagatifu kandi bidasanzwe bitazaha buri wese akanya na gato ko kugira ngo abone aho ahungira kandi abone aha atarabukira ibikorwa byacu bitagatifu kuko Isi yose tuyiganjemo kandi tuyiganjishijemo ibikorwa byacu bidasanzwe; ndabashyigikiye rero kandi mbarangaje imbere ku bemera kandi ku bakiriye urukundo rwacu rutagatifu muri iki gihe kuko twabashishikarije guhinduka kandi tukabereka inzira ikigendwa, ibikorwa byacu bitagatifu bikabageraho kandi tukabatagatifuza kandi tukabereka inzira nyayo kugira ngo buri muntu wese yakire umukiro kandi yakire ibyiza byacu bidasanzwe.
Nimukomeze mwihatire koko gushyira mu ngiro kandi no gushyira mu bikorwa ibyo tubashakaho buri munsi kugira ngo bikomeze kwigaragariza muri mwebwe, ntumwa zanjye ndabashyigikiye kandi mbarangaje imbere, nidukomezanye urugamba kandi muzirikane ko koko nkomeje kubakatarisha ndetse no gukomeza kubasendereza ibyiza byacu bikomeye kandi bidasanzwe bikomeza kubungabunga ubuzima bwanyu kandi bikomeza kubahaza ibyiza by’agatangaza bikomeza kwigaragariza muri mwe.
Mbifurije umunsi mwiza kandi mbasendereje imbaraga zanjye, nimugire ubutwari muri byose kandi mukomeze mugire ukwemera guhamye bityo musubizwe imbaraga kandi musubizwe ubuzima, bityo iteka ryose muhore mwiteguye kandi koko muhore mwitambaho ibitambo bizima kugira ngo koko mukomeze kuvomerera Isi kandi koko mukomeze kubera maso imbaga itabarika cyane cyane baba bibereye mu burangare umunsi ku wundi kandi benshi baba bibereye mu bidahesheje DATA agaciro muri iki gihe.
Ndabakomeje kandi nkomeje kubasendereza imbaraga kandi nkomeje kubasendereza ubutwari butagatifu, nimugire guhumuka amaso kandi kuri buri wese, mugire gutekereza kandi muzirikane iteka ryose ko mpora nganje muri mwe kandi ko nkomeze kubateza intambwe kandi nkabagaragarizamo imirimo yanjye mitagatifu kandi nkabasendereza ibikorwa byacu bitagatifu.
Nimuhorane isuku ya roho kandi koko muhore mwitagatifuza kugira ngo koko muhore muri intore zinyuze DATA kandi zimwizihiye kugira ngo imirimo ye mitagatifu ikomeze kwigaragariza muri mwe kandi ikomeze kubasendera, ikomeza kubahaza ibyiza byose kandi ikabereka inzira y’ikiri icyiza, kuko yaberetse iretse rigufi buri wese yisanzuriramo kandi akisukuriramo; bityo akakira ibikorwa byacu bitagatifu kandi akanezerezwa n’imbaraga zikomeye.
Nimusubire ku gicaniro gitagatifu kandi musubire ku byiza by’agatangaza DATA yashyize rwagati muri mwebwe kandi yabasendereje kugira ngo iteka ryose muhore munyuzwe n’urukundo rwe rutagatifu; nimuzirikane rero ko igihe murimo ari igihe cya nyuma kandi koko ari igihe kidasanzwe kandi koko kigoye kandi gikomereye utemera, bityo uwemera wese kandi uwo natagatifuje nkaba muhagazeho kandi nkaba muri iruhande wese, akaba anejejwe n’ibikorwa byacu bitagatifu dukomeje kugenda dukora muri iki gihe; mbifurije rero umunsi mwiza, nimukomere turi kumwe kandi dukomezanye urugendo, bityo nkomeze kubarangaza imbere kandi koko nkomeze kubatagatifuza ndetse no kurushaho kubaha guterwa inkunga ndetse no kuzirikana ibikorwa byacu bitagatifu dukomeza gukorera muri mwebwe umunsi ku wundi.
Mbifurije umunsi mwiza ntore zanjye na DATA, nimukomere kandi mukomeze mwakire ibyiza byanjye bikomeye kandi koko mukomeze muzirikane ko nkomeje kubarangaza imbere ndetse no gukataza mu bikorwa byanyu bya buri munsi, muhazwa imbaraga kandi muhazwa ibyiza byacu by’ububasha butagatifu budasanzwe kandi bikomeza gukumira ikibi cyose kandi bikomeza guheza ibitero byose by’umwanzi kugira ngo koko birusheho gukomeza kuvuyanga ndetse no kujajanga aho hose Sekibi akomeza kugenda yumva ko akihafite uburenganzira kandi akihafite ububasha, kuko yatsinzwe kandi koko yakuwe mu nzira n’ibikorwa byacu bitagatifu; nimukomere rero ku rugamba kandi mukomeze muzirikane ibikorwa byacu bitagatifu kandi mukomeze muzirikane imirimo dukomeza gukorera muri mwebwe; nimugire ukwemera guhamye kandi mwambare mwikwize kuko iki gihe ari igihe cy’urugamba rudasanzwe kandi ari igihe koko cy’ibikorwa bidasanzwe kandi bikomeye ndetse no gusendereza ububasha butagatifu kandi bukomeza kugenda bugera kuri buri wese kandi bugasendera imitima ya buri kimwe cyose kiganje mu Isi muri iki gihe.
AMAHORO, AMAHORO, NTORE ZA DATA, MBIFURIJE UMUNSI MWIZA, NIMWAKIRE IBYIZA BYANJYE KANDI MUKOMEZE KUNEZEREZWA N’UMUGISHA WANJYE MUTAGATIFU MBASENDEREZA KANDI NKOMEZA KUBAHAZA UKO BWIJE N’UKO BUKEYE, NDABAKUNDA KANDI NDABASHYIGIKIYE KURI BURI WESE, NDI YEZU KRISTU W’I NAZARETI, AMAHORO, AMAHORO!!!